Obama, Hiroshiman: 'Mundua bonba atomikoarekin aldatu zen'
"Mundua bonba atomikoarekin aldatu zen", aitortu du gaur Barack Obama AEBko presidenteak Hiroshiman. Buruzagi demokrata duela 71 urte bonba nuklearrak txikitutako Japoniako hirian izan da ostiral honetan, eta bertara joan den lehen presidente estatubatuarra bilakatu da, horrenbestez. Obamaren iritzian, 1945eko abuztuaren 6 hartan agerian geratu zen "gizakiak bere burua suntsitzeko bitartekoak zituela".
"71 urte igaro dira egun horretatik. Goiz argia zen, hodeirik gabekoa. Heriotza zerutik etorri zen, eta mundua aldatu egin zen", esan du Obamak bere hitzaldia hasteko.
AEBko buruzagiak "Historiari begiratzeko" deia egin du "akats" berdinak ez egiteko. Dena dela, aurreikusita zegoen moduan, ez du barkamenik eskatu.
Presidente estatubatuarrak lorez egindako koroa utzi du Hiroshiman hildako 140.000 lagunen omenezko monumentuan, Shinzo Abe Japoniako lehen ministroa, Hiroshimako eta Nagasakiko alkateak eta biktima batzuk ondoan zituela.
Barkamen eskerik ez
Etxe Zuriak aurreratu bezala, barkamen eskaerarik ez du egin Obamak. Dena dela, aitortu egin du II. Mundu Gerran Hiroshima eta Nagasaki hirien kontra egindako erasoen "bortizkeria", eta esan du "errugabeek" pairatu zituztela buruzagi politikoen erabakiak.
Obamaren esanetan, Japoniako bi hiriok "hondamendiaren" ikur bihurtu ziren 1945ean, baina baita munduaren "esnatze moralaren hasieraren" ikur ere. "Akatsetatik ikasi behar dugu", erantsi du.
"Mundua betiko aldatu zen hemen", esan du Obamak, eta zentral nuklearrik gabeko mundua aldarrikatu du. AEBko presidentearen aburuz, aurrerapen zientifikoek "bizimodua hobetu behar dute, ez bizia suntsitu. Iraultza zientifikoak iraultza morala behar du".
Obama Shinzo Abe Japoniako lehen ministroa agurtzen. EFE
Hiroshima zapaltzen lehena
Agintari estatubatuarra G7aren Ise-Shimako goi-bileran izan da azken egunotan, eta hitzordua baliatuta, bonba atomikoak txikitutako hirira bisita historikoa antolatu du. Izan ere, bertara joan den lehen presidente estatubatuarra da Obama.
Inkesten arabera, AEBko herritar askok uste dute oraindik 1945ean jaurtitako bonbak justifikatuta zeudela.
udela.
Zure interesekoa izan daiteke
Israelek eta Estatu Batuek eraso egin diote Iranek eta Qatarrek partekatzen duten munduko gas aztarnategi handienari
Iranek ohartarazi du bere azpiegitura energetikoaren aurkako erasoek "ondorio kontrolaezinak" ekar ditzaketela, egoera are gehiago zailduko dutenak eta mundu guztiari eragin diezaioketenak.
Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"
Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste.
Irango zentral nuklear bati eraso egin diotela salatu du NBEk
Oraingoz, ez dute biktimen ezta kalteen berririk eman. Energia Atomikoaren Nazioarteko Erakundeak Ekialde Hurbileko gatazka baretzeko deia egin du, istripu nuklearrak gertatzeko arriskua saihesteko.
Iranek misilekin eraso egin du Tel Aviven aurka, Ali Larijaniren hilketaren mendeku gisa
Irango Guardia Iraultzailearen esanetan, "100 helburu militar eta segurtasun helburu baino gehiago" jo dituzte, erasoan Israelgo aireko defentsa sistemak gaindituta.
Iranek baieztatu du Ali Larijani Segurtasun Nazionaleko Kontseilu Goreneko idazkaria hil duela Israelek
Martxoaren hasieran Khamenei aiatola hil zutenetik, Larijani Irango buruzagi garrantzitsuenetakoa zen. Halaber, eraso berean Golamreza Soleimani Basij indar paramilitarreko buruzagia hil dutela baieztatu du Irango Guardia Iraultzaileak. Hilketa horien aurrean, Irango agintari politiko eta militarrek "mendekua" agindu dute.
Espainiak euskara, katalana eta galegoa Europar Batasunean hizkuntza ofizialak izan daitezen nahi du
Fernando Sampedro EBko Estatu idazkariak esan du presioa egiten jarraituko dutela, nahiz eta gaiak bederatzi hilabete daramatzan Ministerioaren agendatik kanpo.
Israelgo Armadak iragarri du "eskala handiko" beste erasoaldi bat egingo duela Teheranen aurka
Israel Katz Defentsa ministroak iragarri duenez, Ali Larijani Irango Segurtasun Nazionaleko agintaria hil dute.
Trumpek esan du "ohore handia" izango litzatekeela "Kuba hartzea"
Bere Administrazioa Kubako agintariekin hitz egiten ari dela errepikatu du agintariak, eta irla "porrot egindako nazio bat" dela azaldu du. "Ez dute dirurik, ez dute petroliorik, ez dute ezer".
Beste ontzi bati eraso egin diote Ormuztik gertu, Erresuma Batuko itsas agentziak jakinarazi duenez
Bestalde, AEBko Armadak baieztatu duenez, Irango "7.000 objektibo baino gehiago" jo ditu, eta ehun ontzi baino gehiago "kaltetu edo suntsitu" ditu, otsailaren 28an Israelekin batera erasoaldia hasi zuenetik.
EBk uko egin dio Ormuzera aktibo militarrak bidaltzeari, berea ez den gerra bat delako
Nazioarteko bazkideek itsasartea desblokeatuko duen hedapen militar batean parte hartzeko ideia berretsi du Trumpek.