Donald Trumpek hartu du jada AEBko presidente kargua
Donald Trump Ameriketako Estatu Batuetako presidente berria da, karguaren zina egin ostean. Bere lehen hitzaldian, "boterea herriari" itzuliko diola eta Estatu Batuak "lehen tokian" jarriko dituela promestu du.
"Estatu Batuen nahiz mundu osoaren norabidean eragingo dugu", erantsi du 15 bat minutuko iraupena izan duen agerraldian.
AEBetan, presidente kargua hartzeko ekitaldia beti berdina dela esan du, protokoloa errepikatu egiten dela, baina gaurkoan ezberdintasun bat badagoela zehaztu du: "Ez dugu boterea alderdi batetik edo Gobernu batetik bestera igaro, Washingtonen daudenei boterea kendu diegu, herritarrei bueltatzeko", nabarmendu du.
"Urte askotan gure nazioaren hiriburuan dauden agintari gutxi batzuek eraman dituzte irabaziak, herritarren kontura. ‘Establishment’ak bere burua babestu du, ez herritarrak", kritikatu du.
"Baina hori, hemen eta orain, aldatu egin da. 2017ko urtarrilaren 20a estatubatuarrek beren nazioaren kontrola berreskuratu zuten eguna izango da. Hemendik aurrera inor ez da ahaztua izango, hemendik aurrera mundu guztiari entzungo zaio", adierazi du.
Ildo horretan, estatubatuarrei dei egin die "munduak inoiz ikusi ez duen mugimendu historiko bat osatzeko, aldarri nagusi batekin: nazio bat bere herritarren alde egiteko soilik existitzen da".
Estatubatuarrek enplegua, hezkuntza, osasuna eta segurtasuna exijitzen dutela esan du. "Arrazoiko aldarrikapen justuak dira, krisi ekonomikoaren ondorioz denbora luzez pobrezia bizi izan den gizarte batena", gaineratu du.
Trumpek gogor kritikatu du orain arte AEBko Gobernuak egindako lana. "Milaka milioi dolar xahutu ditu beste herrialde batzuetako mugak defendatzen, beste herrialde batzuk aberasten, Estatu Batuetako sendotasuna galtzen ari zen bitartean".
Hortaz, mugak altxatuko dituela eta lanpostuak sortuko dituela agindu du, Estatu Batuak bi oinarri sinpleren gainean eraikita: "estatubatuarrek langile estatubatuarrak kontratatzea". "Hemendik aurrera erabaki guztiak, merkataritzari, zergei, immigrazioari edo atzerri gaiei buruzkoak, estatubatuarren onurarako hartuko ditugu", azpimarratu du.
(Donald Trump presidente karguaren zina egiten. Argazkia: EFE)
Estatu Batuei lehentasuna
"Estatu Batuetako hiri guztietan, nazioarteko hiriburuetan, toki guztietan entzun dezatela: hemendik aurrera ikuspegi berri batekin gobernatuko dugu gure lurra, aurrerantzean Estatu Batuak izango dira lehen tokian".
Diskurtso protekzionista egin badu ere, Trumpek esan du ez diola munduari bizkarra emango. Alderantziz, "orain arteko aliantzak sendotuko ditugu eta berriak egingo ditugu, bereziki terrorismoa betirako desagerrarazteko, baina beti Estatu Batuekiko leialtasunez".
Horrez gain, ziur agertu da Estatu Batuak gelditzeko modurik izango ez dela. "Erronka guztiak gure esku ditugu; espazioko misterioak argituko ditugu eta Lurraren miseriak desagerraraziko ditugu", nabarmendu du.
"Inoiz ez zaituztegu bazterrean utziko. Zuen ahotsek, zuen itxaropenek eta zuen ametsek markatuko dute gure noranzkoa. Estatu Batuak indartsuak izatea lortuko dugu berriro, aberastasuna, harrotasuna eta segurtasuna berreskuratuta. Elkarrekin berriro lortuko dugu Estatu Batuak handiak izatea", amaitu du.
(Harmaka mila lagun bildu dira Kapitolio aurrean ekitaldia ikusteko. Argazkia: EFE)
90 atxiloketa
Ehunka manifestarik eta Poliziak istiluak izan dituzte Washingonen, eta 90 pertsona baino gehiago atxilotu dituzte horregatik. Harriak eta gas negar-eragilea jaurti diete elkarri.
