Erresuma Batua
Gorde
Kendu nire zerrendatik
Edukia gorde nahi duzu?
Hasi saioa edukia gordetzeko eta Orain-en abantailak aprobetxatzeko.

'Brexit'a 2019ko martxoaren 30eko gauerdian gauzatuko da

Theresa Mayk gaur prentsan idatzi duen artikuluan eman du horren berri, Gobernuak prozesua burutzeko inolako zalantzarik ez duela erakusteko.
Theresa May, aste honetako ekitaldi batean. Argazkia: EFE.
author image

Agentziak | Erredakzioa

Azken eguneratzea

"Brexit"a, Erresuma Batua Europar Batasunetik irtetea, 2019ko martxoaren 30ean gauzatuko da, Hego Euskal Herrian gauerdia denean (2019ko martxoaren 29ko 23:00etan, Greenwich Meridianoko Ordua kontuan izanda), Theresa May Errsuma Batuko lehen ministroak gaur jakinarazi duenez.

"Brexit"aren gaineko lege-proiektua datorren astean eztabaidatuko dute Parlamentuan, eta, onartu ostean, Europar Batasunetik irtetea baimenduko du. Zehaztutako data lege-proiektu horretan alda liteke.

The Daily Telegraph egunkarian argitaratutako artikulu batean eman du horren berri lehen ministroak, Gobernuak prozesua burutzeko inolako zalantzarik ez duela erakusteko, horren arabera.

"Inork ez dezala zalantzarik izan gure erabakitasunaz, inork ez dezala zalantzan jar 'Brexit'a gauzatzeko gure asmoa", idatzi du lehen ministroak. Aurreko ekainean egindako hauteskundeetan, Mayk gehiengo osoa galdu zuen, eta horrek ahuldu egin du bere egoera.

"Data idatzita izango da, zuri-beltzez, lege honetako azalean. Erresuma Batua 2019ko martxoaren 29an irtengo da Europar Batasunetik, 23:00etan, GMT orduan (martxoaren 30eko gauerdian, Hego Euskal Herriko ordua kontuan harturik)", gehitu du.

Aldaketak egon litezke

Europar Batasunetik Irteeraren gaineko Lege Proiektuak bigarren irakurraldia gainditu du, eta datorren astean batzorde-fasean sartuko da. Oraindik aldaketak egin litezke fase horretan.

Mayk azaldu duenez, herritarren gehiengoak politikariak "elkartzea" nahi du, "Brexit"aren akordio ona negoziatzea helburu.

Halaber, lehen ministroa diputatuen proposamenak entzuteko prest agertu da, lege-proiektua hobetzeko, baina Parlamentuan egin beharreko ibilbidea ez duela inork etetea onartuko esan du: "Lege-proiektuaren aldaketa-prozesuan norbaitek herritarren borondate demokratikoa moteldu edo geldiarazi nahi izango balu, hori ez genuke onartuko", nabarmendu du.

Theresa Mayren esanetan, lege-proiektu hau guztiz funtsezkoa da "Brexit"a ordenatua izan dadin.

Londresen eta Bruselaren arteko negoziazioak seigarren txandan sartuta daude, eta oraingoz ez da aurrerapenik izan Erresuma Batua Europar Batasunetik irteteko prozesuari dagokionez. Horrek zalantza asko sortu ditu enpresetan eta Erresuma Batuan bizi diren Europar Batasuneko herritarrengan, lehen ministroak gaineratu duenez.

Mayk bi urteko trantsizioa proposatu du, 'Brexit'a gauzatu ostean
'Brexit'a gauzatzean Ipar Irlandarekin mugarik ez egotea proposatu du Mayk
Eskoziak ez du erreferendumik deituko, 'Brexit'aren prozesua amaitu arte
Mayk ez du 'europar bat bera ere' kanporatuko 'Brexit'aren ostean
Londresekin 'Brexit'a negoziatzeko baldintzak ezarri ditu EBk
‘Brexit’aren inguruko negoziaketak lehenbailehen hasi nahi ditu Europak
'Brexit'ari buruzko negoziazioak gogorrak izango direla iragarri du Mayk
Theresa Mayk 'brexit'a abiarazi du
Munduko albisteak Erresuma Batua Londres

Albiste gehiago mundua

GAZA (-), 20/06/2025.- Smoke rises in the background as internally displaced Palestinians gather on a beach at sunset in Gaza City, 20 June 2025. More than 55,700 Palestinians have been killed in the Gaza Strip, according to the Palestinian Ministry of Health, since Israel launched a military campaign in the strip in response to a cross-border attack led by the Palestinian militant group Hamas on 07 October 2023. EFE/EPA/HAITHAM IMAD
18:00 - 20:00
ZUZENEAN
Duela  min.

Israelek dozenaka gazatar hil ditu, tiroka, Gaza Hirian

Ostiralean, gutxienez 70 palestinar hil dira Israelek Gazako hainbat guneren aurka egindako erasoetan, Osasun Ministerioak eta Defentsa Zibilak egindako zenbaketaren arabera. Gutxienez 25 laguntza humanitarioa jasotzeko guneetara zihoazela hil dituzte, tiroka. 

Gehiago kargatu