25 pertsona hil dira Libian, errefuxiatu ontzi bat hondoratuta
Ehunka etorkin Italiara zeramatzan ontzi bat irauli egin zen atzo Libiako kostaldetik milia gutxira. Gutxienez 25 gorpu uretatik atera dituzte dagoeneko, Kostazainen iturriek baieztatu dutenez. Iturri beren arabera, 400 bat etorkin bizirik erreskatatu zituzten.
Besteak beste, Italiako Itsas Armadako eta Tritoi operazioaren ontziak eta Dignity I Mugarik Gabeko Medikuen ontzia parte hartzen ari dira.
Libiako kostaldetik 15 miliara (24 bat kilometro) gertatu zen ezbeharra, arratsaldeko lehen orduan. Cataniako (Sizilia) egoitzaren abisua jaso zuen asteazken arratsaldean Erromako Kostazainen Zentroak. Siziliako Kanalean arazoak zituen ontzi baten berri eman zuen Cataniako egoitzak.
Antza denez, larrialdi zerbitzuak heldu zirenean etorkinak ontziaren alde batean pilatu ziren eta patera irauli egin zen. Ondorioz, errefuxiatuak uretara erori ziren.
Gaur bertan (osteguna) espero da iristea Palermoko portura (Italia) 400 erreskatatuak eta hildako 25 norbanakoen gorpuak daramatzan itsasontzia.
Aurten 2.000 pertsona hil dira Mediterraneoa gurutzatzeko saiakeran, Migraziorako Nazioarteko Erakundeak asteartean jakitera eman zuenez.
Beste erreskate bat, gaur (osteguna)
Libiako kostaldetik atera eta gabarra baten barruan bidaiatzen zebiltzan beste 381 immigrante salbatu dituzte gaur bertan; bidaiarien artean 55 emakumezko eta 26 haur zeuden.
Aipatutako 381 immigranteen erreskatea Libiako kostaldearen iparraldetik 30 itsas miliatara (48 kilometro inguru) gertatu da. Handik zebilen "Fiorillo" itsasontzia, atzoko ezbeharretik bizirik atera ahal izan direnak bilatzeko asmoz.
Zure interesekoa izan daiteke
Gutxienez 111 hildako eta kalte handiak Kolonbian, 7,4 graduko lurrikara baten ondorioz
Hildakoen kopuru handiena Risaralda departamenduan izan da oraingoz, 40 pertsona hil baitira; Cauca haranean, aldiz, 27 eta lau Chocon, lurrikararen epizentroa. Bogotan, Calin, Popayanen, Manizalesen, Armenian, Medellinen eta erdialdeko eta mendebaldeko beste hiri batzuetan ere nabaritu dute.
Schengen eremua bermatuta dagoela esan dio Aagesenek Italiari
Espainiako Gobernuko presidenteordeak azpimarratu du Ceutan sartutako migratzaileetako bat ere ez dela penintsulara iritsi.
Israelek baztertu egin du Trumpen Gazarako 15 puntuko plana
Netanyahuk esan du Hamas erabat armagabetu arte Israelgo Armadak ez duela Gazatik alde egingo, eta baztertu egin du Palestinako Estatua sortzea.
Ebola kontrolik gabe zabaltzen ari da Kongoko Errepublika Demokratikoan eta 1.850 hildako eragin ditu jada
Inoiz izandako agerraldirik larrienak 4.053 kasu baieztatu ditu dagoeneko, eta MOEk "premiazko" erantzuna eskatu du.
Abelardo de la Espriellak Kolonbiako Presidentetza hartu du
Eskuin muturreko presidente berriak Cali aukeratu du inbestidurarako, Bogota hautatu beharrean, eta talde armatu ilegalekin elkarrizketari amaiera ematea eta legez kanpoko laboreak fumigatuko dituela iragarri du.
SpaceXen kohete batek Ilargiaren kontra talka egin duela esan du NASAk, baina adierazi du ez duela arriskurik ekarriko
2025eko urtarrilean jaurtitako Falcon 9 kohete baten goiko zatiak, planifikatu gabe, talka egin du Ilargiaren gainazalarekin, eguzki-jardueraren eta grabitate-indarren konbinazio baten ondorioz.
Iranek eta Omanek Ormuzen nabigatzeko bide berri bat adostu dute
Itsasarteko bide berri hori egiteko akordioa lortu izanak ez du esan nahi berriro irekiko dutenik, Iranek zehaztu duenaren arabera, AEBren eta Israelen arteko erasoaldi militarraren ondorioz itxi baitzuten.
Marokok dozenaka pertsona auzipetu ditu Ceutako krisiarekin lotutako delituengatik
Marokoko Giza Eskubideen Elkartearen arabera, 34 pertsona auzipetu dituzte Tetuanen (tartean, bost adingabe) eta 52, Nadorren.
Danubiok bere sekretuak agerian utzi ditu lehortearen ondoren: mamut baten aztarnak eta nazien ontziak azalera atera dira
Danubio ibaiak, Europako bigarren luzeenak, lehorte historikoa bizi du, eta bere ur-emaria murriztu denez, iraganeko aztarna harrigarriak utzi ditu agerian: mamut baten aztarnak azaldu dira Bulgarian, eta Bigarren Mundu Gerran hondoratutako dozenaka ontzi ikusgai geratu dira Serbian.
Gutxienez 14 pertsona hil eta 27 zauritu dira Errusiak Kiev eskualdean gauez egindako erasoetan
Brovary barrutian "sute handiak" izan dira biltegi batzuetan, eta baita Velyka Dymerka, Kvitneve eta Peremoga herrietan ere. Astearte honetan, Volodimir Zelensky Ukrainako presidenteak Errusiaren aurkako operazio gehiago egitekotan zela iragarri osteko erantzun gisa egin ditu Moskuk azken erasoak.