Frantziako Poliziak 128 miaketa gehiago egin ditu bart
Frantziako segurtasun indarrek 128 miaketa gehiago egin dituzte bart, Bernard Cazeneuve Frantziako Barne ministroak gaur iragarri duenez. Operazioak Parisko atentatuak argitzeko ikerketaren barnean kokatu ditu buruzagiak.
Poliziek eta jendarmeek bigarren gauez jarraian miaketak egin dituztela esan du Cazeneuvek France Info irratian, eta bertan eman du datu hori. Nolanahi ere, miaketek hiriburuko eraso jihadistekin harreman zuzenik ez dutela erantsi du.
Igandetik astelehenera bitartean, 23 pertsona atxilotu eta 31 arma atzeman zituzten sarekadetan; besteak beste, Kalashnikov fusilak eta suziri-jaurtigailu bat. Segurtasun indarrek, guztira, 168 miaketa egin zituzten tarte horretan.
?Ikerketa oso bizi egiten ari da aurrera?, azpimarratu du Cazeneuvek, baina ez du xehetasunik eman. Hala ere, ?erasoak prestatzen eta atentatuak egiten inplikatutako pertsona batzuk identifikatu? dituztela zehaztu du.
Egindako hanka-sartzeak direla-eta jasotako kritiken aurrean, erasoa ?Sirian eta Belgikan prestatu eta antolatu? zutela esan du berriz Barne ministroak, eta Frantziako zerbitzu sekretuek inplikatu gehienak ez zituztela fitxaturik jakinarazi du.
Salah Abdeslam aurkitzeko alerta berri bat igorri du Belgikako Poliziak
Bestalde, Salah Abdeslam topatzeko alerta berri bat igorri du Belgikako Poliziak goizaldean. Hura atxilotzeko agindua zabaldu zuen nazioartean, ustez Parisko erasoetan parte hartzea egotzita.
Salah Abdeslam pertsona ?oso arriskutsua? dela nabarmendu du Belgikako Poliziak alerta horretan. Hori dela eta, susmagarria non dagoen jakinez gero, hura harrapatzen ez saiatzeko eta Poliziari abisua emateko eskatu du.
Lehergailuak egiteko osagaiak topatu dituzte Belgikako etxeetan
Parisko atentatuekin zerikusia dutelakoan atxilotutako bi susmagarriren etxebizitzetan, amonio nitratoa aurkitu dute, La Derniere Heure egunkariak gaur zabaldu duenez. Izan ongarria da, baina lehergailuak egiteko erabil daiteke.
Erasoak izan ondoren Belgikan atxilotutako zazpi pertsonetatik bik bakarrik jarraitzen dute Poliziaren eskuetan: Hamza Attou eta Mohamed Amri. Hilketa terrorista eta erakunde terroristan parte-hartzea egotzi diete. Gainerako bost atxilotuak aske geratu dira.
Attou eta Amri Molenbeekeko (Brusela) barrutitik Parisera joan ziren. Bertan, zain zuten Salah Abdeslam, eta Bruselara eraman zuten, komunikabidearen esanetan.
Paper ?logistikoa soilik? izan zutela ziurtatu dute bi akutsatuek. Abdeslam Frantziatik Belgikara eraman zutela azaldu dute, Parisko erasoetan parte hartu barik.
Albiste gehiago mundua
Dalai-lamak 90 urte bete ditu, bere ondorengoa aukeratzeko prozesua abiatuta
Aukeratze prozesu hori ilusioz bizi dute gurean bizi diren budistek ere. Prozesua mistikoa da, luze jo dezake, eta dalai-lama berria izan daitekeen haurrari, besteak beste, objektuen proba egiten zaio.
Israelentzat “onartezinak” dira Hamasek su-etenari egin nahi dizkion aldaketak, baina negoziatzen jarraituko du
Laguntza humanitarioa berriro Nazio Batuen Erakundeak kudeatzea da talde islamistak egindako eskakizunetako bat.
27 neskato-begiralek osatutako talde bat desagertuta dago oraindik, Texasen izandako uholde larrien ondorioz
Dagoeneko 52 lagun hil dira Texasko erdialde-hegoaldea astindu duten uholde larriengatik. Ehunka pertsona erreskatatu dituzte kanpalekuetan, baina Hunt herrian, Guadalupe ibaiaren ondoan kanpatuta zegoen eskola-talde bat aurkitu ezinda dabiltza.
Dalai-lamak, Tibeteko budisten buruzagi espiritualak, 90 urte bete ditu
Munduko buruzagi erlijioso garrantzitsuenetakoak ekitaldi jendetsua egin du bere etxebizitzan, Indiako iparraldean, lagun ugariz inguratuta, tartean Richard Gere aktorea. 14. dalai-lamak 130 urte baino gehiago bizitzeko itxaropena du, eta Txinako inposaketei aurre egiten jarraituko duela hitzeman du.
Muskek America Party sortu du, AEBri "askatasuna itzultzeko" alderdi politikoa
“Batzuentzat alderdi bakarrekoa” den “bi alderdiko sistema” deuseztatzea da horren helburua, eta “lege liskartsuen aurrean boto erabakigarria” izan nahi du.
Miguel Uribe senatariaren aurkako atentatuaren ustezko egile intelektuala atxilotu dute
"Hilketa saiakera, armak legez kanpo eramatea eta delituak egiteko adingabeak erabiltzea" egotzita atxilotu dute atentatuaren ustezko egile intelektuala.
Paristarrak eta turistak Sena ibaian bainatzen hasi dira berriro
Mende bat geroago, paristarrak eta turistak Sena ibaian bainatzen hasi dira, berriro, Eiffel dorretik gertu. Uztailaren 5a eta abuztuaren 31 bitartean izango da bertan bainatzeko aukera, eta hiru gune egokitu dituzte horretarako: hirigune historikoaren parean (udaletxe ondoan), mendebaldean Eiffel dorrera begira eta hego-ekialdean, Bercyn. Parisko Olinpiar Jokoak eta Paralinpiar Jokoak izan eta urtebetera heldu da albistea, duela urtebete, hainbat gorabeheraren ondorioz, uraren kalitatea zalantzan jarri ostean.
Uholdeek gutxienez 25 hildako eta dozenaka desagertu utzi dituzte Texasen
Guadalupe ibaiak gainez egin du, Texas erdigune-hegoaldean, eta 25 heriotzaz gain, ugari dira desagertutako pertsonak, neskentzako udaleko kristau batean parte hartzen ari ziren 23 adingabe tartean. Hondamendia handia da Bandera, Cope, Comal, Concho, Gillespie, Kendall, Kerr, Kimble, Llano, Mason, McCullouch, Menard, San Saba eta Tom Green eskualdeetan.
Hamasek erantzun "positiboa" eman dio AEBren Gazarako su-eten proposamenari
"Hamasen erantzuna positiboa da, eta uste dut lagungarria izan beharko litzatekeela akordio batera iristeko", adierazi du Reutersek aipatutako ofizial palestinar batek. Donald Trumpen proposamenak 60 eguneko su-etena planteatzen du, 21 hilabetean Israelek 57.200 palestinar hil ostean.
Ukrainaren aireko gaitasunak indartzeko akordioa itxi du Zelenskik Trumpekin, AEBk Patriot misilen bidalketa bertan behera utzi ostean
"Elkarrekin lan egingo dugu gure zeruaren babesa indartzeko", esan du Ukrainako presidenteak AEBkoarekin telefonoz hitz egin ostean.