Atxilotu egin dute Salah Abdeslam, jihadista bilatuena
Belgikako Poliziak atxilotu egin du Salah Abdeslam jihadista, Bruselako Molenbeek barrutian abiatutako operazio zabal batean.
"Harrapatu egin dugu", baieztatu du Belgikako Gobernuko Theo Francken Immigrazio idazkariak.
Salah Abdeslamek parte hartu zuen Parisko atentatuetan, eta ihes egin zuen ondoren. Harrezkero, munduko pertsona bilatuena izan da.
Atxilotu ostean, Abdeslam ospitalera eraman dute, RTBF telebista publikoak iragarri duenez.
Ustezko jihadistak zauriak ditu hanka batean, "Poliziaren aginduak urratu baititu", aipatutako iturrien esanetan. Lekukoek hainbat tiro entzun dituzte sarekadan.
Fiskaltzaren arabera, Abdeslamek ihes egin zuen Poliziak asteartean Forest auzoan egindako operaziotik. Bertako etxebizitza baten, haren DNA arrastoak topatu dituzte.
Ikerketaren ondorioz, Segurtasun Indarrek Molenbeekera jo dute gaur berriro. Barruti horretan hainbat sarekada egin ditu Poliziak Parisko atentatuak gertatu zirenetik.
Beste lau atxiloketa
Bestalde, Fiskal federalak baieztatu du beste lau pertsona atxilotu dituztela sarekada berberean.
Hain zuzen ere, Parisko atentatuekin lotura duen lagun bat eta Salah Abdeslami ostatu eman dion familiako hiru kide dira beste atzemandakoak.
Charles Michel Belgikako lehen ministroak eta François Hollande Frantziako presidenteak elkarrekin jarraitu dituzte operazioaren nondik norakoak, eta agerraldi bateratua eskaini dute ondoren.
Horretan, Hollandek aurreratu du Frantziak Salah Abdeslamen estradizioa eskatuko duela, eta gaineratu du espero duela Belgikako agintariek "azkar" erantzutea.
"Oso garrantzitsua da gaurko atxiloketek egi guztia ezagutzea ahalbideatzea", nabarmendu du Frantziako presidenteak.
o presidenteak.Zure interesekoa izan daiteke
Kolonbiako Armadaren garraio-hegazkin batek lurra jo du herrialdearen hegoaldean
Agintariek jakinarazi dutenez, ehun soldadu baino gehiago zihoazen hegazkinean, eta horietako batzuk bizirik atera dira.
Trumpek bost egun atzeratu du zentral elektrikoen aurkako eraso-oldea, Iranekin "elkarrizketa oparoa" izan baitu
"Azken bi egunetan" Iranekin gatazka "erabat konpontzeko" harremanak izan dituela jakinarazi du AEBko presidenteak. Irango Atzerri Ministerioak aitortu du AEB eurekin harremanetan jarri zela, baina azpimarratu du ez dela negoziaziorik izan.
Libano hegoaldea ez da leku segurua, ez kristauentzat ezta musulmanentzat ere
Israelgo Defentsa ministroak iragarri zuen Libano hegoaldea Gaza bihurtuko zela, eta horixe ari da gertatzen. Libanoko kristauak harrapatuta daude, askok Beiruteko aterpetxeetara egin dute ihes, baina beste batzuek ez dute hiria uzteko asmorik.
EBren eta Mercosurren arteko akordioa maiatzaren 1ean sartuko da indarrean, behin-behinean
Gauzak horrela, merkataritza libreko ituna aplikatuko da martxoa amaitu aurretik akordioa onartzen duten Mercosurreko herrialdeen artean. Oraingoz, Argentina, Brasil eta Uruguaik egin dute hori.
Kuba argindarra berreskuratzen hasi da, astebetean izan duen bigarren 24 orduko itzalaldiaren ostean
Habanan elektrizitate zerbitzuaren % 70 martxan dago. Ospitaleek eta ur-hornidurarako azpiegiturek dute lehentasuna.
Air Canadako hegazkin batek eta suhiltzaileen kamioi batek talka egin dute New Yorkeko LaGuardia aireportuan
Air Canadako hegazkin batek eta suhiltzaileen kamioi batek talka egin dute igande gauean New Yorkeko LaGuardia aireportuan (Queens). Hainbat lagun zauritu dira, bertako komunikabideek jakitera eman dutenez.
"Persiar golko osoan" minak jarriko dituela mehatxu egin du Iranek, AEBk inguru horretako uharteetan erasoa jotzen badu
Irango Guardia Iraultzaileak entzungor egin dio Trumpen mehatxuari. AEBk zentral elektrikoen kontra egiten badu, “modu berean” erantzungo duela adierazi du Guardiak.
Israelek Teheranen aurkako erasoak areagotu ditu, AEBk eta Iranek elkarri egindako mehatxuen ondoren
Israelgo Armadak defentsa sistemak aktibatu ditu Irandik jaurtitako geldiarazteko. Gerra luzatzea benetako aukera da, adituen arabera.
Sozialistek irabazi dute Parisen
Aurrerakoiek hiri garrantzitsuenetan agintzen jarraituko dute, eta Nizan eskuin muturrak irabazi du.
Israelgo Armadak "eraso olde berri bat" iragarri du Libano hegoaldean
Israelgo Defentsa ministroak Libanoko Litani ibaiaren gaineko zubi guztiak "berehala" suntsitzeko agindu du. Gaur bertan, Qasmiyeh zubiari eraso diote (irudietan ikus daiteke). Israelgo Armadak, bestalde, "eraso olde berri bat" iragarri du, Hezbollah talde xiitaren "azpiegituren aurka", Libano hegoaldean.