AEBko bandera jaso dute Kuban, 54 urteren ostean
AEBko Estatu-idazkaria, John Kerryk dagoeneko igo du Estatu Batuetako bandera Habanako enbaxada ireki berrian. Modu horretan bi herrialdeen arteko harreman diplomatikoen normalizazio-prozesuari nolabaiteko amaiera eman diote.
Kerryk esan duenez "etxean legez" sentitzen da ofizialki gaur ireki den Habanako Estatu Batuetako enbaxadan. "Gaurko eguna hesi zaharrak albo batera uzteko eguna da, eta aukera berriak aztertzekoa", gaineratu du bandera igo aurretiko hitzaldian.
''Harreman arruntak lortzeko bidea luzea da, baina horrexegatik, hain juxtu ere, hasi behar dugu oraintxe. Ez dago zeri beldurra izan behar'', gaineratu du.
Kerryren bisita historikoa da, duela 54 urte herrialde biek harremanak bertan behera utzi zituztenetik. Iparramerikako diplomaziaren burua goizeko 9:00etan lurreratu da (13:00 GMT) Estatu Departamentuko hegazkin batean. Jaitsi denean, Estatu Batuetako enbaxadako negozio-arduradunak (Jeffrey DeLaurentis) eta Kubako kantzelaritzako ordezkariek egin diote harrera.
Kerry 70 urteren buruan Kubara heltzen den lehendabiziko AEBko Estatu-idazkaria da. Uhartean dago bere enbaxada modu formalean irekiko duen ekitaldian parte hartzeko, nahiz eta uztailaren 20tik martxan dagoen, Barack Obama eta Raúl Castro presidenteek aldebiko hurbiltzea egiten ari zirela jakinarazi ostean.
AEBko diplomaziaren bisitaldia adiskidetze-testuinguru batean murgilduta gertatzen ari da, bi gobernuek mende erdiko etsaitasuna atzean uzten saiatzen ari baitira. Gainera, urrats sinboliko gisa ikusia da, uztailean berrezarri ziren harremanak bere onera itzultzeko azken xedearekin.
Habanan emango dituen 10 orduetan Suitzako bere homologoarekin (Didier Burkhalter) bildu da Kerry, herrialde hori Washingtonek uhartean zituen interesen defentsan aritu delako, 1961ean harremanak hautsi zituztenetik.
Horrez gain, Kerry Jaime Ortega kardenalarekin batzartu da, baita Bruno Rodríguez kantzelariarekin ere. Azken horrekin batera prentsaurreko bat eman du, eta Estatu Batuetako banderaren bi igoera zuzendu ditu.
Ikusmin handia
500 bat berriemaile bilduko dira, eta atzerriko komunikabide askok ekitaldi horren berri bertatik bertara emateko espresuki bidali dituzte kazetariak; gehienak, Ameriketako Estatu Batuetakoak.
Enbaxadaren barruan, zeremonia ofiziala lorategian egingo dute Estatu Departamentuaren ikurrarekin jantzitako oholtzaren gainean. Kerryk hitzaldia emango du bertan, Larry Morris, Mike East eta Jim Tracy marineek 1961ean bandera jaitsi zuten hagaren alboan. 54 urte geroago, berriro altxatuko dute.
AEBk Kubari milioiak zor dizkiola esan du Fidel Castrok
Uhartearen aurkako politikak eragindako kalteagatik AEBk Kubari milioiak zor dizkiola esan zuen Fidel Castrok ostegunean argitaratutako artikulu batean. Kubako buruzagi ohiak 89 urte bete zituen Kerryren bisitaren bezperan.
Fidel Castro Kubako buruzagi ohia, Evo Morales eta Nicolas Maduro Bolivia eta Venezuelako presidenteekin. Argazkia: EFE
?Errealitatea eta ametsak? izeneko artikuluan, ?azalaren kolorea edo jaioterria kontuan izan gabe?, ?bakearen eta gizaki guztien ongizatearen aldeko borrokan? sekula etsiko ez duela adierazi zuen Fidel Castrok.
Washingtonekin hasi berri duten garai berria eta Kerryren bisita ez zituen aipatu Fidel Castrok artikuluan. Baina Bigarren Mundu Gerran Japoniaren aurka bonba atomikoa jaurti ondoren, ?hildakoz, zaurituz eta gosetiz beteriko mundu birrindu batean?, AEB ?Lurreko herrialderik aberatsena eta armatuena? izatera pasatu zela azpimarratu zuen Kubako buruzagi ohiak.
