Ipar Koreak misila jaurti du Japoniako lurraldearen gainetik
Ipar Koreak misil bat jaurti du astearte honetako lehen orduan (asteleheneko gauean, Euskal Herrian) eta Japoniaren gainetik igaro da; itsasoan erori baino lehen, Hokkaido japoniar uhartetik 1.180 kilometrora, ekialdean. Hokkaido herrialdeko bigarren uharterik handiena da.
Agintariek esan dutenez, misila hiru zatitan apurtu da, eta ozeano Barean jausi, Erimo lurmuturretik 1.180 bat kilometrora, NHK telebista-kate japoniarraren arabera.
Ipar Korearen proba berria larunbatekoaren ondotik dator. Orduan, helmen txikiko hiru misil jaurti zituzten Japoniako itsasoko uretara, eta "aurrekaririk gabeko mehatxua larria da segurtasun nazionalerako", baieztatu du Shinzo Abe Japoniako lehen ministroak.
2009tik Taepodong-2 izeneko misilak helmen handiko misila jaurti zutenetik, artxipelago japoniarraren gainetik igaro den Ipar Koreako lehen misila da.
Jaurtitako misilak 2.700 km baino gehiago egin ditu eta 550 km-ko altuera hartu du itsasoan talka egin baino lehen, Japoniako eta Hego Koreako gobernuen arabera.
Argazkia: EFE
NBEren eta Trumpen gaitzespena
Antonio Guterres NBEren idazkari nagusiak gaitzetsi egin du Ipar Korearen ekintza militarra, eta Piongiangi eskatu dio komunikazio bideak berriro irekitzeko.
"Jaurtiketak eskualdeko segurtasuna eta egonkortasuna eta elkarrizketarako espazioak sortzeko ahaleginak kaltetzen ditu", adierazi du Guterresek prentsa-ohar batean.
Bestalde, Donald Trump AEBko presidenteak berretsi du "aukera guztiak" daudela mahai gainean Ipar Koreari erantzuteko azken ekintzaren ostean.
Agintari estatubatuarraren esanetan, Piongiangek "bizilagunak, NBEko kide guztiak eta nazioarteko portaera onargarri minimoak mehatxatu ditu".
Era berean, aipatu ekintzak "Ipar Korearen isolamendua areagotu besterik ez" omen du egingo.
Hego Korearen eta Japoniaren erantzuna
NBEren organo nagusiaren bilera eskatzeaz gain, Hego Koreako Gobernuak lau F-15 borroka hegazkin mugiarazi ditu Piongiangen azken frogaren ondoren. Hegazkinok bonbak jaurti dituzte bi koreen artean dagoen gunean.
Hego Koreak, halaber, ohartarazi du Ipar Koreak zigorrak jasoko dituela armekin probak egiten jarraituz gero eta, gaineratu dutenez, NBEren Segurtasun Kontseiluaren ebazpenak urratu ditu berriz.
Bestalde, Shinzo Abe Japoniako lehen ministroak DOnald Trump presidente estatubatuarrarekin hitz egin du telefonoz, eta Piongiangi presio handiagoa sartzea adostu dute.
Argazkia: EFE
Zure interesekoa izan daiteke
Trumpek ez du bere ondorengoaz hitz egin nahi izan, eta nabarmendu du Vance eta Rubio "zoragarriak" direla
Donald Trump Ameriketako Estatu Batuetako presidenteak Etxe Zurian bere ordezkoari buruz ez du iritzirik eman nahi izan, eta JD Vancen eta Marco Rubioren lana goraipatu ditu.
AEBk eta Ukrainak produktibotzat jo dituzte Errusiarekin izan dituzten negoziazioak
Ukraina eta Errusiako ordezkariak Arabiar Emirerri Batuetako hiriburuan bildu dira, Estatu Batuetako ordezkariekin batera, gerrari amaiera ematea duen bigarren bilera sorta batean. Elkarrizketek ostegunean jarraituko dute.
