CO2 emisioak gutxitzeko aurreakordioa lortu dute Parisen
Parisko klima aldaketari buruzko goi-bileran parte hartzen ari diren herrialdeek aurreakordioa lortu dute CO2 gas isuriak gutxitzeko, eta astelehenetik aurrera aurreakordio hori borobiltzen saiatuko dira ia 200 herrialdeetako ministroak. Dena den, artikulu zailenak ixteko daude oraindik.
Atzo onartutako dokumentua negoziatzaileen lau urteko lanaren fruitua da. Aipaturiko dokumentuak 55 orrialde zituen Parisko goi-bilerara heldu zenean eta 48 ditu orain; 48 orrialde horietatik 22 datorren ostiralean onartzea aurreikusten duten akordioari buruzkoak dira (neurri-sortak) eta 5, berriz, eranskinak, azken orduan aldeek sartutako 96 proposamenekin.
Laurence Tubiana Frantziako Parisko goi-bileran duen ordezkariak aitortu duenez, zirriborroak aukera guztiak biltzen ditu oraindik eta horietako asko kontraesankorrak omen dira. Gainera, bi gai gatazkatsu konpondu gabe ei daude: herrialde garatuen eta garatze bidean dauden herrialdeen arteko ezberdintasunak eta azken horien finantzazioa.
Hala ere, onartu du datorren astean itun zabala lortzeko guztien nahia erakusten duela dokumentuak. Dena den, "oraindik ez gaude bidearen amaieran" eta "gai korapilatsuenak konpondu gabe daude".
"Oinarri horren gainean negoziatu beharko dute ministroek", adierazi zuen Tubianak. Ministroak astelehenean joango dira Parisera eta ostegunen goizerako akordioaren behin betiko bertsioa izatea espero du Tubianak. Ondoren, legelariek dokumentua errepasatu eta itzultzaileek testua Nazio Batuen Erakundeko sei hizkuntza ofizialetara itzuliko dute. Behin hori guztia eginda, akordioa ostiralean izenpetzea da asmoa.
Elina Bardram Europar Batasuneko negoziazio taldeko buruaren esanetan, "testu onargarria da alde guztientzat" eta Bardramek esandakoarekin bat egin dute negoziazio talde guztietako bozeramaileek. Klima aldaketari aurre egiteko etorkizuneko itunaren oinarria adostea lortu bada ere, negoziatzaileek aitortu dute oraindik ere izugarrizko lana dutela aurretik ministroek.
Albiste gehiago mundua
Igande honetan abiatuko da Bartzelonatik Gazara janaria eta sendagaiak eramango dituen flotilla
14:00ean atera dira berrogeita hamar ontzi inguruak, gutxienez 44 herrialdetako ordezkariekin, lau euskal herritar tartean, genozidioa eta blokeoa salatzeko helburuarekin. Albares ministroak ziurtatu duenez, Espainiako Gobernuak "babes diplomatiko eta kontsular osoa" eskainiko die igandean Bartzelonatik Gazara abiatuko den ontzidi humanitarioan parte hartzen duten Espainiako herritarrei.
Abbasek eta palestinar kargudunek NBEren Batzar Nagusian parte hartzeko debekua berriro aztertzeko eskatu dio EBk AEBri
NBEren goi bilera irailaren 9an abiatuko da New Yorken, eta eztabaida orokorra 23tik 27ra bitartean egingo da. Bestalde, Kaja Kallas Europako Batasuneko Kanpo Politikako buruak onartu du Israeli jarri ahal dizkioten zigorren inguruan EBko kideen artean ikusten den zatiketak sinesgarritasun galera eragin duela Europako herritarren aurrean.
Bi gizon atxilotu dituzte Indonesian, Espainiako emakume bat hil dutelakoan
Indonesian, uztailaren biaz geroztik desagertuta zegoen 72 urteko emakume espainiar bat hilda aurkitu zuen gaur bertako poliziak. Matilde Muñoz, jatorri galiziarra zuen emakumea, Lombok uhartean desagertu zen, eta hango hondartza batean aurkitu zuten gaur beren gorpua. Heriotzarekin lotuta bi pertsona atxilotu ditu poliziak, eta lapurreta eta hilketa leporatu dizkiete. Indonesiako Poliziak ziurtatu duenez, espainiarraren hilketa planifikatu zuten aitortu dituzten bi atxilotuek. Senggigi herrian bizi diren 34 eta 30 urteko bi gizon dira. Kontakizunaren arabera, Balitik gertu dagoen herri bateko hotel batean zegoen emakumea, lapurreta egin asmoz leihotik bere gelara sartu zirenean.
Palestinaren aldeko manifestazio jendetsua egin dute Veneziako Mostran
"Palestina libre" oihukatuz, Veneziako Mostraren inguruko kaleak hartu dituzte milaka lagunek arratsaldean. Palestinako banderak eta koloreak nonahi, eta genozidioa gelditzea eskatzeko pankarta ugari zeramatzatela, Israelek Gazan duen jokabidea salatzeko manifestazio jendetsua egin dute.
Israelek Yemengo huthien lehen ministroa hil du Sana hiriburuaren aurkako eraso batean
Israelgo Armadak ostegunean Sana hiriburuaren aurka egindako erasoan hil zen. Erasoaren unean Defentsa ministroa eta Estatu Nagusiko buruarekin bilera egiten ari zen, baina momentuz ez dute horien egoeraren berri eman.
Andri Parubi Ukrainako Parlamentuko presidente ohia hil dute atentatu batean
Tirokatu egin dute Lviv hirian. Poliziak ikerketa abiatu du, baina oraingoz ez dute inor atxilotu. Volodimir Zelenski Ukrainako presidenteak doluminak eman dizkio hildakoaren familiari, eta "hiltzailea zigortzeko eta ikertzeko beharrezkoak diren baliabideak" erabiliko dituztela ziurtatu du.
Espainiak "Gazarako ekintza-plan bat" bidali die EBko buruzagiei
Jose Manuel Albares Espainiako Atzerri Gaietarako ministroaren arabera, "une guztiz erabakigarria da", "erantzun indartsua" eskatzen duena, "ezer ez egiteak ez duelako ezer konpondu". Irtenbide bakarra bi estatu sortzea dela esan du, eta palestinarren ordezkariek NBEren konferentzian parte hartzeko aukerarik ez izatea gaitzetsi du.
Palestinaren aldeko artista juduen kolektibo batek BBCren kontzertu bat eten du, Londresen
"MSOk odola du eskuetan", oihukatu dute Jewish Artists for Palestine (Artista juduak Palestinaren alde) taldeko aktibistek Melbourneko Orkestra Sinfonikoak (MSO) ostiralean Londresko Royal Albert Hall aretoan eskaini duen emanaldian. Urtero udako kontzertuak antolatu ohi ditu BBCk, 'BBC Proms' ekimenaren baitan.
Epaile federal batek blokeatu egin ditu Trumpen deportazio azkarrak, derrigorrezko prozesua urratzen dutelakoan
Urtarrilean, Trumpek etorkinen "berehalako kanporatzeak" berrezarri zituen, lehen agintaldian (2017-2021) egin zuen moduan.
Tropa ukrainarrak Ukrainan bertan prestatzearen alde agertu da Europar Batasuna, balizko su-eten batean
Europar Batasuna eta EBko estatu kideak Ukrainako Armadaren formatzaile handienak dira, eta 80.000 soldadutik gora formatu dituzte orain arte EBko herrialdeetan.