Etengabeko protestak AEBn, musulmanei buruz hartutako neurriaren aurka
Milaka eta milaka pertsona AEBko hiri nagusietako kaletara irten dira igandean Donald Trump presidenteak gehiengo musulmana duten herrialdeetako hiritarren inguruan hartutako neurriaren aurka egiteko.
New Yorken, Washingtonen eta Bostonen, besteak beste, bigarren eguna da mobilizazioak egiten dituztela, aurreko larunbatean, bat-batean, aireportuetan egindako protesten ostean.
Igandean egindako elkarretaratze nagusienetako bat Battery New Yorkeko Manhattaneko uhartean egindakoa izan da, Askatasuneko Estatuatik (atzerritik etorritako herritarrei ongietorria egiteko ikur) oso gertu.
Trumpek, horren ildotik, ukatu egin du aurreko ostiralean emandako agindua musulmanek jazartzeko egin izana, eta nabarmendu du 90 egunen buruan berriz ere emango dituztela bisatuak munduko edozein herrialdeko herritarrentzat.
"Argiak izan gaitezen. Hau ez da musulmanen aurkako debekua, prentsak dioenez. Ez da erlijio-auzia; terrorismoarekin eta gure herrialdea seguru mantentzearekin zerikusia du", esan du Trumpek.
Gainera, gogorarazi duenez, "munduko 40 herrialde baino gehiagotan musulmanak gehiengo dira, eta neurri berri horrek ez du eraginik han izango". "Herrialde guztientzako bisatuak berrezarriko ditugu, 90 egunen buruan, segurtasun politikak berrikusi eta aplikatzen ditugunean".
Bestalde, 16 estatuko fiskal orokorrek zazpi herrialdetako errefuxiatuak eta hiritarrak AEBen sartzea debekatzen duen neurria gaitzetsi dute.
"Trumpek Konstituzioaren, Estatu Batuen eta legearen aurka emandako agindua gaitzesten dugu", esan dute abokatuek. Gainera, euren esanetan, "130 milioi estatubatuar eta atzerritar" ordezkatzen dituzte.
Elkarrekin argitaratutako oharrean, fiskalek euren konpromisoa berretsi dute "ahalik eta jende gutxienek (Trumpen aginduak sortutako) egoera jasan dezaten". Fiskalak errepublikanoek zein demokratek gobernatutako estatuetakoak dira.
"Elkarrekin lan egingo dugu -esan dute- Gobernu federalak Konstituzioa bete, etorkin nazio gisa dugun historia errespeta eta inor bere jatorriagatik edo erlijioagatik baztertu ez dezan".
Oharrarekin bat egin duten ordezkariak demokraten esku dauden zenbait estatutatik datoz: Kalifornia, New York, Pensilvania, Washington, Hawai, Virginia, Oregon, Connecticut eta Columbiako Distritua, hain zuzen, herrialdeko hiriburua dagoen lekua da.
Trumpen dekretuak galarazi egin du errefuxiatuak datozen 120 egunetan sartzea, eta haien historian terrorismo kasuak izan dituzten eta gehiengo musulmana duten zazpi herrialdeei bisatuak emateari utzi, hauek dira: Libia, Sudan, Somalia, Siria, Irak, Yemen eta Iran. Neurria segurtasun neurri berriak ezarri arte mantenduko dute.
Zure interesekoa izan daiteke
Danubiok bere sekretuak agerian utzi ditu lehortearen ondoren: mamut baten aztarnak eta nazien ontziak azalera atera dira
Danubio ibaiak, Europako bigarren luzeenak, lehorte historikoa bizi du, eta bere ur-emaria murriztu denez, iraganeko aztarna harrigarriak utzi ditu agerian: mamut baten aztarnak azaldu dira Bulgarian, eta Bigarren Mundu Gerran hondoratutako dozenaka ontzi ikusgai geratu dira Serbian.
Gutxienez 14 pertsona hil eta 27 zauritu dira Errusiak Kiev eskualdean gauez egindako erasoetan
Brovary barrutian "sute handiak" izan dira biltegi batzuetan, eta baita Velyka Dymerka, Kvitneve eta Peremoga herrietan ere. Astearte honetan, Volodimir Zelensky Ukrainako presidenteak Errusiaren aurkako operazio gehiago egitekotan zela iragarri osteko erantzun gisa egin ditu Moskuk azken erasoak.
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.
Trumpek bertan behera utzi du Iranen aurkako erasoa, eta berehalako akordioa eskatu dio Teherani
AEBko presidenteak esan du erasoaldia bertan behera utzi duela, akordio baterako oinarriak adostu ostean, eta negoziazioek porrot eginez gero, "Bigarren Mundu Gerratik ikusi gabeko" indar militarra erabiliko duela ohartarazi du.
Haize bolada bortitzek hainbat sute elikatzen jarraitzen dute Atenaseko eskualdean
Hiriburutik 60 kilometro ipar-mendebaldera dagoen Porto Germenon sugarren kontra ari dira suhiltzaileak. Haizea da etsairik handiena une honetan; izan ere, bolada bortitzek sugarrak elikatu dituzte, eta egoera kritikoa da herrialde osoan.
Europar Batasunak premiazko bilera egingo du asteartean Ceutako migrazio krisia aztertzeko, barne ministroak bilduta
EBko Kontseiluaren buru den Irlandak ezohiko bideokonferentzia deitu du, Pedro Sanchezek eta Europako beste 22 liderrek idatziz eskatu ostean.