Frantziak Estatu Islamikoaren gotorlekua bonbardatu du Sirian
Ar-Raqqa hiriaren aurkako erasoa egin dute Frantziako ehiza-hegazkinek, Defentsa Ministerioak jakitera eman duenez. Ar-Raqqa Estatu Islamikoaren gotorlekua da Sirian. AEBko Inteligentziaren datuak erabili dituzte bonbardaketa bideratzeko, Wall Street Journal egunkariak aipatutako iturri ofizialen arabera.
Dozena bat hegazkinek parte hartu duten operazioan, talde jihadistaren aginte zentro, errekrutatze zentro, armategi eta entrenamendu eremu bati eraso diete.
Parisko sarraskiaren osteko aurreneko erantzun militarra izan da operazioa. Ben Rhodes Etxe Zuriko segurtasun aholkulariaren ondokoak iragarri duenez, bi herrialdeek ?esfortzuak? areagotuko dituzte.
Horren harian, Ameriketako Estatu Batuak Estatu Islamikoaren kokaguneei buruzko informazio sekretua Frantziarekin partekatzen hasi dela jakinarazi dute iturri ofizialek.
Gainera, agiri horiek partekatzeko, segurtasun murrizketa batzuk ezabatzea erabaki du Etxe Zuriak, iturri horien arabera.
Hala, Frantzia Siriako kanpainan AEBren aliatu nagusi bihurtu da, Ashton Carter Defentsa idazkariaren aginduz, egunkariko iturriek esan dutenez. Bonbardatu dituzten zonaldeak aldez aurretik identifikatu dituzte beste misio batzuek.
AEBko indarrekin elkarlanean egin dituzte erasoak. Hegazkinak Jordaniako eta Arabiar Emirerri Batuetako baseetatik aireratu dira.
Rafale eta Mirage 2000 ehiza-hegazkinek urtebete baino gehiago eman dute Iraken, talde terroristaren aurkako operazioetan parte hartzen. Era berean, Frantziako 700 soldadu zonaldean dira.
Ihes egindako susmagarriaren bila jarraitzen dute
Bestalde, Frantziako Poliziak Parisen ostiraleko atentatuetan parte hartu omen zuen pertsona baten argazkia eta nortasuna zabaldu zituen igandean. Ihes eginda dago.
Susmagarria, Salah Abdeslam, 1985ean jaio zen Bruselan (Belgika), eta 1,75 metroko altuera du, Frantziako Polizia Nazionalak Twitter sare sozialean duen kontuaren bitartez jakitera eman dutenez.
Poliziaren arabera, "arriskutsua" da, eta herritarrek horren kontra bere kabuz ezer ez egitea eskatu dute.
Salah Abdeslam erasoetan bere buruaz beste egin zuen Ibrahim Abdeslam terroristaren anaia gaztea da, polizia-iturriek Le Monde egunkariari baieztatu diotenez.
Horien esanetan, Salah Abdeslamek alokatu zuen terroristek Bataclan aretora joateko erabili zuten Volkswagen Polo autoa.
Bi anaia horiez gain, hirugarren bat ere badago. Belgikako Poliziak atxilotuta du, baina ez dute haren berri eman.
Ikerketa
Francois Molins Frantziako Fiskal Nagusiak esan duenez, elkarren berri zuten hiru taldek egin zituzten Parisko atentatuak.
Berak adierazitakoaren arabera, erasoetan zazpi terrorista hil ziren. Guztiek zeramatzaten lehergai eta detonagailu berberak gerrialdean, eta Kalashnikov fusilak, eskuetan.
Fiskalak Parisen gertatu ziren 6 erasoak deskribatu ditu, banan-banan. Bataclan klubean 89 lagun hil zituztela baieztatu du, eta erasotzaileek oihuka Siria eta Irakeko gerrak aipatu zituztela adieazi du.
Frantziako Poliziak emandako datuen arabera, Bataclaneko erasoaren egileak lau izan ziren. Horietako hiru gerrian zeramatzaten lehergaiak eztandarazita hil ziren, eta bestea, Poliziak tirokatuta.
Oraindik miaketak egiten ari dira Bruselan, hango ikertzaileekin batera, eta hiru lagun atxilotu dituzte han. Horietako batek erasoetan erabili duten Volkswagen Polo autoa alokatu zuen nonbait (Seat Leon beltz bat ere erabili zuten).
