Obama, Castroren aurrean: 'Kubaren aurkako blokeoa amaitu egingo da'
Barack Obama AEBtako presidentea ziur agertu da eta herrialde horrek Kubaren aurka duela 50 urte baino gehiago ezarri zuen blokeo ekonomikoa “amaitu” egingo dela nabarmendu du. Alabaina, ez da ausartu esatera hori noiz izan daitekeen.
Habanako Iraultzaren Jauregian Raul Castrorekin egin duen agerraldian, Kubara egin duen bisita ofizialean AEBtako 40 legegilek lagundu izana, tartean zenbait errepublikano, oso esanguratsua dela esan du; izan ere, bere esanetan, Kongresu estatubatuarrean blokeoa bukatzeko presioa gero eta handiagoa da.
Obamaren iritzian, 50 urte luzetan indarrean dagoen neurri hori AEBen nahiz Kubaren “interesen kontrakoa da”.
Hortaz, esparru ezberdinetan “urratsak” emango dituztela iragarri du, hala nola, Internet konexio bermatzeko, kultura eta hezkuntza hartu-emanak izateko, itsas bidaiak egiteko, osasungintzan nahiz zientziaren alorrean.
“Estatubatuarren adiskidetasuna helarazteko etorri naiz Kubara; azkeneko mende erdian pentsaezina izan da AEBtako presidente batek Habanara bisita ofizialean joatea; gaurkoa aro berri baten hasiera da”, nabarmendu du.
Raul Castrok, berriz, bi herrialdeen arteko harremanak normalizatzeko bidean pausoak emateko prestasuna agertu du, baina Kubaren garapenerako oztoporik handiena blokeo ekonomikoa dela gogoratu dio Obamari.
“Kubaren etorkizuna kubatarrek erabakiko dute”
Bestalde, presidente estatubatuarrak adierazi du Kubaren etorkizuna Kubako herritarrek erabakiko dutela, eta ez beste inork. “Kubaren etorkizuna kubatarrek erabakiko dute, eta ez AEBk edo beste herrialde batzuek”.
Hala ere, Obamak ohartarazi du oraindik ezberdintasun asko dituztela eta lanean jarraitu beharko dutela. Ildo horretan, berretsi egin du presio egingo dutela Kuban demokrazia ezartzeko eta giza eskubide unibertsalak betearazteko, besteak beste, adierazpen askatasuna, biltzeko askatasuna eta gurtza erlijiosorako askatasuna.
“Bost hamarkadatan harreman zaila izan ostean, Kubak eta AEBk ezberdintasun ugari ditugu, demokraziaren eta giza eskubideen alorrean, adibidez; baina gai horien inguruan ere elkarrizketa zintzoak izan ditugu”, nabarmendu du.
nabarmendu du.Albiste gehiago mundua
Trumpen muga-zerga berriak indarrean sartuta, gerra komertziala hauspotu da
Gaurtik, oro har, % 15eko muga-zergak ezarriko zaizkiei Estatu Batuen merkataritza-bazkide gehienei, tartean, Europar Batasunari.
Putinekin eta Zelenskirekin "oso laster" biltzeko "aukera asko" daudela esan du Trumpek
Nolanahi ere, AEBko presidenteak esan du azken bileran ez zela "aurrerapauso erabakigarririk" eman, eta adierazi du Errusiak ez duela amore eman.
Albiste izango dira: Trumpen muga-zergak, alertak beroagatik eta Edurne eta Zeledon Txikiren jaitsiera
Gaurkoan albiste izango direnen laburpena, bi hitzetan.
Washingtonek Mosku zigortzeko asmoa du, Putinen eta Witkoffen arteko bilera "emankorra" izan dela onartu arren
Zigorra ostiralean bertan ezartzekotan dago Trump. Hala ere, bigarren mailako zigorrak izango lirateke, hau da, hirugarren estatuei aplikatzen zaizkien zeharkako neurriak, Errusiarekin merkataritzan aritzeko inoren asmoa kentzeko. Ildo horretan, Trumpek agindu bat sinatu du Indiako produktuen gainean % 25eko muga-zergak ezartzeko, Errusiako petrolioa erosten du eta. AEBko agintariak Putinekin datorren astean biltzeko asmoa du.
Sute "ikaragarri" batek hildako bat utzi eta 16.000 hektarea kiskali ditu Frantzian
Gainera, bederatzi suhiltzaile zauritu dira, horietako bat larri, eta 13 herritar, horietako bat ere larri. Sua hasi eta hurrengo egunean, lehen zantzuen arabera eskualdeko errepide batean egindako arduragabekeria baten ondorioz, sugarrek aurrera egiten jarraitzen dute, haize bortitzak lagunduta.
Hiroshimako bonbardaketa atomikotik 80 urte, gatazka globalek ilundutako giroan
Japoniako Hiroshimak hirian AEBko Armadak egindako bonbardaketa atomikoaren 80. urteurrena izan da asteazken honetan, gaur egungo gatazken itzalpean eta 'hibakusha' bizirauleen aldarrien artean, arma horiek berriro erabil ez daitezen. Biktimen senideek, 120 herrialde eta eskualdetako politikari nazional eta diplomatikoen ordezkariek parte hartu dute omenaldian.
Trumpek berriz estutu du Europarekin duen gerra komertziala, eta % 35eko muga-zerga ezarriko diola mehatxu egin dio
AEBko presidenteak mehatxu egin dio Europar Batasunari uztailaren amaieran hitzartutako % 15eko tasa % 35era igotzeko, Bruselak AEBn 600.000 milioi dolar inbertitzeko hartatuko konpromisoa bete ezean.
Netanyahuk atzeratu egin du Gaza osorik okupatzeko gaurko deitu duen bilera
Gazaren erabateko okupazioan aurrera egin asmoz, Segurtasun Kabineteak bilera zuen egitekoa astearte honetan. Hala iragarri du Israelgo lehen ministroak, baina, azkenean, hitzordua bertan behera geratu dela baieztatu du Israelgo Haaretz egunkariak jakinarazi duenez.
Kremlinek tentsioa murriztu nahi du Etxe Zuriarekin: "Gerra nuklear batean ezin da irabazlerik egon"
Dmitri Peskov Errusiako presidentearen bozeramaileak gogorarazi du Putin dela atzerri politika markatzen duena eta AEBko buruzagiarentzat baleko solaskide bakarra, Dmitri Medvedevi erreferentzia argia eginez.
Hamasek dio Gurutze Gorriak bahituak artatu ahal izango dituela Israelek Gazan laguntza jasotzeko korridoreak irekitzen baditu
Hamaseko miliziek ukatu egin dute bahituei tratu txarrak eman izana, eta bahituek Gazako herriak jasotzen duen "janari bera" jasotzen dutela esan dute.