Asteazkeneko hondoratzetik bizirik atera zirenak Italiara heldu dira
Mediterraneo itsasoaren uretan gertatutako azken tragediatik bizirik atera ziren ia 400 etorkinak Sizilia uhartera (Italia) heldu dira ostegun honetan. Libiako kostaldetik gertu ontzi bat hondoratu zen asteazkenean, eta 25 gorpu berreskuratu zituzten.
Erreskatatu zituzten 367 pertsonetatik 373 lehorreratu dira; izan ere, sei Lampedusako ospitalera batera eraman behar izan dituzte helikoptero batean.
Libiako kostaldetik 15 miliara (24 bat kilometro) gertatu zen ezbeharra, arratsaldeko lehen orduan, asteazkenean.
Aurten 2.000 pertsona hil dira Mediterraneoa gurutzatzeko saiakeran, Migraziorako Nazioarteko Erakundeak asteartean jakitera eman zuenez.
Beste erreskate bat, gaur (osteguna)
Libiako kostaldetik atera eta gabarra baten barruan bidaiatzen zebiltzan beste 381 immigrante salbatu dituzte gaur bertan; bidaiarien artean 55 emakumezko eta 26 haur zeuden.
Aipatutako 381 immigranteen erreskatea Libiako kostaldearen iparraldetik 30 itsas miliatara (48 kilometro inguru) gertatu da. Handik zebilen Fiorillo itsasontzia, atzoko ezbeharretik bizirik atera ahal izan direnak bilatzeko asmoz.
Krisia konpontzeko ausardia eskatu du Europako Batzordeak
Erantzun global eta bateratua eskatu du gaur Europako Batzordeak. Mediterraneoko tragediari aurre egiteko jatorrizko eta igarotze herrialdeekin elkarlanean aritzea beharrezkoa dela azpimarratu du.
“Telebista aurrean negar egitea oso erreza da tragedia ikustean, baina zailagoa da jaikitzea eta erantzukizunak hartzea”, adierazi dute Frans Timmermans Europako Batzordearen presidenteordeak, Federica Mogherini EBko goi-ordezkariak eta Dimitris Avramopulos Immigrazio komisarioak agiri bateratu batean.
“Ausardia kolektiboa behar dugu orain ekintza konkretuak aurrera eramateko, bestela hitzak hutsik geratuko lirateke”, azpimarratu dute.
Albiste gehiago mundua
Aitor Zabalgogeazkoa (MSF): "Gazako janari banaketa sistema berria basakeria bat da"
Aitor Zabalgogeazkoak zortzi aste egin ditu Gazan Mugarik Gabeko Medikuak erakundearen larrialdietako koordinatzaile bezala lan eginez. Bere hitzetan, 22 hilabeteren ostean, "jendeak esperantza galdu du eta gosetea gero eta handiagoa da". Zabalgogeaskoak gertutik bizi izan du Israelek eta AEBk babesten duten janari banaketa puntuetan gertatzen dena. "Egunero egoten dira hildakoak eta zaurituak" eta askok buruan eta bularrean jasotzen dituztela tiroak adierazi du "Gaur Egun" albistegian egindako elkarrizketan.
Hogeita hamar bat kazetarik protesta egin dute Tel Aviven kazetari gazatarren hilketaren aurka
"Utzi Gazan kazetariak hiltzeari", irakur zitekeen, ingelesez, arabieraz eta hebreeraz idatzitako pankarta batean. Kazetariak ordu erdiz egon dira bilduta Israelgo Kazetarien Elkarte Nazionalaren egoitzaren atarian isiltasunean.
Gutxienez 26 pertsona hil dira Lampedusako kostaldean, ontzi bat hondoratuta
Desagertuen bila jarraitzen dute; izan ere, 95 bat migratzaile zihoazen goizaldean Tripolitik (Libia) abiatu diren bi ontzitan. Horietako batean ura sartzen hasi da, eta, ondorioz, pertsonak bestean ontziratu dira. 60 inguru erreskatatu dituzte.
Aitor Zabalgogeazkoa Gazatik itzuli berri da eta Zerrendako egoera "inoiz baino okerragoa" dela uste du
Bilbon komunikabideekin egindako topaketa batean, 2012ra arte Mugarik Gabeko Medikuak erakundeko zuzendari nagusi izan denak eta gaur egun larrialdietako koordinatzailea den Aitor Zabalgogeazkoak Gazan eman dituen azken zortzi asteak deskribatu ditu. Gaur gauean, "Gaur Egun" albistegian elkarrizketa egingo diote, Gazako Zerrendan bizi den egoera azaldu dezan.
Europako buruzagiek su-etena eskatu diote Trumpi, ostiralean Putinekin Alaskan egingo duen bileraren abiapuntu gisa
Macronen arabera, AEBko presidenteak bideokonferentziaz baieztatu die NATO ez dela Ukrainaren segurtasun bermeetan inplikatuta egongo. Gainera, Frantziako presidenteak azaldu du Trumpek bermatu diela Zelenskik bakarrik negoziatuko dituela Ukrainak Errusiari lagako omen dizkion lurraldeak.
Netanyahuren aurkako epaiketari azaroaren 2an helduko diote berriro, hainbat saio bertan behera geratu ostean
Israelgo lehen ministroak, funtzionario-eroskeria, iruzur eta konfiantza-abusu delituak leporatuta, astean hiru aldiz agerraldia beharko du data horretatik aurrera. Netanyahu Israelen historian jardunean dagoela epaitzen duten lehen gobernuburua da.
EBk negoziazioetan Ukrainak duen papera aldarrikatu du eta Errusia ohartarazi du, Hungariak sinatu ez duen mezu batean
"Ukrainako herritarrek beren etorkizuna erabakitzeko askatasuna izan behar dute. Ukrainako bake-bidea ezin da Ukraina gabe erabaki", ohartarazi dute, eta su-etena ezinbestekoa dela edozein aurrerapauso egiteko.
Trumpek beste 90 egunez luzatu ditu Txinarako muga-zergak
Txinako Merkataritza Ministerioak baieztatu duenez, Trumpen agindu exekutiboa baino apur bat lehenago, AEBren "ahaleginak" espero zituen "berdintasunean, errespetuan eta elkarrekiko onuran oinarritutako emaitza positiboa" lortzeko.
Trumpek Armada zabalduko du Washingtonen, eta Poliziaren kontrola bereganatu du
Agintari errepublikanoak krimenengatik kontroletik kanpo dagoen hiriburu baten irudia marraztu du Etxe Zurian egindako agerraldian. Hilketak "munduko okerrenak" diren lekuetan, Bogotan eta Mexiko Hirian, esaterako, baino askoz gehiago direla adierazi du.
Duela 66 urte Antartikan desagertutako zientzialari baten gorpua aurkitu dute
Gorpuzkiak Dennis "Tink" Bell meteorologoarenak dira, 1959an pitzadura glaziar batera erori zen 25 urteko britainiar meteorologoarenak.