Turkiako tankeak eta indar bereziak Siriako iparraldean sartu dira
Turkiako Armadaren tankeek eta indar bereziek Turkia eta Siria arteko muga zeharkatu dute, Estatu Islamikoaren zenbait kokalekuri erasotzeko, Jarabulus hirian, "Eufratesen ezkutua" operazioan; halaber, Siriako Alderdi Kurduari ere egin nahi diote aurre. Siriako Gobernuaren esanetan, sarraldiak urratu egin du Turkiaren subiranotasun nazionala.
29 lagun hil dira Jarabulusen, Siriako Alepo eskualdean dagoen mugako hirian, talde kurdu-siriar batek zabaldutako oharraren arabera. Hiru mila lagunek baino gehiagok, gainera, hiritik alde egin behar izan dute, oharrak dioenez.
Hogei bat tanke sartu dira Siriako iparraldean. Bertan, goizaldeko lehen orduetatik, Turkiako Armadaren indar bereziak zeuden borrokan. Siriako erregimenaren iritziz, operazioak Turkiaren subiranotasun nazionala urratu du, eta, hortaz, "berehala" eteteko eskatu du.
"Terrorismoaren aurkako borroka, Siriako lurraldean egiten denean, Siriako Gobernu eta Armadarekin koordinatuta egin behar da", esan du Kanpo-arazoetarako Ministerioaren iturri batek, SANA agentziak jaso duenez.
Borroka "saihestezinak", Turkiako Armada eta kurduen artean
Batasun Demokratikorako Alderdiaren Moskuko ordezkari Abdesaliam Aliren iritzian, Turkiako Armadaren eta milizia kurduen arteko borrokak "saihestezinak" izango dira, baldin eta Ankarak erasoarekin jarraitzen badu.
Recep Tayyip Erdogan Turkiako presidenteak esan du erasoaldiaren helburuetako bat da herrialdearen lurralde-batasuna babestea dela. Operazioa "Sirian diharduten zenbait erakunde terroristaren aurkakoa da, Estatu Islamikoaren eta Siriako Alderdi Kurduaren aurkakoa, hain zuzen", azaldu du.
Telebista bidez zabaldu duen adierazpen batean, Mevlüt Çavusoglu Kanpo-arazoetarako ministroak EIren aurkako borrokan "ezkutuko agenda" izatea egotzi die Siriako kurduei, Sirian egun duten indarra eta lurraldea zabaltzea xede.
Turkiaren erasoa Joe Biden Ameriketako Estatu Batuetako presidenteordea Ankarara heldu den egunean bertan abiatu da.
Zure interesekoa izan daiteke
Arma nuklearren START III tratatua iraungi den egunean, eustearen aldeko jarrera agertu dute Errusiak eta AEBk
START III itunak arma nuklear estrategikoen kopurua mugatzen zuen, gehienez 1.550 buru nuklearretara eta 700 sistema balistikotara, bi potentzietako bakoitzerako, izan lurrean, itsasoan edo airean. Start III 2010eko apirilaren 8an sinatu zuten, Pragan, Dmitri Medvedev Errusiako eta Barack Obama AEBetako orduko presidenteek, eta 2021eko otsailean berritu zuten beste bost urterako eta gaur iraungi da.
Trumpek ez du bere ondorengoaz hitz egin nahi izan, eta nabarmendu du Vance eta Rubio "zoragarriak" direla
Donald Trump Ameriketako Estatu Batuetako presidenteak Etxe Zurian bere ordezkoari buruz ez du iritzirik eman nahi izan, eta JD Vancen eta Marco Rubioren lana goraipatu ditu.
AEBk eta Ukrainak produktibotzat jo dituzte Errusiarekin izan dituzten negoziazioak
Ukraina eta Errusiako ordezkariak Arabiar Emirerri Batuetako hiriburuan bildu dira, Estatu Batuetako ordezkariekin batera, gerrari amaiera ematea duen bigarren bilera sorta batean. Elkarrizketek ostegunean jarraituko dute.
21 palestinar hil ditu Israelek Gazan, tartean sei haur, gauez egindako erasoetan
Erasoen biktimetako bat Hussein Hassan Hussein Al Samiri da, Palestinako Ilargi Gorriko paramediko bat. Israelek atzo gauetik jaurtitako bonbardaketa ugarietako batetik zaurituak zeramatzala eraso diote. Su-etenaz geroztik Israelek egindako erasoen ondorioz hildako gazatarren kopurua 556ra igo da, horien artean 115 adingabe baino gehiago.
Trumpek eta Petrok bakeak egin dituzte, urtebetez irainka aritu ostean
Donald Trump AEBko presidenteak eta Gustavo Petro kolonbiar homologoak astearte honetan bakeak egin dituzte, tonu atsegineko bilera batekin, Etxe Zurian, desadostasunek eta irain gurutzatuek markatutako urte baten ondoren.
Elon Muskek eduki esplizitua sustatu zuen Grok AArekin, Xn erabiltzaileak irabazteko
Aktibo egon zen hamaika egunetan, Groken irudi sortzaileak hiru milioi irudi sexualizatu baino gehiago sortu zituen; horietatik 23.000k haurrak irudikatzen zituzten eta 1,8 milioik inguru, emakumeak. Elon Muskek xAIko langileei eskatu zien eduki esplizituarekin lan egiteko trebatzeko, sexuala barne, eta langileei ohartarazi zien "eduki sentikorra, bortitza, sexuala eta/edo beste eduki iraingarri edo asaldatzaileak" ikusteko prestatu zitezela, "estres psikologikoa" eragin ziezaiekeen eta.
Nobel Institutuak adierazi du Machadoren sariaren berri filtratu zela, baina ez du zehaztu nola
"Iragarpena egin baino ordu batzuk lehenago hainbat pertsonak dirutza jokatu zuten apustu-webguneetan, eta, hortaz, ziur esan dezakegu batzuk gai izan zirela iazko erabakiari buruzko informazioa legez kanpo eskuratzeko", adierazi du Institutuak ohar batean.
X sare sozialak Frantzian dituen lokalak miatu dituzte eta Elon Musk deitu dute galdeketa egiteko
Frantziako Fiskaltza X sare soziala (lehen, Twitter) ikertzen ari da, bere bulegoetan egindako miaketa baten ondoren, eta enpresaren jabea deklaratzera deitu du, duela urtebete irekitako ikerketaren ondorioz.
Ilargirako misio tripulatua martxora arte atzeratu da, gaurko probetan erregai-ihesa izan eta bertan behera utzi behar izan dutelako
"Misio historiko honi ekiteko prest gaudela uste dugunean egingo dugu jaurtiketa", esan du Jared Isaacman NASAren buruak, eta gaineratu du taldeak datuak "sakon" berrikusiko dituela, "atzemandako arazo guzti-guztiak konponduko" dituela, beharrezko konponketak egingo dituela eta berriz egingo dituela saiakerak.
Mikel Reparazek egungo egoera geopolitikoari buruz egindako dokumentala proiektatuko dute gaur Bilbon
EITBren nazioarteko arduradunak lehia geopolitikoaren eremu liskartsuenetan grabatutako bideoak ikusentzunezko lan batean bildu dituzte. Dokumentala BBK Aretoan izango da ikusgai, eta ondoren, solasaldia antolatu dute.