Frantziako hegazkinak, operazioan. Argazkia: EFE
Zure interesekoa izan daiteke
Iranek misilak jaurti ditu 4.000 kilometrora, Indiako ozeanoan dagoen base militar baten kontra
Batek ere ez du jo AEBk eta Erresuma Batuak bertan duten basea. Izan ere, batek hegan zihoala huts egin du, eta bestea AEBko Armadako ontzi batek geldiarazi du. Hala ere, erasoak kezka sortu du Iranek irismen handiko jaurtigaiak dituela erakutsi baitu.
Ekialde Hurbila gerraren laugarren astean sartu da, eraso artean eta Ormuzko itsasarteari begira
Israelek eta Iranek bonbardaketak areagotu dituzte, munduko energia garraioari buruzko ziurgabetasuna handitzen ari den bitartean. AEBk merkatua ireki dio, aldi baterako, Irango petrolio gordinari, eta ez du argitu Ormuzen esku hartuko duen ala ez.
Israelgo Poliziak gas negar-eragilea erabiliz sakabanatu ditu Al Aksa meskitara hurbildu diren palestinarrak
Meskita hori musulmanentzat hirugarren garrantzitsuena da. Israelek sarbidea mugatuta dauka 2023ko urriaren 7an Hamasek erasoak egin zituenetik, baina Irango gerra hasi zenetik blokeoa nabarmenagoa da; beraz, fededun asko Jerusalemgo Hiri Zaharreko harresitik kanpo elkartu dira ramadanaren amaierako otoitzak elkarrekin egiteko.
Iranek Turkiari eta Omani eraso egin izana ukatu du Khameneik, eta Israelen "bandera faltsuko operazioak" direla ziurtatu du
Irango buruzagi gorenak "harreman hobeak" izateko eskatu die Afganistani eta Pakistani "musulmanen zatiketa saihesteko", "herrialde anaiak" direlako, eta bitartekari izateko prest agertu da.
Ekialdi Hurbilean izandako azken erasoek petrolio azpiegiturak eta garraioa izan dituzte helburu
Azken orduetan ugaritu egin dira petrolio azpiegituren eta garraioen aurkako erasoak. Iranek eta Qatarrek partekatzen duten gas plantaren aurkako erasoa egin du Israelek. Iranek gogor erantzun du, misil oldea jaurtiz Bahrain, Saudi Arabia, AEB, Kuwait eta Jerusalem aldera.
EBk premiazko neurriak eskatu ditu Irango gerraren eragin ekonomikoa geldiarazteko
Europako buruzagiek energiaren prezioari buruzko berehalako neurriak eskatu dizkiote Batzordeari, eta gatazka arintzearen alde agertu dira; zenbait herrialde Ormuzko itsasartera laguntza bidaltzeko prest agertu dira.
Emakume bat hil da Suitzako Alpeetan, bera zegoen teleferikoko kabina maldan behera erorita
Ezbeharra izan da asteazken honetan Titliseko eski estazioan, Suitzako erdialdean. Teleferikoa lokabe geratu da, eta maldan behera erori da. Hildakoa zen kabinako bidaiari bakarra. Suitzako Meteorologia Bulego Federalaren arabera, istripuaren unean 100 eta 130 km/h arteko haize-ufadak zeuden.
Txertoak agortu dira eta farmaziak gainezka daude Erresuma Batuan, meningitis-agerraldi baten ondorioz
Kezka zabaldu da Erresuma Batuan. Unibertsitate-ikasleak biltzen diren Canterburyko diskoteka batean hasi da agerraldia. Dagoeneko bi pertsona hil dira, eta gutxienez 20 kutsatu dira.
Petrolio-upelaren prezioa 113 dolarrera igo da, eta gasa % 30 garestitu, Qatarko energia-azpiegituren aurka abiatutako erasoen ondorioz
Ekialde Hurbileko gatazkak merkatuak astintzen jarraitzen du: Asiako burtsek behera egin dute gogor, eta Europakoetan eguna negatiboan hastea aurreikusten da, Europako Kontseiluaren bileraren zain.
Israelek eta Estatu Batuek eraso egin diote Iranek eta Qatarrek duten munduko gas aztarnategi handienari
Iranek ohartarazi du bere azpiegitura energetikoaren aurkako erasoek "ondorio kontrolaezinak" ekar ditzaketela, eta egoera are gehiago zaildu eta mundu osoari kalte egin diezaioketela.