Gutxienez 200 etorkin hil dira, bi ontzi Libiako kostan hondoratuta
Ehunka lagun hil dira gauean Mediterraneo itsasoan, Libiako kostaldean, bi ontzi hondoratu ostean, iturri ofizialek jakitera eman dutenez. Europara iritsi nahi zuten, Sirian eta Saharaz hegoaldean dauden gatazketatik ihes egiteko. ACNURek zabaldu duenez, gutxienez 200 pertsona hil dira ezbeharrean.
Erakunde horren arabera, hondoratutako lehen ontzian 50 bat lagun zihoazen, eta bigarrenean 400 bat. Gehienak Siria, Bangladesh eta Afrikako hainbat herrialdetakoak ziren.
Kostazainak etengabe ari dira lanean atzo gauetik, baliabide gutxi badituzte ere, bizirik atera direnen eta gorpuen bila. Gorpu batzuk dagoeneko Zauara eta Sabratha itsasaldeko hirietara eraman dituzte, Tripoliko mendebaldean.
Kaosa eta gerra zibila, Libian
Libia huts egindako estatu bat da. Kaosa eta gerra zibila dira nagusi bertan 2011tik; matxinoek, nazioarteko laguntzarekin, Gadafiren erregimen tiranikoa erorarazi zutenetik.
Herrialdea zatituta dago ordutik. Gobernu matxinoa dago Tripolin, eta nazioartearen onespena duen beste bat, Tobruken. Natura baliabideak kontrolatzeko borrokan ari dira, eta Gadafiren garaiko erregimeneko kideek, lider tribalek eta gerrako jaunek bata edo bestea babesten dute.
Gatazkaren ondorioz, hainbat mafia egoera ari dira aprobetxatzen. Herritar askok Europara joan nahi dute, eta immigrazioa legez kanpo bideratzen ari diren mafiak horretaz baliatzen dira. Aurten, NBEren datuen arabera, 2.500 lagun inguru hil dira Mediterraneoan.
250.000 lagunek, aldiz, Greziara edo Italiara heltzea lortu dute.
Zure interesekoa izan daiteke
21 palestinar hil ditu Israelek Gazan, tartean sei haur, gauez egindako erasoetan
Erasoen biktimetako bat Hussein Hassan Hussein Al Samiri da, Palestinako Ilargi Gorriko paramediko bat. Israelek atzo gauetik jaurtitako bonbardaketa ugarietako batetik zaurituak zeramatzala eraso diote. Su-etenaz geroztik Israelek egindako erasoen ondorioz hildako gazatarren kopurua 556ra igo da, horien artean 115 adingabe baino gehiago.
Trumpek eta Petrok bakeak egin dituzte, urtebetez irainka aritu ostean
Donald Trump AEBko presidenteak eta Gustavo Petro kolonbiar homologoak astearte honetan bakeak egin dituzte, tonu atsegineko bilera batekin, Etxe Zurian, desadostasunek eta irain gurutzatuek markatutako urte baten ondoren.
Elon Muskek eduki esplizitua sustatu zuen Grok AArekin, Xn erabiltzaileak irabazteko
Aktibo egon zen hamaika egunetan, Groken irudi sortzaileak hiru milioi irudi sexualizatu baino gehiago sortu zituen; horietatik 23.000k haurrak irudikatzen zituzten eta 1,8 milioik inguru, emakumeak. Elon Muskek xAIko langileei eskatu zien eduki esplizituarekin lan egiteko trebatzeko, sexuala barne, eta langileei ohartarazi zien "eduki sentikorra, bortitza, sexuala eta/edo beste eduki iraingarri edo asaldatzaileak" ikusteko prestatu zitezela, "estres psikologikoa" eragin ziezaiekeen eta.
Nobel Institutuak adierazi du Machadoren sariaren berri filtratu zela, baina ez du zehaztu nola
"Iragarpena egin baino ordu batzuk lehenago hainbat pertsonak dirutza jokatu zuten apustu-webguneetan, eta, hortaz, ziur esan dezakegu batzuk gai izan zirela iazko erabakiari buruzko informazioa legez kanpo eskuratzeko", adierazi du Institutuak ohar batean.
X sare sozialak Frantzian dituen lokalak miatu dituzte eta Elon Musk deitu dute galdeketa egiteko
Frantziako Fiskaltza X sare soziala (lehen, Twitter) ikertzen ari da, bere bulegoetan egindako miaketa baten ondoren, eta enpresaren jabea deklaratzera deitu du, duela urtebete irekitako ikerketaren ondorioz.
Ilargirako misio tripulatua martxora arte atzeratu da, gaurko probetan erregai-ihesa izan eta bertan behera utzi behar izan dutelako
"Misio historiko honi ekiteko prest gaudela uste dugunean egingo dugu jaurtiketa", esan du Jared Isaacman NASAren buruak, eta gaineratu du taldeak datuak "sakon" berrikusiko dituela, "atzemandako arazo guzti-guztiak konponduko" dituela, beharrezko konponketak egingo dituela eta berriz egingo dituela saiakerak.
Mikel Reparazek egungo egoera geopolitikoari buruz egindako dokumentala proiektatuko dute gaur Bilbon
EITBren nazioarteko arduradunak lehia geopolitikoaren eremu liskartsuenetan grabatutako bideoak ikusentzunezko lan batean bildu dituzte. Dokumentala BBK Aretoan izango da ikusgai, eta ondoren, solasaldia antolatu dute.
Mila eraikin baino gehiago berkuntzarik gabe geratu dira Kieven, Errusiak egindako bonbardaketa baten ondorioz, -20 gradurainoko tenperaturak direnean
Darnitsia eta Dniprovski auzoetako etxeak dira. Energia-instalazioen aurka Errusiak egindako lehen erasoa da, joan den ostegunean energiaren aurkako bonbardaketetan aldi baterako su-etena ezarri zuenetik.
Petro eta Trump Etxe Zurian bilduko dira gaur, tentsioa baretzeko ahaleginean
Kolonbiako presidenteak kafez eta txokolatez betetako saskia eramango du AEBko presidentearekin egingo duen bilerara. Trumpek bilera "ona" izatea espero du, AEBk Maduro preso hartu zuenetik agintari kolonbiarra "oso atsegin" jokatzen ari dela esanda.
Libano hegoaldean "substantzia kimiko ezezagun bat" botatzea leporatu dio UNFILek Israeli
Nazio Batuen Libanoko Bitarteko Indarrak adierazi du kezkatuta dagoela kimiko horiek osasunerako kaltegarriak izan daitezkeelako, baita nekazaritza-lurretan eta zibilak beren etxeetara itzultzeko izan dezaketen eraginagatik ere.