Abdehamid Abaaoud, Parisko atentatuen antolatzaile ankerra
Abdelhamid Abaaoud Parisko atentatuen ustezko antolatzailea Bruselako 28 urteko jihadista da, eta Siriatik Europan hainbat eraso terrorista antolatzea leporatzen diote, Estatu Islamikoko arduradun den heinean.
Saint-Denisko etxebizitza batean omen dauden ustezko terroristen kontrako operazioaren helburua Abaaoud bera da, baina oraindik ez dute baieztatu Abu Omar Sousi ezizenez ere ezagutzen duten hori bertan dagoen.
Abdeslam anaien txikitako laguna da Abaaoud, Salah Abdeslamena bereziki, eta azken hori pertsona bilatuena da Europan, atentatuen egile gisa identifikatu baitzuten.
Bruselako Molenbeek barrutian hazi ziren denak, eta Abaaouden aitak jantzi-denda bat zuen bertan.
Salah Abdeslam eta Ibrahim anaiarekin (Parisko atentatuan bere burua leherrarazi zuenetako bat) batera lapurreta bat egin zuen 2010ean, eta bestelako delitu batzuengatik ere zigortu zuten 2010ean eta 2011n.
2013an Belgikatik Siriara joan zen, eta berekin eraman zuen 13 urteko anaia, Europatik joandako beste gazte batzuekin batera Estatu Islamikoan sartzeko.
Aurreko uztailean, Belgikako Justiziak 20 urteko kartzela-zigorra ezarri zion, Belgikan gazteak Estatu Islamikorako errekrutatzeagatik.
2014ko martxoan bere aurpegia ezagun egin zen, Sirian hilotzak arrastaka zeramatzan ibilgailu bat gidatzen ageri zen bideo bat zabaldu zutelako.
2015eko urtarrilaren 15ean, Parisen Charlie Hebdo aldizkariaren kontrako atentatua egin eta egun batzuetara, Belgikako Poliziak sare terrorista bat desegin zuen Verviersen; polizia-etxeen kontrako erasoak egitea omen zuten helburu.
Gainera, Abaaoud Estatu Islamikoak Europan, eta Frantzian bereziki, egindako beste eraso batzuen atzean dagoela uste dute, Amsterdam-Paris Thalys treneko erasoa tarteko.
2014ko urtarrilean, Bruselan Museo Juduaren kontrako erasoa egin zuen Mehdi Nemmoucherekin telefonoz hitz egin omen zuen.
Abaaoud Sirian zegoela uste zuten, eta Estatu Islamikoan boterea hartzen ari zela. Hala, espioitza zerbitzuko kide garrantzitsua zela eta atzerriko erasoak antolatzen zituela uste zuten.
The Wall Street Journalen arabera, mendebaldeko herrialdeek jarraipena egin zioten, aireko eraso batean hiltzeko asmoz, baina galdu egin zuten duela aste batzuk.
Zure interesekoa izan daiteke
21 palestinar hil ditu Israelek Gazan, tartean sei haur, gauez egindako erasoetan
Erasoen biktimetako bat Hussein Hassan Hussein Al Samiri da, Palestinako Ilargi Gorriko paramediko bat. Israelek atzo gauetik jaurtitako bonbardaketa ugarietako batetik zaurituak zeramatzala eraso diote. Su-etenaz geroztik Israelek egindako erasoen ondorioz hildako gazatarren kopurua 556ra igo da, horien artean 115 adingabe baino gehiago.
Trumpek eta Petrok bakeak egin dituzte, urtebetez irainka aritu ostean
Donald Trump AEBko presidenteak eta Gustavo Petro kolonbiar homologoak astearte honetan bakeak egin dituzte, tonu atsegineko bilera batekin, Etxe Zurian, desadostasunek eta irain gurutzatuek markatutako urte baten ondoren.
Elon Muskek eduki esplizitua sustatu zuen Grok AArekin, Xn erabiltzaileak irabazteko
Aktibo egon zen hamaika egunetan, Groken irudi sortzaileak hiru milioi irudi sexualizatu baino gehiago sortu zituen; horietatik 23.000k haurrak irudikatzen zituzten eta 1,8 milioik inguru, emakumeak. Elon Muskek xAIko langileei eskatu zien eduki esplizituarekin lan egiteko trebatzeko, sexuala barne, eta langileei ohartarazi zien "eduki sentikorra, bortitza, sexuala eta/edo beste eduki iraingarri edo asaldatzaileak" ikusteko prestatu zitezela, "estres psikologikoa" eragin ziezaiekeen eta.
Nobel Institutuak adierazi du Machadoren sariaren berri filtratu zela, baina ez du zehaztu nola
"Iragarpena egin baino ordu batzuk lehenago hainbat pertsonak dirutza jokatu zuten apustu-webguneetan, eta, hortaz, ziur esan dezakegu batzuk gai izan zirela iazko erabakiari buruzko informazioa legez kanpo eskuratzeko", adierazi du Institutuak ohar batean.
X sare sozialak Frantzian dituen lokalak miatu dituzte eta Elon Musk deitu dute galdeketa egiteko
Frantziako Fiskaltza X sare soziala (lehen, Twitter) ikertzen ari da, bere bulegoetan egindako miaketa baten ondoren, eta enpresaren jabea deklaratzera deitu du, duela urtebete irekitako ikerketaren ondorioz.
Ilargirako misio tripulatua martxora arte atzeratu da, gaurko probetan erregai-ihesa izan eta bertan behera utzi behar izan dutelako
"Misio historiko honi ekiteko prest gaudela uste dugunean egingo dugu jaurtiketa", esan du Jared Isaacman NASAren buruak, eta gaineratu du taldeak datuak "sakon" berrikusiko dituela, "atzemandako arazo guzti-guztiak konponduko" dituela, beharrezko konponketak egingo dituela eta berriz egingo dituela saiakerak.
Mikel Reparazek egungo egoera geopolitikoari buruz egindako dokumentala proiektatuko dute gaur Bilbon
EITBren nazioarteko arduradunak lehia geopolitikoaren eremu liskartsuenetan grabatutako bideoak ikusentzunezko lan batean bildu dituzte. Dokumentala BBK Aretoan izango da ikusgai, eta ondoren, solasaldia antolatu dute.
Mila eraikin baino gehiago berkuntzarik gabe geratu dira Kieven, Errusiak egindako bonbardaketa baten ondorioz, -20 gradurainoko tenperaturak direnean
Darnitsia eta Dniprovski auzoetako etxeak dira. Energia-instalazioen aurka Errusiak egindako lehen erasoa da, joan den ostegunean energiaren aurkako bonbardaketetan aldi baterako su-etena ezarri zuenetik.
Petro eta Trump Etxe Zurian bilduko dira gaur, tentsioa baretzeko ahaleginean
Kolonbiako presidenteak kafez eta txokolatez betetako saskia eramango du AEBko presidentearekin egingo duen bilerara. Trumpek bilera "ona" izatea espero du, AEBk Maduro preso hartu zuenetik agintari kolonbiarra "oso atsegin" jokatzen ari dela esanda.
Libano hegoaldean "substantzia kimiko ezezagun bat" botatzea leporatu dio UNFILek Israeli
Nazio Batuen Libanoko Bitarteko Indarrak adierazi du kezkatuta dagoela kimiko horiek osasunerako kaltegarriak izan daitezkeelako, baita nekazaritza-lurretan eta zibilak beren etxeetara itzultzeko izan dezaketen eraginagatik ere.