Zure interesekoa izan daiteke
Irango erasoen aurrean defentsa gaitasunak indartuko dituela esan du Arabiar Emirerri Batuetako presidenteak
Defentsa Ministerioak astearte honetan jakitera eman duenez, "Iranek jaurtitako" misilak eta droneak atzeman dituzte; hala ere, Teheranek ez du onartu eraso horien erantzulea denik.
Sei jendarme zauritu dira joan den ostegunean hasitako ‘rave’ jendetsuan izandako liskarretan
Egunotan lege-prozesu bat dute martxan Frantzian, halako jai klandestinoak saihesteko legea gogortzea aurreikusten duena.
Global Sumud ontzidiko bost euskal ekintzaile itzuli dira
Global Sumud flotillako bost euskal ekintzaile itzuli dira astelehen honetan. Goizean, Salim Malla Gutierrez Gasteizko unibertsitateko irakaslea Loiuko aireportuan lurreratu da, eta publikoki salatu du "kontzentrazio eremu flotatzaile batean bahitu" izana, bai eta jasan zituzten "tratu txar fisiko eta psikikoak" ere.
Ormuz zeharkatzen saiatzen diren ontziei eraso egingo diela ohartarazi du Iranek
Bien bitartean, Ameriketako Estatu Batuek iragarri dute gaurtik aurrera Ormuzko itsasartean harrapatuta dauden itsasontziak "askatzeko" operazioa egingo dutela.
Polymarket: apustuen eta gerraren jokoa
Polymarket kriptotxanponetan eta anonimatuan oinarritutako apustu-plataforma bat da, gertaera geopolitikoen inguruan apustu egiteko aukera ematen duena; Eric Trump, Donald Trumpen semea, da horren bazkide eta inbertitzaileetako bat. Borja Macias EHUko irakasleak ohartarazi du informazio pribilegiatua darabiltela; eta adibide moduan jarri du Maduro noiz bahituko zuten zehatz-mehatz asmatu zuen apustu bat.
Melenchon ezkertiarra 2027ko Frantziako presidentetzarako hautagai izango da
"Pribilegioek eta arrazakeriak egiten diote min gehien gure herrialdeari", salatu du politikari ezkertiarrak, eta Frantziako presidentetza lortzen badu, Espainiarekin eta "Latinoamerikako herrialde batzuekin" aliatuko dela ziurtatu du, Donald Trumpen eta Israelen AEBei aurre egiteko.
Flotillako bi aktibisten atxiloaldia bi egunez luzatu dute
Thiago Avila brasildarra eta Saif Abukeshek palestinar-espainiarra dira Global Sumud Flotillan parte hartzeagatik Israelgo indarrek atxilotuta dituztenak. Tratu txarrak jaso diuztela salatu dute euren abokatuek. Ekintzaileak "segurtasunez eta duintasunez" tratatzeko eskatu du Anitta Hipper Europar Batasuneko (EB) Kanpo Arazoetako bozeramaileak.
Estatu Batuetako bi soldadu desagertu dira Marokon, maniobra militarretan ari zirela
"African Lion 2026" izeneko ariketa militarretan parte hartzen ari ziren bi militar estatubatuar desagertu ziren larunbat gauean Cap Draa-ko entrenamendu-gune batean, Tan-Tan hiritik gertu, Maroko hegoaldean. Indar estatubatuarrak, marokoarrak eta African Lioni lotutako beste militar batzuk buru-belarri ari dira bilaketa-lanetan, lurreko zein aireko baliabideak erabiliz.
33 intoxikatu, 600 isun eta bi obus desaktibatuta, hiru egun iraun dituen 'rave' jendetsu batean, Frantzian
Le teknival izeneko ravean, 40.000 lagun elkartzera iritsi ziren larunbatean. Legez kanpoko musika topaketa hauek debekatzeko prozesu legegilea martxan da Frantzian, eta hain zuzen ere, horren kontra protesta egiteko antolatu zuten jaia, Barne ministroaren jaioterrian, eremu militar batean.
Iran aztertzen ari da bere 14 puntuko bake planari AEBk emandako erantzuna
Besteak beste, hauxe da Iranek proposatu diona: eraso militarrik egongo ez dela bermatzea, AEBren tropak Irandik ateratzea, itsas blokeoa altxatzea, izoztutako Iranen aktiboak libratzea, konpentsazioak ordaintzea, zigorrak kentzea eta gerra fronte guztietan bukatzea (Libanon ere bai).