Jihadismoa eta klima aldaketa hizpide G7an
Terrorismo islamistaren eta klima aldaketaren kontrako borrokak izango dituzte gaur hizpide G7ak Elmaunen (Alemania) bi egunez egiten ari den batzarrean. Horrez gain, ebolaren moduko epidemiei aurre egiteko neurriak ere eztabaidatuko dituzte munduko zazpi herrialde boteretsuenek.
AEB, Alemania, Frantzia, Erresuma Batua, Italia, Kanada eta Japoniako buruzagiek igandean ekin zioten batzarrari, Errusiaren eta Greziarekin dauden aferak mahai gainean jarrita.
Bigarren egun honetan, jihadismoak Iraken eta Nigerian izan duten hedapena izango dute aztergai herrialdeok. Muhammdu Buhari eta Beyi Caid Essebsi Nigeriako eta Tunisiako presidenteak eta Haider Al Abadi Irakeko lehen ministroa hartuko dituzte gonbidatu gisa, Boko Haramen eta Estatu Islamikoaren gorakadaren kontrako neurriak adosteko.
Klima aldaketari aurre egin nahi diete Alemaniak eta Frantziak, eta Parisen 2015 amaieran izango den Klima Aldaketaren inguruko Goi Bilerarako adostasun maila zabala erdiesteko asmoa dute bi herrialdeek.
Karbono dioxidoaren eta berotegi efektua eragiten duten gasen isurketak nabarmen gutxitzeko akordioa lortu nahi dute Merkelek eta Holandek. Klimaren Funts Berdeari eman beharreko diru partida handitzea ere proposatuko dute (urtero 100.000 milioi euro behar ditu).
Osasuna eta mundu mailako epidemiak ere, zazpi herrialdeen kezka-iturri dira. Alemaniak, Ghanak eta Norvegiak ebolari aurre egiteko proposatutako osasun programa izango dute mahai gainean.
Albiste gehiago mundua
Mikel Ayestaran: "Ez dago inolako aldaketarik Benjamin Netanhayuren Gobernuaren estrategian"
Israelgo Segurtasun Kontseiluaren bileraren ondoren, ez dirudi Netanyahuren Gobernuak Gazako okupazioa gelditzeko asmorik duenik. Erabaki horrek haserre handia sortu du bahituen familien artean. Gaur ehunka mila pertsona atera dira Israelgo kaleetara manifestazio jendetsuetan, baina ez masiboetan.
Astelehenean bonbardatu zuen ospitalean “Hamasen kamera bat” zegoela argudiatu du Israelek, ebidentziarik aurkeztu gabe
Israelgo Armadak "hasierako ikerketa" bat aurkeztu du astelehenean gertatutakoaren inguruan, baina ez du ebidentziarik eskaini bere defentsa frogatzeko. Erasoetan, 20 pertsona hil zituzten, tartean bost kazetari.
Netanyahuren aurkako protesta jendetsua Tel Aviven
Milaka pertsona kalera atera dira Israelgo Gobernuari presioa egiteko eta bahituak askatzea ekarriko duen Gazarako su-eten akordioa sinatzea eskatzeko. Egunean zehar, Israelgo hainbat hiritan martxak egin dituzte eta herrialdeko errepide garrantzitsuenetako batzuk blokeatu dituzte. Orain arte izandako mobilizaziorik jendetsuenak izan dira gaurkoak.
Hiru hildako eta 10 zauritu inguru utzi ditu Kajiki tifoiak Vietnamen
Kajiki tifoia "oso indartsu eta arriskutsutzat" jo dute Vietnamgo agintariek. Nghe An eta Ha Tinh probintzien artean jo du lurra, 90 eta 117 km/h arteko haizeekin eta 150 km/h-ko ufadekin.
Hondar-ekaitz ikusgarri batek Arizonako Phoenix hiria estali du
Ekaitzarekin batera, tximista ugari eta 110 km/h-tik gorako haize-boladak izan dira. AEBtako aireportu garrantzitsuenetakoa den Sky Harbor Nazioarteko Aireportuan hainbat hegaldi bertan behera utzi behar izan dituzte.
Mikel Ayestaran: "Ez dago itxaropen handirik bahituak askatzeko negoziazioen inguruan"
Israelgo Segurtasun Kontseiluaren gaurko bileran bi gai nagusi izango dituzte mahai gainean: Gazako hiriaren inbasioa eta bahituak askatzeko negoziazioak. Nahiz eta Hamasek bitartekarien azken proposamena onartu, Netanyahuk baldintzak aldatu ditu eta bahitu guztiak batera askatzea eta Hamas armagabetzea eskatzen ditu. Familiek badakite euren azken aukera dela, eta hainbat protesta deitu dituzte gaurko.
Sozialistek ez dute Bayrouren konfiantza mozioa babestuko, eta Frantziako Gobernuaren etorkizuna kolokan jarri dute
Aurrerakoiak eta ultraeskuindarrak irailaren 8an ados jarriz gero, Exekutiboak dimisioa aurkeztu beharko du.
Helikoptero bat urmael batean erori da Frantzian, sute bat itzaltzeko ura hartzen ari zenean
Istripua Rosporden herrian gertatu da, Frantziako Finistere departamentuan, sute bat itzaltzeko lanetan ari zen helikoptero bat ura kargatzera joan denean. Maniobra egiten ari zela biraka hasi da eta azkenean uretara erori da. Zorionez, bi bidaiariak onik atera dira.
Gazan kazetarien hilketengatik justizia eskatu du NBEk
Gutxienez 245 kazetari palestinar hil dituzte Gazan 2023ko urriaren 7an gerra hasi zenetik, bertako Gobernuaren arabera.
Bayrouren hordagoa: bere Gobernua erorarazi lezakeen konfiantza mozioa egin du
Urte politikoaren hasiera malkartsu dator Frantziako Estatuan, bereziki aurrekontuak direla eta. François Bayrou lehen ministroak 40.000 milioi euroko murrizketak iragarri zituen 2026ko kontuetarako, eta hautsak harrotu zituen. Gauzak horrela, gaur jakinarazi du konfiantza mozioa egingo duela Asanblea Nazionalean, irailaren 8an.