Euroguneak 10.300 milioi euro emango dizkio Greziari zorra ordaintzeko
Euroguneak Greziari zorra eta fakturak ordaintzeko beste 10.300 milioi euro ematea adostu du, eta zorra arintzeko epe labur, ertain eta luzeko neurriak iragarri ditu, Nazioarteko Diru Funtsak hirugarren erreskatearekin bat egiteari ateak irekitze aldera.
86.000 milioi eurorainoko erreskatea berriz artzertzeko lehen bileraren ostean eman dute akordioaren berri, eta Euroguneko Ekonomia eta Finantza ministroek erabaki dute ekainaren erdialdean ematea lehenengo 7.500 milioi euroak, Europako Banku Zentralari eta Nazioarteko Diru Funtsari dirua itzuli eta atzerapenei aurre egin ahal izateko.
Gainerako 2.800 milioi euroak "uda ostean" emango dizkiote hainbat zatitan, Klaus Regling Euroguneko erreskate funtsaren zuzendariak azaldu duenez. Hortik aurrerako ekarpenentzat, pribatizazioekin, bankuen legediarekin, zerga-bilketa agentziarekin eta energiaren sektorearekin lotutako neurriak eskatuko dizkiote Atenasi, horren esanetan.
Diru gehiago emateko, Greziak ekintza batzuk gauzatzen dituela egiaztatu behar dute; mailegu berankorren salmenta irekitzeko legediaren "zuzenketak", pentsioen erreforma eta pribatizazio alorreko neurriak, besteak beste.
Lehenengo berrikusketa Eurotaldeak adostu behar duen sorta baten lehenengo zatia da, eta bigarren zutabea Greziaren zorra arintzeko neurriak dira, ezinbestekoa Nazioarteko Diru Funtsak hirugarren erreskatean parte har dezan.
Euroguneak ez du Greziaren superabit helburua ukitu, eta 2018an % 3,5ekoa izan behar du, baina, NDFren arabera, hori lortzea ezinezkoa da zorra arindu gabe.
Zure interesekoa izan daiteke
Ukrainak Errusiarekin hitz egin nahi izatearen "seinale batzuk" jaso dituela azpimarratu du Putinek
Errusia "gatazka bide baketsuan amaitzeko" prest dagoela azpimarratu du, "joan den ekainean Atzerri Ministerioaren aurrean azaldu nituen printzipioetan oinarrituta" eta "gatazka eragin zuten jatorrizko arrazoiak ezabatuz gero".
AEBko Gobernuak Epstein pederastaren artxibo klasifikatuak argitaratuko ditu ostiral honetan, partzialki bada ere
Pasa den azaroan, AEBko Ordezkarien Ganberak Trumpen gobernua Jeffrey Epstein pederastaren artxiboak sekretupetik ateratzea behartzen duen legea onartu zuen. Lege-testuaren arabera, material hori "kontsultatzeko eta deskargatzeko" moduan egon beharko da.
Europar Batasunak 90.000 milioi euroko mailegua emango dio Ukrainari, zor bateratuaren bidez finantzatuta
Momentuz, 27 herrialdeetako agintariek ez dituzte aktibo errusiarrak erabiliko Ukraina finantzatzeko.
EBk akordioa iragarri du asilo-eskatzaileak "hirugarren herrialde seguruetara" deportatzea errazteko
Europako Kontseiluaren eta Europako Parlamentuaren arteko behin-behineko akordioak babes-eskaerak ez onartzeko kasuistikak zabalduko ditu.
Ospea minimoetan duela, Trumpek bere lorpenak puztu ditu nazioari egindako diskurtso batean
Ia egunero egiten dituen agerraldi publikoetan esaten dituen gauza asko errepikatuz hasi du hitzaldia agintariak: etorkinei eta Joe Biden bere aurrekoaren gobernuari eraso egin die, eta hilabete gutxi batzuetan AEBk "okerrenetik onenera" egin dutela ziurtatu du, deportazioak egin dituelako, mugaetako kontrolak zorroztu dituelako eta beste herrialde batzuen aurka muga-zergak ezarri dituelako.
Venezuelak, AEBri: "Ez duzue gure petroliorik izango, ez oparituta, ezta lapurtuta ere"
Etxe Zuriak atzo adierazi zuenez, AEBk sortu zuen Venezuelako petrolio-industria, eta Caracasen 1976an industria hori nazionalizatzea, estatubatuarrei inoiz egindako "lapurretarik handiena" izan zen.
Alemaniak umeei hilean 10 euro ematea onartu du, erretiro-pentsioetan aurrezteko
"Goiz hasteko pentsioa" delakoa Alemaniako Gobernuak abian jarri duen pentsio sistema pribatuaren erreforma sorta zabalago baten parte da.
Frantziako Barne Ministerioaren aurkako zibererasoa egin eta dozenaka artxibo konfidentzial lortu dituzte
Laurent Nuñez Barne ministroak adierazi duenez, aurrekari penalen (TAJ) eta pertsona bilatuen (FPR) fitxategietara sartu dira hackerrak. Pariseko Fiskaltzak ikerketa abiatu du gertaturikoa argitzeko.
Venezuelan sartu eta irteten diren petrolio-ontziak erabat blokeatzeko agindu du Trumpek
AEBko presidenteak nabarmendu duenez, "Maduroren erregimen ez-legitimoa lapurtutako petrolioa erabiltzen ari da narkoterrorismoa, pertsonen trafikoa, hilketak eta bahiketak finantzatzeko, besteak beste".
Bondiko atentatuaren ostean, armen gaineko legeak gogortu egingo dituztela iragarri du Australiak
Australiako Gobernuak erantzun dio igandean Bondi hondartzan izandako erasoari, eta iragarri du aldaketak egingo dituztela armei buruzko legedian, kontrolak indartzeko. Sydneyn 16 pertsona hil zituzten.