Hungaria legedia berriarekin errefuxiatuak atxilotzen hasi da
Legedia berria gauerdian indarrean sartu ondoren, Hungariako segurtasun indarrek 16 errefuxiatu atxilotu dituzte mugan. Araudia berriak espetxe-zigorrak aurreikusten ditu muga legez kanpo gurutzatzen dutenentzat.
Bere muga itxi zuen Hungariak astelehenean, eta agiriak dituzten gatazka zonaldeetako errefuxiatuen asilo eskakizunak bakarrik bideratuko ditu sarrera puntu ofizialetan. Bien bitartean, legez kanpo herrialdean sartzen direnei hiru urteko kartzela-zigorrak aurreikusten dituen legedia drakoniarra hasi dira aplikatzen gaur.
Roszken zabalik zegoen tartea ustekabean astelehenean itxi arte, 9.380 pertsona baino gehiago zenbatu zituen Poliziak egun bakarrean. Azken asteetan milaka pertsona sartu dira bertatik.
Mugan euren lana “ez oztopatzeko” eskatu diete gaur segurtasun indarrek kazetariei eta herritarrei. Bestalde, indarrean sartu diren legeak aplikatzeko irmo jardungo dutela ohartarazi dute.
Espetxe-zigorrak edo kanporatzea
M1 Hungariako telebista publikoak jakitera eman duenez, atxilotuak mugan jarritako hesia ebakitzen ari zirela harrapatu ditu Poliziak. Bost urteko kartzela-zigorra ezar diezaiekete hesiari kalte egiteagatik; izan ere, larrigarri da.
Aurreneko epaiak baldintzapekoak izango direla ziurtatu dute legelariek. Horregatik, atxilotuak herrialdetik kanporatuko dituzte.
Legez kanpo herrialdean sartzen berriro harrapatzen baldin badituzte, orduan berehala espetxe-zigorra ezarriko liekete. Guztira, 130 epailek araudi berria aplikatuko dute epaiketa bizkorretan, Szegeden.
Alanbre-hesiak tren bagoi bat estaltzen du Roszken, Hungaria eta Serbia arteko mugan. Argazkia: EFE
175 kilometroko hesi bat eraiki du Hungariako Gobernuak Serbiako mugan, hegoaldean, errefuxiatuen etorrera geldiarazteko. Gainera, 900 polizia eta 4.300 soldadu zabaldu ditu eskualdean.
Krisi egoera bi probintziatan
Hungariako Gobernuak “krisi egoera” deklaratu du gaur hegoaldeko bi probintziatan.
Herrialdean legez kanpo sartu diren 180.000 errefuxiatu baino gehiago zenbatu dituzte Hungariako agintariek aurten, baina gehienek Alemaniara, Herbeheretara edo Eskandinaviako herrialdetara arte bidaia jarraitu dute.
Human Rights Watch bezalako erakundeek errefuxiatuei emandako tratua gogor kritikatu dute. Harrera zentroetako baldintzak “ankerrak” direla ziurtatu dute.
Zure interesekoa izan daiteke
Trumpek eta Petrok bakeak egin dituzte, urtebetez irainka aritu ostean
Donald Trump AEBko presidenteak eta Gustavo Petro kolonbiar homologoak astearte honetan bakeak egin dituzte, tonu atsegineko bilera batekin, Etxe Zurian, desadostasunek eta irain gurutzatuek markatutako urte baten ondoren.
Elon Muskek eduki esplizitua sustatu zuen Grok AArekin, Xn erabiltzaileak irabazteko
Aktibo egon zen hamaika egunetan, Groken irudi sortzaileak hiru milioi irudi sexualizatu baino gehiago sortu zituen; horietatik 23.000k haurrak irudikatzen zituzten eta 1,8 milioik inguru, emakumeak. Elon Muskek xAIko langileei eskatu zien eduki esplizituarekin lan egiteko trebatzeko, sexuala barne, eta langileei ohartarazi zien "eduki sentikorra, bortitza, sexuala eta/edo beste eduki iraingarri edo asaldatzaileak" ikusteko prestatu zitezela, "estres psikologikoa" eragin ziezaiekeen eta.
Nobel Institutuak adierazi du Machadoren sariaren berri filtratu zela, baina ez du zehaztu nola
"Iragarpena egin baino ordu batzuk lehenago hainbat pertsonak dirutza jokatu zuten apustu-webguneetan, eta, hortaz, ziur esan dezakegu batzuk gai izan zirela iazko erabakiari buruzko informazioa legez kanpo eskuratzeko", adierazi du Institutuak ohar batean.
X sare sozialak Frantzian dituen lokalak miatu dituzte eta Elon Musk deitu dute galdeketa egiteko
Frantziako Fiskaltza X sare soziala (lehen, Twitter) ikertzen ari da, bere bulegoetan egindako miaketa baten ondoren, eta enpresaren jabea deklaratzera deitu du, duela urtebete irekitako ikerketaren ondorioz.
Ilargirako misio tripulatua martxora arte atzeratu da, gaurko probetan erregai-ihesa izan eta bertan behera utzi behar izan dutelako
"Misio historiko honi ekiteko prest gaudela uste dugunean egingo dugu jaurtiketa", esan du Jared Isaacman NASAren buruak, eta gaineratu du taldeak datuak "sakon" berrikusiko dituela, "atzemandako arazo guzti-guztiak konponduko" dituela, beharrezko konponketak egingo dituela eta berriz egingo dituela saiakerak.
Mikel Reparazek egungo egoera geopolitikoari buruz egindako dokumentala proiektatuko dute gaur Bilbon
EITBren nazioarteko arduradunak lehia geopolitikoaren eremu liskartsuenetan grabatutako bideoak ikusentzunezko lan batean bildu dituzte. Dokumentala BBK Aretoan izango da ikusgai, eta ondoren, solasaldia antolatu dute.
Mila eraikin baino gehiago berkuntzarik gabe geratu dira Kieven, Errusiak egindako bonbardaketa baten ondorioz, -20 gradurainoko tenperaturak direnean
Darnitsia eta Dniprovski auzoetako etxeak dira. Energia-instalazioen aurka Errusiak egindako lehen erasoa da, joan den ostegunean energiaren aurkako bonbardaketetan aldi baterako su-etena ezarri zuenetik.
Petro eta Trump Etxe Zurian bilduko dira gaur, tentsioa baretzeko ahaleginean
Kolonbiako presidenteak kafez eta txokolatez betetako saskia eramango du AEBko presidentearekin egingo duen bilerara. Trumpek bilera "ona" izatea espero du, AEBk Maduro preso hartu zuenetik agintari kolonbiarra "oso atsegin" jokatzen ari dela esanda.
Libano hegoaldean "substantzia kimiko ezezagun bat" botatzea leporatu dio UNFILek Israeli
Nazio Batuen Libanoko Bitarteko Indarrak adierazi du kezkatuta dagoela kimiko horiek osasunerako kaltegarriak izan daitezkeelako, baita nekazaritza-lurretan eta zibilak beren etxeetara itzultzeko izan dezaketen eraginagatik ere.
AEBk irlaren kontrola bereganatzeko helburua izaten jarraitzen duela ohartarazi du Groenlandiako lehen ministroak
AEBko presidenteak diskurtsoa leundu eta indarra erabiltzeko mehatxuetan atzera egin duen arren, Groenlandiak uste du presioak bere horretan jarraitzen duela.