Zer gertatu da Nizan?
Egun odoltsua izan da 2016ko uztailaren 14a, Errepublikaren eguna, Frantzian. Dozenaka pertsona hil dituzte Nizan, atentatu terrorista batean. Herri turistiko honetako Ingelesen Pasealekuan bilduta zegoen jendetza harrapatu du kamioi batek, eta sarraskia eragin du. Pasealekua jendez lepo zegoen, jaia dela eta, su artifizialak ikusten ari zirelako.
Zer geratu da?
Kamioiaren gidaria tiroz hil du Poliziak, Ingelesen Pasealekuan bi kilometro inguruko ibilbidea egin ondoren. Lekukoen arabera, ziztu bizian -90 km/h- joan da eta ezker eskuin bolante-kolpeak emanda, ahalik eta jende gehien harrapatzeko asmoarekin.
Ibilgailu barruan pistola bat eta faltsuak ziren arma luze ugari eta granada bat topatu dituzte. Kamioia alokatutakoa zen. Ibilgailuaren kabinan bildu dituzten hatz markei esker identifikatu dute terrorista: tunisiar jatorriko 31 urteko frantses bat da.
Biktimen balantzea
Gutxienez 84 hil ditu erasotzaileak kamioiarekin harrapatuta. Zauritutakoen kopurua ere handia da oso: gutxienez 50 haur ospitalean daude, euren zaurien larritasunen berri eman ez badute ere. Osasun arduradunek adierazi dutenez, goizeko lehen orduan Nizako ospitale pediatriakoan zeuden bi haur hil dira, ebakuntza egiten ari zitzaienean.
Agintariek ez dute zehaztu zenbat haur hil diren. 84 hildakoez hain, hamarnaka zauritu daude; 18 larri daude, 50ek zauri arinak dituzte eta 120 larrialdietako zerbitzuek artatu dituzte.
Nor izan da erasoaren egilea?
Nice Matin bertako egunkariak zehaztu duenez, Mohamed Lahouaiej Bouhlel tunisiar jatorriko 31 urteko frantziar bat da, baina hori ez dute oraindik ofizialki baieztatu.
Bouhlelek aurrekariak zituen, baina ez terrorismoagatik.
Pertsona batzuek bala zauriak dituzte. Ustezko terroristak erabilitako kamioiak 20 bat tiro jaso ditu aurreko kristalean.
Hasiera batean, bahituen eta erasoaren konplize armatuen berri eman dute Nizako kaleetan, baina Pierre-Henri Brandet Barne Ministerioko bozeramaileak gezurtatu egin du informazio hori.
Sare Sozialak, elkartasunaren adierazle
Sare sozialak elkartasun mezuz bete dira eta #PrayforNiza eta #Nice06 traolek milaka mezu jaso dituzte. Parisko atentatuekin gertatu zen bezala, frantziarrek euren etxeetako ateak ireki dituzte atentatuaren biktimei babesa emateko. #PortesOuverNice traolak 375.000 txio jaso ditu atentatuaren ondoren 12 orduetan.
Informazio jasotzeko telefonoak
Espainiak Nizan duen Kontsulatuak eta Espainiako Gobernuko Ministerioak Nizako atentatuengatik kaltetuei eta haren familiei informazioa jasotzeko telefonoak jarri dizkiete. Kontsulatuak 0608717988 telefonoa jarri du martxan Frantziatik deitzen dutenentzat eta 00 33 608717988 telefonoa deia Espainiatik egiten dutenentzat. Halaber, 0493722222 telefonoa jarri dute Frantziatik, familiei eta biktimei bideratuta.
Hiru dolu egun
Manuel Valls Frantziako lehen ministroak nabarmendu duenez, bestalde, bart Nizan izandako "ekintza terroristak" agerian utzi du "gerra egoeran" daudela, baina hala izanagatik ere, Frantzia ez dutela garaituko.
"Frantzia demokrazia handia da, eta ez du amore emango", esan du Francois Hollandek zuzendutako segurtasun eta defentsa batzordearen bilera egin ondotik eskainitako agerraldian.
Vallsen hitzetan, Hollandek hiru dolu egun ezarri ditu larunbatetik aurrera, "biktimen omenez". Ostiral honetatik, bestalde, eraikinetako banderak masta erdian egongo dira.
Kontrolak
Espainiako Gobernuak polizia-kontrolak areagotuko ditu garraiobideen azpiegituretan, eta arreta berezia jarriko die jende asko biltzen den lekuei eta turismoguneei.
Horrela eman du jakitera Jorge Fernandez Diaz Barne ministroak. Horrez gain, eta Frantziako agintariekin bat etorrita, mugetan egiten ari diren polizia-kontrolei eustea erabaki dute (hilaren 26an bukatu behar ziren). Kontrol horiek maiatzean jarri ziren indarrean futboleko Eurokopa txapelketa eta Frantziako Tourra dela-eta.
