Obama Kuban da, AEBren hurbilketa islatzeko
Barack Obama Ameriketako Estatu Batuetako presidentea Kuban dago, hilaren 22ra arte, Kuba eta AEBren arteko hurbilketa bermatu eta islatzeko asmoz.
Habanara heldutakoan, Obamak nabarmendu du bisita historikoa dela, baina bi herrialdeen arteko erlazio berrian 'lehen urratsa baino ez' dela esan du.
Adierazpenok AEBk Kuban duen enbaxadan egin ditu, langileak eta horien familiak agurtzeko egin duen ekitaldian. Hainbat ume zeudenez, Obamak esan du espero duela ume horiek ikustea, hazten direnean, 'ohiko kontua dela AEBko presidentea Kuban egotea'.
''¿Que bolá Cuba?'', Twitterren
Barack Obamak mezu atsegina jarri du Twitterren, Habanan lur hartu bezain laster; gaztelaniaz, ‘¿Que bolá Cuba?’ txiokatu du. Esamolde hori oso naturala da Kubako herritarren artean.
'Hemen lurreratu berri, irrikan nago Kubako jendearekin batzeko eta horien berri zuzenean jasotzeko', gehitu du, ingelesez, Obamak bere txioan. @POTUS Barack Obamaren profil ofizialak txiokatu du mezu hori.
Obama eta familiakoekin, Nancy Pelosi Alderdi Demokratak Ordezkarien Ganberan duen liderra, Patrick Leahy eta Dick Durbin senatari demokratak eta Jeff Flake senatari errepublikanoa ere joan dira. Politika eta enpresa munduko lider gehiago ere joan dira Kubara, baina beste hegazkin batean.
Hainbat ekitaldi
Hainbat ekitalditan hartuko du parte Obamak asteartera arte. Duela 88 urte joan zen AEBko presidente bat Kubara azkenengoz, eta bi herrialde horiek 2014ko abenduan iragarritako hurbilketa bultzatzea du bisitak helburu.
Habanara heldutakoan, AEBko enbaxadara joan da Obama, eta enbaxadako langileekin eta horien senideekin bildu da bertan. 2015eko uztailean ireki zuten berriro, harreman diplomatikoak berriro ezarri zituztenean.
Jarraian, Obama eta emaztea Habana Zaharretik ibili dira, eta katedrala bisitatu dute; bertan, Jaime Ortega kardinalak hartu ditu.
Agenda ofiziala astelehenean hasiko da; Jose Martiren omenezko monumentua bisitatuko du, eta Raul Castro Kubako presidentearekin bilduko da.
Asteartean, Obamak diskurtsoa egingo du, eta telebistak emango du. Kubako herritarrei zuzenean hitz egingo die.
Zurizko Dama eta Kubako Erregimenaren aurkako lagun ugari atxilotu dituzte Habanan, iganderoko martxa amaitutakoan
Zurizko Dama ugari (50 inguru) eta Kubako Erregimenaren kontrako hainbat lagun atxilotu dituzte Habanan, gaur, igandero egiten duten martxa amaitutakoan; besteak beste, El Sexto grafitigilea edo Antonio Gonzalez Rodiles atxilotu dituzte. Gobernuaren aldekoek beste manifestazio bat egin dute, Zurizko Damek egindakoari aurre egiteko.
Erregimenaren kontrakoen protestak. Argazkia: EFE
Martxa baketsua izan ohi den horren amaieran, Santa Rita elizatik irten ostean, Zurizko Damak ohiko ibilbidetik at dauden beste kale batzuetara joaten saiatu dira. Gobernuaren aldekoak zeuden bertan, eta oihu artean hartu dituzte.
Barack Obama AEBko presidentea heldu baino lehentxeago gertatu dira istilu horiek. Duela 46 aste egin zuten lehen aldiz, eta, ordutik, igandero egin dute protesta.
dute protesta.Zure interesekoa izan daiteke
Iranek misilak jaurti ditu 4.000 kilometrora, Indiako ozeanoan dagoen base militar baten kontra
Batek ere ez du jo AEBk eta Erresuma Batuak bertan duten basea. Izan ere, batek hegan zihoala huts egin du, eta bestea AEBko Armadako ontzi batek geldiarazi du. Hala ere, erasoak kezka sortu du Iranek irismen handiko jaurtigaiak dituela erakutsi baitu.
