Venezuelako Gorenak Asanblea Nazionalaren eskumenak hartuko ditu
Venezuelako Auzitegi Gorenak Asanblea Nazionalaren eskumenak (oposizioko aliantzako Batasun Nazionaleko Mahaiaren kontrolpean) erabat hartuko ditu, ganbera legegileak "desobeditzen" jarraitzen duelako, Globovision katean adierazi dutenez.
Venezuelako presidentearen, Nicolas Maduroren, ustez, epaia "historikoa" da eta "botere berezia eskaintzen du instituzionaltasuna eta bakea defendatzeko eta bere herrialdearen kontra egin nahi dituzten edozein eraso ukatzeko". Horrez gain, legegileak aberriari traizionatzeagatik eta delitu militarrengatik salatu ahal ditu. Bestalde, oposizioak uste duen arabera, immunitate parlamentarioa kentzea, mandatariari "botere inperiala" emango dio eta erabakiak "kudeaketaren demokrazia eza egiaztatzen du".
Asteazkenean publikatutako epai baten bitartez interpretazioa egin ondoren heldu da goi auzitegiaren erabakia. Horretan, Nicolas Maduro presidentearen Gobernuak enpresa mistoak egiteko eragozpenik ez duela iragarri zen. Horregatik, ez du Asanblea Nazionalaren babesa behar horretarako.
Epaian, Auzitegi Goreneko Areto Konstituzionalak, Parlamentuaren onespenik gabe enpresa mistoak sortzeko Gobernuari baimena ematearen erabakia berretsi du, gai horren "urgentziarengatik". "Omisio Inkonstituzional parlamentarioa" ere ebatzi du.
Hidrokarburoen Lege Organikoan oinarrituz Gobernuak enpresa mistoak sortzeko eragozpeni ez izatea eragiten du "Omisio Inkonstituzional parlamentario" honek, eta baita Exekutiboak Gorenari konstituzio horren egoera bereizleak eta baldintza guztien "berri eman" behar diola ere, "Errepublikaren alde aurreikusitako abantaila bereziak barne".
Venezuelako Parlamentuak Madurok "Estatu kolpea" eman duela salatu du
Oposizioaren kontrolpean dagoen Venezuelako Asanblea Nazionalak, Nicolas Maduro presidenteak "Estatu kolpea" eman duela salatu du.
"Estatu kolpe bat da, eta mundua eta komunikabideek letra guztiekin esatera gu laguntzea nahi dugu: Nicolas Madurok Estatu kolpea eman du Venezuelan", esan du Asanblea Nazionaleko presidenteak, Julio Borges opositoreak, Legegintza Jauregian egindako prentsaurrekoan.
Zure interesekoa izan daiteke
Liam Conejo haurra eta bere aita aske utzi dituzte eta Minneapolisen dira dagoeneko
Dilleyko zentrotik (San Antonioko hegoaldean, Texas) askatu dituzte aita-seme ekuadortarrak, Fred Biery epaile federalak larunbatean emandako agindua betez.
Drone errusiar batek 15 meatzari hil ditu Ukraina erdialdean
Energia sistemak helburu dituzten erasoak denbora baterako etenda egon beharko lirateke, AEBk, Errusiak eta Ukrainak adostutakoa betez gero. Muturreko hotza tarteko, ituna egin zuten hiru herrialde horiek, eta Kremlinaren arabera, gutxienez gaur arte iraun beharko luke meniak.
Rafahko pasabidea bihar zabalduko dute, Israelen arabera
Gazako Zerrenda eta Egipto lotzen dituen pasabidea gaur irekiko zutela iragarri arren, prozesuaz arduratzen den erakunde militarrak argitu du "atariko prestaketen fase pilotu bat" egiten ari direla, eta palestinarrak ezin direla oraindik bertatik igaro. 16.500 gazatarrek baino gehiagok premiazko osasun arreta behar dute, baina egunero 150 baino ezingo dira bertatik igaro.
Liam Conejo Ramos bost urteko haurra eta haren aita kartzelatik ateratzeko agindu du epaile batek
San Antonio Express-News egunkariak jasotzen duenez, datorren asteartean askatzea aurreikusten da.
Milaka israeldar eta 1948ko palestinar bildu dira Tel Aviven, hiri arabiarretan sufritzen duten indarkeria salatzeko
2025ean 252 arabiar israeldar hil zituzten komunitate arabiarretan, aurrekaririk gabeko zifra bat, hein batean, agintari eta polizia israeldarren pasibitatearen edo konplizitatearen ondorioz.
Milaka pertsona kalera atera dira Minneapolisen eta AEBko beste hiri batzuetan, ICEren eta Trumpen kontra
Astebete da agente federalek Alex Pretti erizaina tiroz hil zutela, eta orduan gertatu zen bezala, manifestazioez gain, greba deitu dute protesten deitzaileek. Bruce Springsteenek kontzertua eskaini du, eta irabazitakoa ICEk hildako herritarren familiei emango diela esan du.
Israelek 32 lagun, tartean 7 haur, hil ditu larunbat honetan Gazan
Israelgo Armadak Zerrendaren aurkako "eraso ugari" baieztatu ditu, eta Hamaseko eta Jihad Islamikoko lau "komandante eta beste terrorista batzuk" hil dituela esan du, eraso horiek non gertatu diren zehaztu gabe.
Aznar Epsteinen paperetan ageri da, pederastaren ordainketa baten eta bi paketeren hartzaile gisa
Argitaratutako azken dokumentuetan jasotzen denez, Epsteinek 1.050 dolar ordaindu zizkion Jose María Aznarren izenean bere bidaia-agenteari 2003ko urriaren 17an. Paketeei dagokienez, esplizituki bidali ziren presidente ohiaren izenean: lehenengoa, Moncloara, 2003ko irailean, eta bigarrena, FAES fundazioaren egoitzara, 2004ko maiatzean.
Delcy Rodriguezek amnistia orokorra proposatu du Venezuelan "zauriak sendatzeko"
Chavismoaren agintaldi osoari eragingo lioke, baina ez lituzke barkatuko hilketak, droga-trafikoa edo giza eskubideak urratzea egotzita zigortutako pertsonak.
Guterresek ohartarazi du Nazio Batuak "finantza-krisi" baten atarian daudela
Honako herrialde hauek dira zordun handienak: AEB, Txina, Errusia, Venezuela, Brasil, Argentina, Mexiko eta Iran. NBEk finantza-krisi larriari aurre egin behar dio, eta 1.570 milioi dolarreko marka ezarri du ordaindu gabeko zorretan.