Facebooken mozkinek % 25 egin zuten gora 2015ean
Facebook sare sozialaren mozkinek % 25 egin zuten gora 2015ean, guztira 3.690 milioi dolar (3.383 milioi euro) irabazi baitzituen. Gainera, lehen aldiz, mila milioi dolar baino gehiago irabazi zituen hiruhileko batean; urteko azken hiruhilekoan, hain zuzen ere.
Konpainiako akzioek gora egin zuten Burtsan, Wall Street itxi osteko negoziazio elektronikako orduetan, eta % 4 baino gehiago igo ziren.
Diru-sarrerak nabarmenak izan ziren, eta Facebookeko emaitzen kontua bultzatu zuten. Milaka langile berri kontratatu zituen Facebookek, baina horiek asimilatzeko aukera izan zuen, diru-sarrera horiei esker; gainera, besteak beste, errealitate birtualeko eta adimen artifizialeko proiektuei ere egin zien aurre.
Diru-sarrerek, % 44 gora
2015ean, 17.930 milioi dolarreko diru-sarrerak izan zituen; 2014an baino % 44 handiagoak, beraz.
Urteko laugarren hiruhilekoan, 5.840 milioi dolarreko diru-sarrerak izan zituen (3.850 milioikoak izan ziren aurreko urteko hiruhileko berean). 2015eko azken hiru hilabeteetan, mozkinak 1.560 milioi dolarrekoak izan ziren; 2014an, aldiz, 701 milioi irabazi zituen Facebookek epe horretan.
Sare sozialak batez beste 1.040 milioi erabiltzaile aktibo izan zituen egunean 2015eko abenduan, aurreko urteko hilabete berean baino % 17 gehiago. Hileko erabiltzaile aktiboen kopurua 1.590 milioikoa izan zen; 2014ko abenduan, aldiz, % 14 erabiltzaile gutxiago izan zuen Facebookek.
Albiste gehiago mundua
Uholdeek gutxienez 25 hildako eta dozenaka desagertu utzi dituzte Texasen
Guadalupe ibaiak gainez egin du, Texas erdigune-hegoaldean, eta 25 heriotzaz gain, ugari dira desagertutako pertsonak, tartean 23 haur adingabe, neskentzako antolatutako udaleko kristau batean parte hartzen ari zirenak. Hondamendia handia da Bandera, Cope, Comal, Concho, Gillespie, Kendall, Kerr, Kimble, Llano, Mason, McCullouch, Menard, San Saba eta Tom Green eskualdeetan.
Hamasek erantzun "positiboa" eman dio AEBren Gazarako su-eten proposamenari
"Hamasen erantzuna positiboa da, eta uste dut lagungarria izan beharko litzatekeela akordio batera iristeko", adierazi du Reutersek aipatutako ofizial palestinar batek. Donald Trumpen proposamenak 60 eguneko su-etena planteatzen du, 21 hilabetean Israelek 57.200 palestinar hil ostean.
Ukrainaren aireko gaitasunak indartzeko akordioa itxi du Zelenskik Trumpekin, AEBk Patriot misilen bidalketa bertan behera utzi ostean
"Elkarrekin lan egingo dugu gure zeruaren babesa indartzeko", esan du Ukrainako presidenteak AEBkoarekin telefonoz hitz egin ostean.
45 pertsona zauritu dira, horietako bi larri, Erromako gasolindegi batean izandako leherketan
Eztanda Casilino inguruan izan da, zisterna-kamioi batetik petrolio-gas likidotua deskargatzen ari zirenean. Italiako agintariek zehaztu dutenez, zaurituak 24 zibil, hamaika polizia, sei suhiltzaile, larrialdietako hiru langile eta karabinero bat dira.
Ipar Koreak Wonsan hiriko gune turistiko erraldoia inauguratu du
Kim Jong-un liderrak Asiako herrialde hermetikoan turismoa sustatzeko hainbat urtez bultzatutako funtsezko proiektua da. Uztailaren 1ean ateak ireki zituen gune turistikoak 20.000 bisitari hartzeko gaitasuna du.
Hamasek gaur erantzungo dio Gazarako su-eten proposamenari
Erresistentzia Islamikorako Mugimendua "pozik" agertu da Gazarako azken su-eten proposamenarekin, besteak beste, negoziazioek irauten duten bitartean borrokara ez itzultzeko "bermeak" jasotzen dituelakoan.
AEBko kongresuak Trumpen zerga-plan "handi eta ederra" onartu du
Zerga-plan berriak azken urteetako zerga-murrizketarik handienetakoa egingo du AEBn. Gizarte-programetan murrizketa handiak aurreikusten ditu, eta defizit federala nabarmen handituko da hurrengo hamarkadan.
Iranek IAEAren ikuskapenak eragotziko ditu, Israelek eta AEBk bere instalazio nuklearren aurka egindako erasoen ostean
Erabakia Teheranek NBEren agentziari Israelek eta AEBek bere instalazio atomiko nagusien aurka egindako erasoak "bultzatu" izana egotzi ostean etorri da. Adituen arabera, neurria eraso israeldarrek eta estatubatuarrek utzitako ondorio garrantzitsuena da.
Gazako genozidioa negozio biribila da herrialde askotako enpresentzat, NBEren txosten batek erakusten duenez
Francesca Albanesek armen, teknilogiaren, azpiegituren eta turismoaren industroako 50 bat konpainia aztertu ditu. Israelen okupazio-politikei etekina ateratzen dieten enpresen zerrendan CAF euskal enpresa dago.
Sanchezek uste du Sevillako Biltzarrak"elkarlanaren garra bizirik" mantendu duela "berekoikeriaren" aurrean
Espainiako Gobernuko presidenteak amaiera eman dio azken astean Sevillan egin den NBEren Garapenerako Finantziazioari buruzko IV. Biltzarrari. Sanchezek mezua bidali dio AEBri, garapen bidean dauden herrialdeei bere ekarpena murrizteko asmoagatik. "Nazioarteak ez du amore emango hondamendiaren aurrean, ezta desengainuaren aurrean etsi ere", azpimarratu du.