Gutxienez 26 hildako Bangladeshen, kafetegi batean egindako erasoan
Gutxienez 26 lagun hil dira Bangladeshen, talde armatu batek kafetegi batean egindako erasoaren ondorioz. Estatu Islamikoak aldarrikatu du ekintza, bai eta Al-Qaidak Indian duen adarrak ere. Hildakoetan, 20 dira gatibu izandako pertsonak eta gainerako seiak, erasotzaileak. Halaber, 26 zauritu daude, eta bahituta zeuden 13 lagun aske utzi dituzte.
Hildako guztiak atzerritarrak dira. Japoniak baieztatu du bertako zazpi hiritar hil direla erasoan, eta Italiak, aldiz, gutxienez bederatzi biktima dituela esan du.
Ekintza Arineko Batailoiko ofizial Tuhin Md. Masudek baieztatu duenez, 13 lagun aske utzi dituzte; 'Dhaka Tribune' egunkariak, aldiz, jakinarazi du 18 direla, eta aipatu ditu Poliziaren iturriak. Orain arte, ez dute jakitera eman nongoak diren biktima guztiak; japoniar bat zaurituta dago, eta bi korear ere egon litezke, baina azken datu hori baieztatu gabe dago oraindik.
Irudian, zauritutako polizia bat. Argazkia: EFE.
Sei erasotzaile hil dira (zazpi ziren). Hasiera batean, CNNk esan du bost zirela hildako erasotzaileak, bik ihes egitea lortu baitzuten eta beste bat atxilotuta zegoelako, baina, Masudek Times Now Indiako katean esan duenez, sei hil dira: "Okupatu duten gunea hustu dugu", berretsi du.
Bahitutako batek, segurtasun-indarrak sartu aurretik ihes egin zuen bera, azaldu du erasotzaileek pistolak, ezpatak eta bonbak zituztela, eta Bangladesheko 20:45ean indarrez sartu zirela 'Holey' kafetegian. 20 bat lagun zeuden une hartan, gehienak atzerritarrak, eta bertan egon dira gatibu. O'Kitchen jatetxea ere bertan da, eraikin horretan.
Estatu Islamikoak aldarrikatu du
Amaq albiste-agentziak (Estatu Islamikoarekin lotura du) jakinarazi du erasotzaileak aipatu taldeko kideak direla, eta 20 lagun baino gehiago hil dituztela ekintza honetan, zenbait herrialdetakoak SITE atariak zabaldu duenez (SITEk Interneten dagoen informazio jihadista aztertzen du). Estatu Islamikoak, antza, esan du 24 lagun hil dituztela, eta 40 zauritu baino gehiago ere daudela.
Al-Qaidak Indian duen adarrak ere aldarrikatu du erasoa.
Zure interesekoa izan daiteke
Arma nuklearren START III tratatua iraungi den egunean, eustearen aldeko jarrera agertu dute Errusiak eta AEBk
START III itunak arma nuklear estrategikoen kopurua mugatzen zuen, gehienez 1.550 buru nuklearretara eta 700 sistema balistikotara, bi potentzietako bakoitzerako, izan lurrean, itsasoan edo airean. Start III 2010eko apirilaren 8an sinatu zuten, Pragan, Dmitri Medvedev Errusiako eta Barack Obama AEBetako orduko presidenteek, eta 2021eko otsailean berritu zuten beste bost urterako eta gaur iraungi da.
Trumpek ez du bere ondorengoaz hitz egin nahi izan, eta nabarmendu du Vance eta Rubio "zoragarriak" direla
Donald Trump Ameriketako Estatu Batuetako presidenteak Etxe Zurian bere ordezkoari buruz ez du iritzirik eman nahi izan, eta JD Vancen eta Marco Rubioren lana goraipatu ditu.
AEBk eta Ukrainak produktibotzat jo dituzte Errusiarekin izan dituzten negoziazioak
Ukraina eta Errusiako ordezkariak Arabiar Emirerri Batuetako hiriburuan bildu dira, Estatu Batuetako ordezkariekin batera, gerrari amaiera ematea duen bigarren bilera sorta batean. Elkarrizketek ostegunean jarraituko dute.
21 palestinar hil ditu Israelek Gazan, tartean sei haur, gauez egindako erasoetan
Erasoen biktimetako bat Hussein Hassan Hussein Al Samiri da, Palestinako Ilargi Gorriko paramediko bat. Israelek atzo gauetik jaurtitako bonbardaketa ugarietako batetik zaurituak zeramatzala eraso diote. Su-etenaz geroztik Israelek egindako erasoen ondorioz hildako gazatarren kopurua 556ra igo da, horien artean 115 adingabe baino gehiago.
Trumpek eta Petrok bakeak egin dituzte, urtebetez irainka aritu ostean
Donald Trump AEBko presidenteak eta Gustavo Petro kolonbiar homologoak astearte honetan bakeak egin dituzte, tonu atsegineko bilera batekin, Etxe Zurian, desadostasunek eta irain gurutzatuek markatutako urte baten ondoren.
Elon Muskek eduki esplizitua sustatu zuen Grok AArekin, Xn erabiltzaileak irabazteko
Aktibo egon zen hamaika egunetan, Groken irudi sortzaileak hiru milioi irudi sexualizatu baino gehiago sortu zituen; horietatik 23.000k haurrak irudikatzen zituzten eta 1,8 milioik inguru, emakumeak. Elon Muskek xAIko langileei eskatu zien eduki esplizituarekin lan egiteko trebatzeko, sexuala barne, eta langileei ohartarazi zien "eduki sentikorra, bortitza, sexuala eta/edo beste eduki iraingarri edo asaldatzaileak" ikusteko prestatu zitezela, "estres psikologikoa" eragin ziezaiekeen eta.
Nobel Institutuak adierazi du Machadoren sariaren berri filtratu zela, baina ez du zehaztu nola
"Iragarpena egin baino ordu batzuk lehenago hainbat pertsonak dirutza jokatu zuten apustu-webguneetan, eta, hortaz, ziur esan dezakegu batzuk gai izan zirela iazko erabakiari buruzko informazioa legez kanpo eskuratzeko", adierazi du Institutuak ohar batean.
X sare sozialak Frantzian dituen lokalak miatu dituzte eta Elon Musk deitu dute galdeketa egiteko
Frantziako Fiskaltza X sare soziala (lehen, Twitter) ikertzen ari da, bere bulegoetan egindako miaketa baten ondoren, eta enpresaren jabea deklaratzera deitu du, duela urtebete irekitako ikerketaren ondorioz.
Ilargirako misio tripulatua martxora arte atzeratu da, gaurko probetan erregai-ihesa izan eta bertan behera utzi behar izan dutelako
"Misio historiko honi ekiteko prest gaudela uste dugunean egingo dugu jaurtiketa", esan du Jared Isaacman NASAren buruak, eta gaineratu du taldeak datuak "sakon" berrikusiko dituela, "atzemandako arazo guzti-guztiak konponduko" dituela, beharrezko konponketak egingo dituela eta berriz egingo dituela saiakerak.
Mikel Reparazek egungo egoera geopolitikoari buruz egindako dokumentala proiektatuko dute gaur Bilbon
EITBren nazioarteko arduradunak lehia geopolitikoaren eremu liskartsuenetan grabatutako bideoak ikusentzunezko lan batean bildu dituzte. Dokumentala BBK Aretoan izango da ikusgai, eta ondoren, solasaldia antolatu dute.