'Brexit'a 2019ko martxoaren 30eko gauerdian gauzatuko da
"Brexit"a, Erresuma Batua Europar Batasunetik irtetea, 2019ko martxoaren 30ean gauzatuko da, Hego Euskal Herrian gauerdia denean (2019ko martxoaren 29ko 23:00etan, Greenwich Meridianoko Ordua kontuan izanda), Theresa May Errsuma Batuko lehen ministroak gaur jakinarazi duenez.
"Brexit"aren gaineko lege-proiektua datorren astean eztabaidatuko dute Parlamentuan, eta, onartu ostean, Europar Batasunetik irtetea baimenduko du. Zehaztutako data lege-proiektu horretan alda liteke.
The Daily Telegraph egunkarian argitaratutako artikulu batean eman du horren berri lehen ministroak, Gobernuak prozesua burutzeko inolako zalantzarik ez duela erakusteko, horren arabera.
"Inork ez dezala zalantzarik izan gure erabakitasunaz, inork ez dezala zalantzan jar 'Brexit'a gauzatzeko gure asmoa", idatzi du lehen ministroak. Aurreko ekainean egindako hauteskundeetan, Mayk gehiengo osoa galdu zuen, eta horrek ahuldu egin du bere egoera.
"Data idatzita izango da, zuri-beltzez, lege honetako azalean. Erresuma Batua 2019ko martxoaren 29an irtengo da Europar Batasunetik, 23:00etan, GMT orduan (martxoaren 30eko gauerdian, Hego Euskal Herriko ordua kontuan harturik)", gehitu du.
Aldaketak egon litezke
Europar Batasunetik Irteeraren gaineko Lege Proiektuak bigarren irakurraldia gainditu du, eta datorren astean batzorde-fasean sartuko da. Oraindik aldaketak egin litezke fase horretan.
Mayk azaldu duenez, herritarren gehiengoak politikariak "elkartzea" nahi du, "Brexit"aren akordio ona negoziatzea helburu.
Halaber, lehen ministroa diputatuen proposamenak entzuteko prest agertu da, lege-proiektua hobetzeko, baina Parlamentuan egin beharreko ibilbidea ez duela inork etetea onartuko esan du: "Lege-proiektuaren aldaketa-prozesuan norbaitek herritarren borondate demokratikoa moteldu edo geldiarazi nahi izango balu, hori ez genuke onartuko", nabarmendu du.
Theresa Mayren esanetan, lege-proiektu hau guztiz funtsezkoa da "Brexit"a ordenatua izan dadin.
Londresen eta Bruselaren arteko negoziazioak seigarren txandan sartuta daude, eta oraingoz ez da aurrerapenik izan Erresuma Batua Europar Batasunetik irteteko prozesuari dagokionez. Horrek zalantza asko sortu ditu enpresetan eta Erresuma Batuan bizi diren Europar Batasuneko herritarrengan, lehen ministroak gaineratu duenez.
Zure interesekoa izan daiteke
SpaceXen kohete batek Ilargiaren kontra talka egin duela esan du NASAk, baina adierazi du ez duela arriskurik ekarriko
2025eko urtarrilean jaurtitako Falcon 9 kohete baten goiko zatiak, planifikatu gabe, talka egin du Ilargiaren gainazalarekin, eguzki-jardueraren eta grabitate-indarren konbinazio baten ondorioz.
Iranek eta Omanek Ormuzen nabigatzeko bide berri bat adostu dute
Itsasarteko bide berri hori egiteko akordioa lortu izanak ez du esan nahi berriro irekiko dutenik, Iranek zehaztu duenaren arabera, AEBren eta Israelen arteko erasoaldi militarraren ondorioz itxi baitzuten.
Marokok dozenaka pertsona auzipetu ditu Ceutako krisiarekin lotutako delituengatik
Marokoko Giza Eskubideen Elkartearen arabera, 34 pertsona auzipetu dituzte Tetuanen (tartean, bost adingabe) eta 52, Nadorren.
Danubiok bere sekretuak agerian utzi ditu lehortearen ondoren: mamut baten aztarnak eta nazien ontziak azalera atera dira
Danubio ibaiak, Europako bigarren luzeenak, lehorte historikoa bizi du, eta bere ur-emaria murriztu denez, iraganeko aztarna harrigarriak utzi ditu agerian: mamut baten aztarnak azaldu dira Bulgarian, eta Bigarren Mundu Gerran hondoratutako dozenaka ontzi ikusgai geratu dira Serbian.
Gutxienez 14 pertsona hil eta 27 zauritu dira Errusiak Kiev eskualdean gauez egindako erasoetan
Brovary barrutian "sute handiak" izan dira biltegi batzuetan, eta baita Velyka Dymerka, Kvitneve eta Peremoga herrietan ere. Astearte honetan, Volodimir Zelensky Ukrainako presidenteak Errusiaren aurkako operazio gehiago egitekotan zela iragarri osteko erantzun gisa egin ditu Moskuk azken erasoak.
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.