Lau pertsona hil dituzte Stockholmen, atentatu batean
Gutxienez lau pertsona hil eta hamabost zauritu dira ostiral honetan, Stockholmen, Suediako hiriburuaren, oinezkoentzako kale batean kamioi batek harrapatuta, Suediako Poliziak jakitera eman duenez.
Harrapaketan zerikusirik duelkoan pertsona bat atxilotu dutela baieztatu du Poliziak, baina atxiloketaren inguruan ezin duela ezer gehiagorik esan adierazi du.
Suediako lehen ministroak, Stefan Löfvenek, azpimarratu duenez, "ekintza terrorista bat dela uste dute". "Suediari eraso egin diote", larritu da.
Ibilgailuaren jabeak, Spendrups garagardogileak, iragarri duenez, bertako jatetxe batean banaketa egiten ari zirenean lapurtu dute kamioia. Aftonbladet egunkariak aipatutako bozeramaile batek ezin izan du argi utzi lapur bakarra edo hainbat lapur izan diren, baina enpresaren gidaria zauritu ez dutela egiaztatu du.
Hainbat lekukok esan dutenez, kamioiak hainbat pertsona harrapatu ditu eta denda batean bete-betean jo du. Horren ondorioz, ibilgailuaren kabinak su hartu du. TT albiste-agentziak elkarrizketatu duen lekuko baten arabera, gertakaria jazo den lekuan hainbat zauritu artatzen ari dira eta hainbat "pertsona ikusi ditu manta batekin estalita".
Argazkia: EFE
Drottninggatanen jazo da harrapaketa, Stockolmeko erdiguneko denda gune batean. Bertako komunikabideek jakinarazi dutenez, Poliziak handik dabiltzan pertsonei ez gerturatzeko eskatu die, eta atentatu terrorista bat izan daitekeela esan du.
Suediako Poliziak Twitterren bidez, komunikatu labur batean eman du jakitera harrapaketa. Horretan, gertatutakoaren inguruko informazio gehiago biltzen ari dela esan du. Poliziak 14:53ean jaso du abisua, ibilgailu batek Stockolmeko erdiguneko Queen kaletik gertu hainbat pertsona harrapatu dituela esanez.
Poliziaren informazioaren arabera, metro eta aldirien zerbitzuak bertan behera utzi dituzte.
Suediako atentatuaren ustezko egilea. Argazkia: EFE
Zure interesekoa izan daiteke
Sozialistek irabazi dute Parisen
Aurrerakoiek hiri garrantzitsuenetan agintzen jarraituko dute, eta Nizan eskuin muturrak irabazi du.
Israelgo Armadak "eraso olde berri bat" iragarri du Libano hegoaldean
Israelgo Defentsa ministroak Libanoko Litani ibaiaren gaineko zubi guztiak "berehala" suntsitzeko agindu du. Gaur bertan, Qasmiyeh zubiari eraso diote (irudietan ikus daiteke). Israelgo Armadak, bestalde, "eraso olde berri bat" iragarri du, Hezbollah talde xiitaren "azpiegituren aurka", Libano hegoaldean.
Iranen aurkako gerrarekin bat egiteko eskatu dio mundu osoari Netanyahuk
Gideon Saar Atzerri ministroak Araden salatu duenez, Iranek gerrako krimenak egin ditu azken 24 orduetan bertan, "jomuga militarrik" ez duten gune zibilei eraso eginda.
Irango zentral elektrikoak suntsitzeko mehatxua egin du Trumpek, Teheranek Ormuzko itsasartea 48 orduko epean irekitzen ez badu
Iranek esan du itsasartea irekita dagoela AEBrentzat eta Israelentzat izan ezik, eta ohartarazi du azpiegitura energetikoei, gatza kentzeko plantei eta AEBk eskualdean dituen informazio-teknologien zentroei eraso egingo diela, mehatxua betetzen badu.
Iranek misilak jaurti ditu 4.000 kilometrora, Indiako ozeanoan dagoen base militar baten kontra
Batek ere ez du jo AEBk eta Erresuma Batuak bertan duten basea. Izan ere, batek hegan zihoala huts egin du, eta bestea AEBko Armadako ontzi batek geldiarazi du. Hala ere, erasoak kezka sortu du Iranek irismen handiko jaurtigaiak dituela erakutsi baitu.
Ekialde Hurbila gerraren laugarren astean sartu da, eraso artean eta Ormuzko itsasarteari begira
Israelek eta Iranek bonbardaketak areagotu dituzte, munduko energia garraioari buruzko ziurgabetasuna handitzen ari den bitartean. AEBk merkatua ireki dio, aldi baterako, Irango petrolio gordinari, eta ez du argitu Ormuzen esku hartuko duen ala ez.
Israelgo Poliziak gas negar-eragilea erabiliz sakabanatu ditu Al Aksa meskitara hurbildu diren palestinarrak
Meskita hori musulmanentzat hirugarren garrantzitsuena da. Israelek sarbidea mugatuta dauka 2023ko urriaren 7an Hamasek erasoak egin zituenetik, baina Irango gerra hasi zenetik blokeoa nabarmenagoa da; beraz, fededun asko Jerusalemgo Hiri Zaharreko harresitik kanpo elkartu dira ramadanaren amaierako otoitzak elkarrekin egiteko.
Iranek Turkiari eta Omani eraso egin izana ukatu du Khameneik, eta Israelen "bandera faltsuko operazioak" direla ziurtatu du
Irango buruzagi gorenak "harreman hobeak" izateko eskatu die Afganistani eta Pakistani "musulmanen zatiketa saihesteko", "herrialde anaiak" direlako, eta bitartekari izateko prest agertu da.
Ekialdi Hurbilean izandako azken erasoek petrolio azpiegiturak eta garraioa izan dituzte helburu
Azken orduetan ugaritu egin dira petrolio azpiegituren eta garraioen aurkako erasoak. Iranek eta Qatarrek partekatzen duten gas plantaren aurkako erasoa egin du Israelek. Iranek gogor erantzun du, misil oldea jaurtiz Bahrain, Saudi Arabia, AEB, Kuwait eta Jerusalem aldera.
EBk premiazko neurriak eskatu ditu Irango gerraren eragin ekonomikoa geldiarazteko
Europako buruzagiek energiaren prezioari buruzko berehalako neurriak eskatu dizkiote Batzordeari, eta gatazka arintzearen alde agertu dira; zenbait herrialde Ormuzko itsasartera laguntza bidaltzeko prest agertu dira.