Ekialde Hurbila gerraren laugarren astean sartu da, eraso artean eta Ormuzko itsasarteari begira
Israelek eta Iranek bonbardaketak areagotu dituzte, munduko energia garraioari buruzko ziurgabetasuna handitzen ari den bitartean. AEBk merkatua ireki dio, aldi baterako, Irango petrolio gordinari, eta ez du argitu Ormuzen esku hartuko duen ala ez.
Israelgo Poliziak gas negar-eragilea erabiliz sakabanatu ditu Al Aksa meskitara hurbildu diren palestinarrak
Meskita hori musulmanentzat hirugarren garrantzitsuena da. Israelek sarbidea mugatuta dauka 2023ko urriaren 7an Hamasek erasoak egin zituenetik, baina Irango gerra hasi zenetik blokeoa nabarmenagoa da; beraz, fededun asko Jerusalemgo Hiri Zaharreko harresitik kanpo elkartu dira ramadanaren amaierako otoitzak elkarrekin egiteko.
Iranek Turkiari eta Omani eraso egin izana ukatu du Khameneik, eta Israelen "bandera faltsuko operazioak" direla ziurtatu du
Irango buruzagi gorenak "harreman hobeak" izateko eskatu die Afganistani eta Pakistani "musulmanen zatiketa saihesteko", "herrialde anaiak" direlako, eta bitartekari izateko prest agertu da.
Ekialdi Hurbilean izandako azken erasoek petrolio azpiegiturak eta garraioa izan dituzte helburu
Azken orduetan ugaritu egin dira petrolio azpiegituren eta garraioen aurkako erasoak. Iranek eta Qatarrek partekatzen duten gas plantaren aurkako erasoa egin du Israelek. Iranek gogor erantzun du, misil oldea jaurtiz Bahrain, Saudi Arabia, AEB, Kuwait eta Jerusalem aldera.
EBk premiazko neurriak eskatu ditu Irango gerraren eragin ekonomikoa geldiarazteko
Europako buruzagiek energiaren prezioari buruzko berehalako neurriak eskatu dizkiote Batzordeari, eta gatazka arintzearen alde agertu dira; zenbait herrialde Ormuzko itsasartera laguntza bidaltzeko prest agertu dira.
Emakume bat hil da Suitzako Alpeetan, bera zegoen teleferikoko kabina maldan behera erorita
Ezbeharra izan da asteazken honetan Titliseko eski estazioan, Suitzako erdialdean. Teleferikoa lokabe geratu da, eta maldan behera erori da. Hildakoa zen kabinako bidaiari bakarra. Suitzako Meteorologia Bulego Federalaren arabera, istripuaren unean 100 eta 130 km/h arteko haize-ufadak zeuden.
Txertoak agortu dira eta farmaziak gainezka daude Erresuma Batuan, meningitis-agerraldi baten ondorioz
Kezka zabaldu da Erresuma Batuan. Unibertsitate-ikasleak biltzen diren Canterburyko diskoteka batean hasi da agerraldia. Dagoeneko bi pertsona hil dira, eta gutxienez 20 kutsatu dira.
Petrolio-upelaren prezioa 113 dolarrera igo da, eta gasa % 30 garestitu, Qatarko energia-azpiegituren aurka abiatutako erasoen ondorioz
Ekialde Hurbileko gatazkak merkatuak astintzen jarraitzen du: Asiako burtsek behera egin dute gogor, eta Europakoetan eguna negatiboan hastea aurreikusten da, Europako Kontseiluaren bileraren zain.
Israelek eta Estatu Batuek eraso egin diote Iranek eta Qatarrek duten munduko gas aztarnategi handienari
Iranek ohartarazi du bere azpiegitura energetikoaren aurkako erasoek "ondorio kontrolaezinak" ekar ditzaketela, eta egoera are gehiago zaildu eta mundu osoari kalte egin diezaioketela.