21 palestinar hil ditu Israelek Gazan, tartean sei haur, gauez egindako erasoetan
Erasoen biktimetako bat Hussein Hassan Hussein Al Samiri da, Palestinako Ilargi Gorriko paramediko bat. Israelek atzo gauetik jaurtitako bonbardaketa ugarietako batetik zaurituak zeramatzala eraso diote. Su-etenaz geroztik Israelek egindako erasoen ondorioz hildako gazatarren kopurua 556ra igo da, horien artean 115 adingabe baino gehiago.
Trumpek eta Petrok bakeak egin dituzte, urtebetez irainka aritu ostean
Donald Trump AEBko presidenteak eta Gustavo Petro kolonbiar homologoak astearte honetan bakeak egin dituzte, tonu atsegineko bilera batekin, Etxe Zurian, desadostasunek eta irain gurutzatuek markatutako urte baten ondoren.
Elon Muskek eduki esplizitua sustatu zuen Grok AArekin, Xn erabiltzaileak irabazteko
Aktibo egon zen hamaika egunetan, Groken irudi sortzaileak hiru milioi irudi sexualizatu baino gehiago sortu zituen; horietatik 23.000k haurrak irudikatzen zituzten eta 1,8 milioik inguru, emakumeak. Elon Muskek xAIko langileei eskatu zien eduki esplizituarekin lan egiteko trebatzeko, sexuala barne, eta langileei ohartarazi zien "eduki sentikorra, bortitza, sexuala eta/edo beste eduki iraingarri edo asaldatzaileak" ikusteko prestatu zitezela, "estres psikologikoa" eragin ziezaiekeen eta.
Nobel Institutuak adierazi du Machadoren sariaren berri filtratu zela, baina ez du zehaztu nola
"Iragarpena egin baino ordu batzuk lehenago hainbat pertsonak dirutza jokatu zuten apustu-webguneetan, eta, hortaz, ziur esan dezakegu batzuk gai izan zirela iazko erabakiari buruzko informazioa legez kanpo eskuratzeko", adierazi du Institutuak ohar batean.
X sare sozialak Frantzian dituen lokalak miatu dituzte eta Elon Musk deitu dute galdeketa egiteko
Frantziako Fiskaltza X sare soziala (lehen, Twitter) ikertzen ari da, bere bulegoetan egindako miaketa baten ondoren, eta enpresaren jabea deklaratzera deitu du, duela urtebete irekitako ikerketaren ondorioz.
Ilargirako misio tripulatua martxora arte atzeratu da, gaurko probetan erregai-ihesa izan eta bertan behera utzi behar izan dutelako
"Misio historiko honi ekiteko prest gaudela uste dugunean egingo dugu jaurtiketa", esan du Jared Isaacman NASAren buruak, eta gaineratu du taldeak datuak "sakon" berrikusiko dituela, "atzemandako arazo guzti-guztiak konponduko" dituela, beharrezko konponketak egingo dituela eta berriz egingo dituela saiakerak.
Mikel Reparazek egungo egoera geopolitikoari buruz egindako dokumentala proiektatuko dute gaur Bilbon
EITBren nazioarteko arduradunak lehia geopolitikoaren eremu liskartsuenetan grabatutako bideoak ikusentzunezko lan batean bildu dituzte. Dokumentala BBK Aretoan izango da ikusgai, eta ondoren, solasaldia antolatu dute.
Mila eraikin baino gehiago berkuntzarik gabe geratu dira Kieven, Errusiak egindako bonbardaketa baten ondorioz, -20 gradurainoko tenperaturak direnean
Darnitsia eta Dniprovski auzoetako etxeak dira. Energia-instalazioen aurka Errusiak egindako lehen erasoa da, joan den ostegunean energiaren aurkako bonbardaketetan aldi baterako su-etena ezarri zuenetik.