Europako Batzordeak eta Erresuma Batuak 'brexit'aren oinarriak adostu dituzte
Jean Claude Juncker Europako Batzordeko presidenteak eta Theresa May lehen ministro britainiarrak brexit prozesuaren akordioaren oinarriak adostu dituzte gaur, ostiralean. Horrela, Londres eta Bruselaren arteko harremana zehazten hasi ahal izango dira, EBren buruzagiek hala adostekotan datorren astean.
"Batzordea pozik dago hiru esparru nagusietan aurrerapausoak izan direlako -hiritarren eskubideak, Irlanda eta ordaindu beharreko dirua-", esan du Gobernu europarrak, May eta Juncker bildu ostean.
Orain, "lehen fasean adostasun nahikoa dagoela ebatzi eta negoziazioak bigarren fasean hastea erabakitzea" eskatuko die Europako Batzordeak EB osatzen duten herrialdeen buruzagiei.
"Dibortzioaren gaineko hiru esparruetan aurrerapausoak eman direla Europako Kontseilari jakinaraztea erabaki du Europako Batzordeak, negoziazioaren bigarren fasea hasi ahal izateko", esan du Junckerrek.
Junckerrek gogorarazi duenez, orain, erabakia EBren liderren esku dago, eta Bruselan datorren ostegun eta ostiralean egitekoa den bileran ebatziko dute zer egin, baina ziur agertu da hartuko dutela.
Bestalde, Mayk ziurtatu duenez, ez da "muga zurruna" egongo Irlandako Errepublikako eta Ipar Irlanda probintzia britainiarraren artean, lortutako akordioagatik. "Ez da muga zurruna egongo, eta Belfasteko akordioa mantenduko dugu".
Gainera, Mayren esanetan, akordioa "justua da zergapeko britainiarrarentzat, eta horrek ahalbidetuko du etorkizunean gure lehentasun nazionaletan inbertitzeko aukera izatea".
Irlanda, pozik akordioarekin
Leo Varadkar Irlandako lehen ministroak ziurtatu duenez, Londresek eta Bruselak lortutako akordioak Gobernu irlandarrak egindako eskakizun guztiak bete ditu. Horien artean, berak ere nabarmendu du Ipar Irlandarekin muga ez balego bezala jarraituko dutela.
Adostutako testuaren arabera, uharte bereko bi jurisdikzioek ez dituzte lege ezberdinak izango, zentzu horretan, eta Ostiral Santuko bake akordioa (1998) babestuko da, azpimarratu du Varadkarrek.
Hala, azaldu duenez, saihestuko egingo dute muga zurrun bat ezartzea uhartean, eta Ipar Irlandako hiritarrek herritartasun irlandarra eta europarra izateko eskubidea izango dute, bake akordioak ezartzen duen moduan.
Leo Varadkar, lehen ministro irlandarra. Argazkia: EFE
Zure interesekoa izan daiteke
Arma nuklearren START III tratatua iraungi den egunean, eustearen aldeko jarrera agertu dute Errusiak eta AEBk
START III itunak arma nuklear estrategikoen kopurua mugatzen zuen, gehienez 1.550 buru nuklearretara eta 700 sistema balistikotara, bi potentzietako bakoitzerako, izan lurrean, itsasoan edo airean. Start III 2010eko apirilaren 8an sinatu zuten, Pragan, Dmitri Medvedev Errusiako eta Barack Obama AEBetako orduko presidenteek, eta 2021eko otsailean berritu zuten beste bost urterako eta gaur iraungi da.
Trumpek ez du bere ondorengoaz hitz egin nahi izan, eta nabarmendu du Vance eta Rubio "zoragarriak" direla
Donald Trump Ameriketako Estatu Batuetako presidenteak Etxe Zurian bere ordezkoari buruz ez du iritzirik eman nahi izan, eta JD Vancen eta Marco Rubioren lana goraipatu ditu.
AEBk eta Ukrainak produktibotzat jo dituzte Errusiarekin izan dituzten negoziazioak
Ukraina eta Errusiako ordezkariak Arabiar Emirerri Batuetako hiriburuan bildu dira, Estatu Batuetako ordezkariekin batera, gerrari amaiera ematea duen bigarren bilera sorta batean. Elkarrizketek ostegunean jarraituko dute.
21 palestinar hil ditu Israelek Gazan, tartean sei haur, gauez egindako erasoetan
Erasoen biktimetako bat Hussein Hassan Hussein Al Samiri da, Palestinako Ilargi Gorriko paramediko bat. Israelek atzo gauetik jaurtitako bonbardaketa ugarietako batetik zaurituak zeramatzala eraso diote. Su-etenaz geroztik Israelek egindako erasoen ondorioz hildako gazatarren kopurua 556ra igo da, horien artean 115 adingabe baino gehiago.
Trumpek eta Petrok bakeak egin dituzte, urtebetez irainka aritu ostean
Donald Trump AEBko presidenteak eta Gustavo Petro kolonbiar homologoak astearte honetan bakeak egin dituzte, tonu atsegineko bilera batekin, Etxe Zurian, desadostasunek eta irain gurutzatuek markatutako urte baten ondoren.
Elon Muskek eduki esplizitua sustatu zuen Grok AArekin, Xn erabiltzaileak irabazteko
Aktibo egon zen hamaika egunetan, Groken irudi sortzaileak hiru milioi irudi sexualizatu baino gehiago sortu zituen; horietatik 23.000k haurrak irudikatzen zituzten eta 1,8 milioik inguru, emakumeak. Elon Muskek xAIko langileei eskatu zien eduki esplizituarekin lan egiteko trebatzeko, sexuala barne, eta langileei ohartarazi zien "eduki sentikorra, bortitza, sexuala eta/edo beste eduki iraingarri edo asaldatzaileak" ikusteko prestatu zitezela, "estres psikologikoa" eragin ziezaiekeen eta.
Nobel Institutuak adierazi du Machadoren sariaren berri filtratu zela, baina ez du zehaztu nola
"Iragarpena egin baino ordu batzuk lehenago hainbat pertsonak dirutza jokatu zuten apustu-webguneetan, eta, hortaz, ziur esan dezakegu batzuk gai izan zirela iazko erabakiari buruzko informazioa legez kanpo eskuratzeko", adierazi du Institutuak ohar batean.
X sare sozialak Frantzian dituen lokalak miatu dituzte eta Elon Musk deitu dute galdeketa egiteko
Frantziako Fiskaltza X sare soziala (lehen, Twitter) ikertzen ari da, bere bulegoetan egindako miaketa baten ondoren, eta enpresaren jabea deklaratzera deitu du, duela urtebete irekitako ikerketaren ondorioz.
Ilargirako misio tripulatua martxora arte atzeratu da, gaurko probetan erregai-ihesa izan eta bertan behera utzi behar izan dutelako
"Misio historiko honi ekiteko prest gaudela uste dugunean egingo dugu jaurtiketa", esan du Jared Isaacman NASAren buruak, eta gaineratu du taldeak datuak "sakon" berrikusiko dituela, "atzemandako arazo guzti-guztiak konponduko" dituela, beharrezko konponketak egingo dituela eta berriz egingo dituela saiakerak.
Mikel Reparazek egungo egoera geopolitikoari buruz egindako dokumentala proiektatuko dute gaur Bilbon
EITBren nazioarteko arduradunak lehia geopolitikoaren eremu liskartsuenetan grabatutako bideoak ikusentzunezko lan batean bildu dituzte. Dokumentala BBK Aretoan izango da ikusgai, eta ondoren, solasaldia antolatu dute.