Istiluen ondorioz, "zenbait pertsona arin zauritu dira, 90 baino gehiago atxilotu eta kalte materialak handiak gertatu dira establezimenduetan eta ibilgailuetan", Peter Newsham Washingtoneko Poliziako zuendariak jakinarazi duenez.
Washingtonen segurtasun neurri zorrotzak hartu dituzte, Trumpen kargu-hartzeari begira.
CONTENIDO NO ENCONTRADO
Zure interesekoa izan daiteke
Israelek eta Hezbollah miliziak su-etena adostu dute, Israelgo hainbat hedabideren arabera
Hala ere, oraingoz, egoerak ez du baretzeko itxurarik Libanon. Azken orduotan, gutxienez 18 pertsona hil eta 30 baino gehiago zauritu ditu Israelgo Armadak Libano hegoaldean egindako bonbardaketen ondorioz.
Frantziako justiziak Achraf Hakimi futbolaria epaituko du emakume bati sexu erasoa egitea leporatuta
Paris Saint-Germain taldeko jokalaria Marokoko selekzioarekin Munduko Kopan parte hartzen ari den bitartean, Versallesko Apelazio Auzitegiko instrukzio salak atzera bota du horren defentsak aurkeztutako helegitea, eta, ondorioz, akusatuen aulkian eseri beharko du 2023an emakume bati sexu erasoa egitea egotzita.
AEBk eta Iranek bertan behera utzi dituzte Suitzan itunaren inguruan egin behar zituzten elkarrizketak
Burgenstockeko bilera bertan behera utzi dute JD Vance ez delako bertara joan eta ez zegoelako argi Irango Gobernuaren ordezkaritza bertan izango zen, baina Washingtonek negoziazio teknikoetan aurrera egiteko asmoari eutsi dio.
Andy Burnham alkate laboristak eserleku bat lortu du, eta Starmerri aurre egin ahal izango dio
Makerfieldeko hauteskundeetan lortutako garaipenak Alderdi Laboristaren buruzagitza eskuratu eta Erresuma Batuko Gobernua gidatzeko bere asmoa indartu du.
Hauek dira Iranek eta Estatu Batuek adostutako akordioaren 14 puntuak
Ekialde Hurbileko gerrari amaiera emateko eta Ormuzko itsasartea desblokeatzeko akordioaren xehetasunak plazaratu dituzte Estatu Batuek. Akordioak atzeratu egiten ditu eztabaidagai delikatuenak, hala nola programa nuklearraren garapena.
Errusiak areagotu egin ditu Ukrainako ondare kulturalaren aurkako erasoak, eta bost eraikin historiko kaltetu ditu 24 orduan
Kaltetutako eraikinen artean dago Jasokundearen katedrala, Kieven. Volodimir Zelenski Ukrainako presidentearen arabera, Errusiaren bi dronek eragin dituzte kalteak.
Irango zenbait ontzik “arazorik gabe” Ormuzko itsasartea zeharkatu dute, AEBren eta Iranen arteko akordioa iragarri ostean
Hiru petrolio-ontzik eta oinarrizko produktuak garraiatzen dituzten bi merkantzia-ontzik zeharkatu dute itsasartea.
AEBk eta Iranek gerrari amaiera emateko akordioa lortu dute
Washington eta Teheran artean bitartekari lanetan aritu den Shehbaz Sharif Pakistango lehen ministroak baieztatu du akordioa indarrean dagoela eta iragarri du ekainaren 19an sinatuko dutela, Suitzan. Momentuz, ez dute testua ofizialki ezagutzera eman eta alde bakoitzak interesatzen zaizkion alderdiak nabarmendu ditu.
Trumpek, G7ra iritsi berritan: "Ostiraletik aurrera Ormuz erabat irekita egotea espero dut"
G7aren goi-bileran parte hartzen ari diren liderrak Evian-les-Bains Frantziako herrian daude jada. Lurreratu bezain laster, AEBko presidente Donald Trumpek eta Emmanuel Macron Frantziako liderrak aldebiko bilera egin dute. Iranekin lortutako akordioa izan da gai nagusietako bat.
Erresuma Batuak sare sozialetan sartzea debekatu die 16 urtetik beherakoei
Australiak eta Erresuma Batuak adin horretan (16 urte) ezarri dute sare sozialetan sartzeko gutxieneko adina. Frantzian 15 urtekoak has daitezke erabiltzen, eta Espainiak 16 urtez beherakoei debekua ezartzeko asmoa dauka.