AEB eta Erresuma Batuaren arteko harremana indartu dela dio Trumpek
AEB eta Erresuma Batuaren arteko harremana inoiz baino indartsuagoa dela esan du ostiral honetan Donald Trump Ameriketako Estatu Batuetako presidenteak. Erresuma Batuko lehen ministroa izan da nazioarteko gobernuburuen artean presidente berriarekin biltzen lehenengoa.
“Erresuma Batua aske eta independentea izatea bedeinkapen bat da munduarentzat, bi herrialdeen arteko harremana inoiz ez delako horren indartsua izan”, ziurtatu du Trumpek bien arteko bileraren ondoren egindako agerraldian.
Donald Trumpek urtarrilaren 20an hartu zuen AEBko presidente kargua, eta Theresa May izan da nazioarteko gobernuburuen artean presidente berriarekin biltzen lehenengoa.
Theresa Mayk Donald Trump zoriondu du, AEBko hauteskundeetan lortutako “garaipen ikaragarriagatik”, eta bi herrialdeen arteko harremana sendotzeko balio izan duen aurreneko bilera dela nabarmendu du. Ildo horretatik, aurrerantzean bilera gehiago egingo dituztela ziurtatu dute.
Bilera horretan lantzeko aurreikusita zituzten gaiez gain, NATOri buruz hitz egiteko tartea hartu dutela azaldu du Theresa Mayk, eta biek ala biek erakundea babesten dutela esan du Mayk, azken hilabeteotan gogor kritikatu badu ere. AEBko hauteskunde kanpainan erakunde hori “zaharkituta” zegoela ziurtatu zuen Trumpek, eta joan den astean ideia hori berretsi zuen.
“NATOk gure herritarrak defendatzen dituen erakundea da, eta aitorpen horrekin bat egiten dugu biok. Gaur, NATOrekin dugun konpromisoa berretsi dugu”, esan du Theresa Mayk.
Erresuma Batuko lehen ministroak aipamena egin dio kanpo politikari, eta Sirian eta Iraken Estatu Islamikoari aurre egiteko nazioarteko herrialde guztiek bat egiten dutela azpimarratu du.
Beste alde batetik, ustezko terroristei egiten zaizkien galdeketetan tortura erabiltzearen alde dagoela esan du AEBko presidente berriak, baina azken hitza Defentsa idazkariak hartuko duela nabarmendu du.
Halaber, Errusiarekin ondo konpondu nahi duela berretsi du Trumpek, baina Obamaren garaian ezarritako zigorrak kentzeko goiz dela gaineratu du. Ildo horretatik, Theresa Mayk esan du Errusiari ezarritako zigor ekonomikoak indarrean jarraitu behar dutela.
Bien arteko bileraren ondoren, Donald Trumpek Isabel II.aren gonbidapena onartu duela jakinarazi du Theresa Mayk, eta AEBko presidente berria laster Erresuma Batura joango dela esan du.
Zure interesekoa izan daiteke
Danubiok bere sekretuak agerian utzi ditu lehortearen ondoren: mamut baten aztarnak eta nazien ontziak azalera atera dira
Danubio ibaiak, Europako bigarren luzeenak, lehorte historikoa bizi du, eta bere ur-emaria murriztu denez, iraganeko aztarna harrigarriak utzi ditu agerian: mamut baten aztarnak azaldu dira Bulgarian, eta Bigarren Mundu Gerran hondoratutako dozenaka ontzi ikusgai geratu dira Serbian.
Gutxienez 14 pertsona hil eta 27 zauritu dira Errusiak Kiev eskualdean gauez egindako erasoetan
Brovary barrutian "sute handiak" izan dira biltegi batzuetan, eta baita Velyka Dymerka, Kvitneve eta Peremoga herrietan ere. Astearte honetan, Volodimir Zelensky Ukrainako presidenteak Errusiaren aurkako operazio gehiago egitekotan zela iragarri osteko erantzun gisa egin ditu Moskuk azken erasoak.
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.
Trumpek bertan behera utzi du Iranen aurkako erasoa, eta berehalako akordioa eskatu dio Teherani
AEBko presidenteak esan du erasoaldia bertan behera utzi duela, akordio baterako oinarriak adostu ostean, eta negoziazioek porrot eginez gero, "Bigarren Mundu Gerratik ikusi gabeko" indar militarra erabiliko duela ohartarazi du.
Haize bolada bortitzek hainbat sute elikatzen jarraitzen dute Atenaseko eskualdean
Hiriburutik 60 kilometro ipar-mendebaldera dagoen Porto Germenon sugarren kontra ari dira suhiltzaileak. Haizea da etsairik handiena une honetan; izan ere, bolada bortitzek sugarrak elikatu dituzte, eta egoera kritikoa da herrialde osoan.
Europar Batasunak premiazko bilera egingo du asteartean Ceutako migrazio krisia aztertzeko, barne ministroak bilduta
EBko Kontseiluaren buru den Irlandak ezohiko bideokonferentzia deitu du, Pedro Sanchezek eta Europako beste 22 liderrek idatziz eskatu ostean.