AEBren balioak arriskuan daudela esan du Obamak
Barack Obama Ameriketako Estatu Batuetako presidente ohiaren arabera, AEBren balioak arriskuan daude. Dena dela, Donald Trump presidenteak musulmanei buruz hartutako neurrien aurrean herritarrak kalera irten goraipatu du.
“Herritarrek indarrean jarri dituzte konstituzioak aitortzen dizkien eskubideak, eta AEBko balioak arriskuan daudenean kalera irtetea erabaki dute, agintariek beraien ahotsa entzun ditzaten”, esan du Kevin Lewis Obamaren bozeramaileak ohar baten bidez.
Trumpen esanetan, ordea, Obamak 2011n onartu zuen lege baten antzekoa da gehiengo musulmana duten zazpi herrialdeetako hiritarren inguruan hartutako neurri polemikoa. Dekretu horren bidez, AEBren ateak itxi dizkiete errefuxiatuei, antza, terrorismoari aurre egiteko.
“Obamak kanpo politikan hartutako neurriekin egindako konparazioei dagokienez, AEBko presidente ohia ez dator bat arrazoi erlijiosoak direla medio herritarrak diskriminatzearekin”, azpimarratu du Lewisek.
Joan den ostiralean sinatutako dekretuarekin polemika handia sortu du Donald Trumpek, eta milaka herritar irten dira kalera protesta egitera.
Neurri horren bidez, datozen 120 egunetan ezin izango dira errefuxiatuak AEBn sartu. Gainera, noizbait terrorismo kasuak izan dituzten eta musulmanak nagusi diren zazpi herrialdeetako (Libia, Sudan, Somalia, Siria, Irak, Yemen eta Iran) herritarrak ezin izango dira herrialdean sartu, segurtasun neurri berriak indarrean sartu arte.
ean sartu arte.Albiste gehiago mundua
Martxa jendetsuak Erroman eta Londresen, Gazako erasoaldia amaitzea, Israelekin haustea eta Europaren berrarmatzea gelditzea eskatzeko
Londresko 'Palestinaren aldeko Martxa Nazionalean' parte hartu dutenek oihuka eskatu dute Israelek Palestinako lurraldean "okupazioa" amaitzea eta Israelek Irani egindako bonbardaketak bertan behera uztea. Erroman, milaka lagunek Europaren berrarmatzea gelditzeko eta bakea berrezartzeko eskatu dute.
Trumpek esan du Espainiak "oso gutxi" ordaintzen duela NATOko kide gisa
Horrekin batera, AEBko presidenteak berretsi du erakundeko kide guztiek BPGaren % 5 inbertitu beharko luketela defentsan.
Israelek dozenaka gazatar hil ditu, tiroka, Gaza Hirian
Ostiralean, gutxienez 70 palestinar hil dira Israelek Gazako hainbat guneren aurka egindako erasoetan, Osasun Ministerioak eta Defentsa Zibilak egindako zenbaketaren arabera. Gutxienez 25 laguntza humanitarioa jasotzeko guneetara zihoazela hil dituzte, tiroka.
Tel Aviv, Haifa, Beersheba eta bi hegazkin base misilekin eta droneekin eraso ditu Iranek
Abas Araqchi Irango Atzerri ministroak Genevan esan duenez, Israelen "erasoa gelditu eta erasotzailea epaitzen dutenean diplomaziari berriz heltzeko prest daude".
UNICEFek ohartarazi du denbora amaitzen ari dela Gazan: "Haurrak egarriz hiltzen hasiko dira"
Ia ez dago edateko urik Gazako Zerrendan, Isralek ezarritako blokeo humanitarioaren eraginez. NBEk azpimarratu duenez, erabaki politikoa da.
AEBko hedabideen arabera, Trumpek dagoeneko onartu ditu Irani eraso egiteko egitasmoak
CBSren arabera, Trumpek oniritzia eman dio aireko erasoekin Israeli laguntzeari. 'The Wall Street Journal' egunkariaren arabera, astearteko azken orduan, Trumpek goi aholkulariei esan zien azken erabakia atzeratzen ari zela, Teheranek programa nuklearra uzteko erabakiaren zain.
Sanchezek NATOri jakinarazi dio ez duela defentsako gastua gehiago igoko, eta % 5eko igoera "irrazionaltzat" jo du
Espainiako Gobernuko presidenteak aldarrikatu du gobernu bakoitzak "sakrifizio" jakin batzuk egin zein ez egin erabakitzea zilegi dela, hala nola zergak igotzea eta zerbitzu publikoak eta gizarte-prestazioak murriztea.
Israelek Arakeko ur astunen erreaktorea bonbardatu du, Iranen
Israelen erasoek Iranen azpiegitura militar eta nuklearra murriztu dute, eta 224 lagun hil egin dituzte, persiar Gobernuaren datu ofizialen arabera
Gazako agintariek jaioberriak elikatzeko premiazko laguntza eskatu dute
Horrez gainera, Osasun Ministerioak salatu duenez Gazako erietxeetan soilik hiru egunerako erregaia gelditzen zaie. Bestetik, 25 pertsona hil eta 120 baino gehiago zauritu dira janari zain zeudenean.
Israelek Teherango hainbat auzo eta toki bonbardatu ditu, tartean Ilargi Gorriaren eraikin bat
Joan den ostiral goizaldean Israelek Iranen aurkako erasoa abiatu zuenetik, Teheranek 400 misil balistiko eta ehunka drone jaurti ditu Israelen aurka.