'AEBk neurriak hartuko ditu Errusiaren aurka, eskua sartzeagatik'
Barack Obama AEBko presidenteak ohartarazi duenez, bere gobernuak "neurriak hartuko ditu" Errusiaren aurka, emaitzetan eragiteko asmoz AEBko hauteskundeetan izan ziren eraso informatikoengatik.
"Uste dut ez dagoela zalantzarik; atzerriko edozein gobernuk gure hauteskundeetan eragin nahi badu, neurriak hartu behar ditugu, eta hala egingo dugu guk erabakitzen dugunean", esan du Obamak, NPR hedabide publikoan egin dioten elkarrizketa batean.
Presidentearen esanetan, gainera, neurri horietako batzuk "esplizituak eta publikoak izan litezke; beste batzuk, ordea, baliteke ez izatea".
Halaber, Obamak Vladimir Putinekin izan zuen bilera bat aipatu du, eta bertan bere iritzia adierazi ziola esan du: "Putinek badaki zer pentsatzen dudan honen inguruan, garbi hitz egin nion".
Erasoek emaitzetan izan zuten eraginaz ere galdetu diote presidente estatubatuarrari. Obamaren ustez, "ez dago zalantzarik giro bat eragin zutela aste batzuetan, eta, epe horretan, Hillaryren mezuak, Clinton Fundazioak eta Batzorde Demokrata Nazionalak erakarri zuten arreta".
Bestalde, Twitterren duen kontuaren bidez, Trumpek zalantzan jarri ditu inteligentzia erakundeek eta Obama presidentearen gobernuak eraso errusiarraren inguruan azaldutako ondorioak.
"Errusiak, edo besteren batek, eraso informatikorik egin bazuten, zergatik itxaron zuen hainbeste denbora Etxe Zuriak erantzuteko? Zergatik kexatu dira soilik Hillaryk galdu ostean?", idatzi du Trumpek.
Zure interesekoa izan daiteke
Israelek eta Estatu Batuek eraso egin diote Iranek eta Qatarrek partekatzen duten munduko gas aztarnategi handienari
Iranek ohartarazi du bere azpiegitura energetikoaren aurkako erasoek "ondorio kontrolaezinak" ekar ditzaketela, egoera are gehiago zailduko dutenak eta mundu guztiari eragin diezaioketenak.
Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"
Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste.
Irango zentral nuklear bati eraso egin diotela salatu du NBEk
Oraingoz, ez dute biktimen ezta kalteen berririk eman. Energia Atomikoaren Nazioarteko Erakundeak Ekialde Hurbileko gatazka baretzeko deia egin du, istripu nuklearrak gertatzeko arriskua saihesteko.
Iranek misilekin eraso egin du Tel Aviven aurka, Ali Larijaniren hilketaren mendeku gisa
Irango Guardia Iraultzailearen esanetan, "100 helburu militar eta segurtasun helburu baino gehiago" jo dituzte, erasoan Israelgo aireko defentsa sistemak gaindituta.
Iranek baieztatu du Ali Larijani Segurtasun Nazionaleko Kontseilu Goreneko idazkaria hil duela Israelek
Martxoaren hasieran Khamenei aiatola hil zutenetik, Larijani Irango buruzagi garrantzitsuenetakoa zen. Halaber, eraso berean Golamreza Soleimani Basij indar paramilitarreko buruzagia hil dutela baieztatu du Irango Guardia Iraultzaileak. Hilketa horien aurrean, Irango agintari politiko eta militarrek "mendekua" agindu dute.
Espainiak euskara, katalana eta galegoa Europar Batasunean hizkuntza ofizialak izan daitezen nahi du
Fernando Sampedro EBko Estatu idazkariak esan du presioa egiten jarraituko dutela, nahiz eta gaiak bederatzi hilabete daramatzan Ministerioaren agendatik kanpo.
Israelgo Armadak iragarri du "eskala handiko" beste erasoaldi bat egingo duela Teheranen aurka
Israel Katz Defentsa ministroak iragarri duenez, Ali Larijani Irango Segurtasun Nazionaleko agintaria hil dute.
Trumpek esan du "ohore handia" izango litzatekeela "Kuba hartzea"
Bere Administrazioa Kubako agintariekin hitz egiten ari dela errepikatu du agintariak, eta irla "porrot egindako nazio bat" dela azaldu du. "Ez dute dirurik, ez dute petroliorik, ez dute ezer".
Beste ontzi bati eraso egin diote Ormuztik gertu, Erresuma Batuko itsas agentziak jakinarazi duenez
Bestalde, AEBko Armadak baieztatu duenez, Irango "7.000 objektibo baino gehiago" jo ditu, eta ehun ontzi baino gehiago "kaltetu edo suntsitu" ditu, otsailaren 28an Israelekin batera erasoaldia hasi zuenetik.
EBk uko egin dio Ormuzera aktibo militarrak bidaltzeari, berea ez den gerra bat delako
Nazioarteko bazkideek itsasartea desblokeatuko duen hedapen militar batean parte hartzeko ideia berretsi du Trumpek.