Terrorismoaren aurkako itunaren eta mehatxuaren arrisku mahaiaren jarraipen-batzordearen bileratik atera ostean egin ditu adierazpen horiek Fernandez Diazek. Adierazi duenez, bilera horretan inteligentzia zerbitzu guztiek "aho batez" erabaki dute alerta-egoera 4. mailan uztea, ez baitute ikusten Espainian atentaturik izateko berehalako arriskurik dagoenik. Horrenbestez, ez dute alerta-egoera 5. mailara igoko (alerta antiterrorista 4. mailan dago 2015eko ekainaren 26tik), baina neurriak "areagotuko" dituzte.
Albiste gehiago mundua
Europak Ukrainaren gaineko koordinazioa areagotu du Kieven aurkako erasoaren ostean
Zelenskik eta Von der Leyenek bide diplomatiko bikoitza bideratuko dute, Europar Batasuna laguntza militar eta mugetarako neurri berriak prestatzen ari den bitartean.
Errusiak 18 pertsona hil ditu, tartean hiru adingabe, droneekin eta misilekin Kieven egindako erasoetan
50 pertsona zauritu dira, eta erasoek etxebizitza-eraikinak, merkataritza-gune bat, haurtzaindegi bat, erredakzio bat eta EBk Ukrainan duen ordezkaritzaren eraikina kaltetu dituzte.
Gazako Zerrendako Gobernuak ohartarazi du hegoaldea "gainpopulatuta" dagoela
"Gazako hiria okupatzeak krisi humanitario bat sortzea du helburu, ia 700 eguneko genozidioak iraun duen tragediari gehituta", azpimarratu du Gazako Gobernuak.
Kazetarien protesta Londresen, Israelek Gazan kazetarien aurka egindako erasoak gaitzesteko
Azken orduetan Israelen bonbardaketen ondorioz bost kazetari hil direla salatu dute, eta guztira orain arte 200 baino gehiago hil direla gogorarazi dute. Gainera, gutuna igorri diote Starmer lehen ministroari, kazetarien segurtasuna bermatzeko behar diren neurriak hartzeko eskatuz.
Alemania derrigorrezko soldadutza berreskuratzear da
Alemaniako Gobernuak borondatezko erreklutamendu sistema berria aurkeztu du. Hala ere, ez dute baztertu derrigorrezko soldaduska ezartzea —2011n kendu zuten—, sistema berriaren bidez ez badute soldadu nahikorik lortzen.
Harrika hartu dute Milei Buenos Airesen, hauteskunde-ekitaldi batean
Eraso egin zioten Javier Milei Argentinako presidenteari, hauteskunde karabanan zebilela, Lomas de Zamora herrian; oposizio peronistaren "gotorlekuan", alegia. Manifestariek harriak eta beste objektu batzuk jaurti zizkioten presidenteari.
Global Sumud Flotilla, Palestinaren alde ontziak mundu osoan mugiaraziko dituen ekimena
Ekimenak dozenaka itsasontzi, 44 herrialde eta milaka boluntario biltzen ditu Israelek Gazan egiten ari den blokeoa salatzeko eta "giza eskubideak defendatzen dituzten" portuak aldarrikatzeko.
Beste gorpu bat aurkitu dute Sena ibaian, duela bi aste beste lau aurkitu zituzten lekutik gertu
Fiskaltzak ikerketa abiatu du biktima horrek beste laurekin zerikusia duen argitzeko. Dagoeneko susmagarri bat atxilotu dute.
Gutxienez bi haur hil dira Minneapolisen, eskola katoliko batean izandako tiroketan
Minneapolisko poliziaburuak emandako datuen arabera, armatutako gizon bat eraikinaren kanpoaldetik tiroka hasi da, leihotik, elizako bankuetan eserita zeuden haurren aurka. Zortzi eta hamar urteko bi haur hil dira, eta 17 pertsona zauritu dira, horietatik 14 umeak ziren eta bi oso larri daude. Erasotzaileak bere buruaz beste egin du, eta Robin Westman izenez identifikatu dute.
Kayed Hammad, kazetari gazatarra: "Kazetariak Israelgo Armadaren jomuga nagusietakoak dira, milizianoak baino gehiago"
Kayed Hammadek, orain ia 2 hilabete Gazako infernutik Espainiara heltzea lortu zuen kazetariak, hitz egin digu, etsipenak jota. Haren ustez, nabarmen argia da Gazako kazetariak Israelgo armadaren jomuga direla, eta Nasser Ospitalearen aurkako eraso bikoitza ez zela akatsa izan. Berak ez omen zuen kazetari txalekorik erabiltzen, seguruago sentitzen zelako jantzi gabe ibiltzen.