Saiatu arren, Trumpek ez du lortu berari buruzko liburu baten argitalpena eragoztea
Donald Trump AEBko presidentearen abokatuak berari eta bere mandatuari buruzko liburu baten argitalpena eragozten saiatu dira. Hala ere, saiakera ustela izan da eta gaur argitaratuko da Trumpen inguruko sekretuak kontatzen dituen Fire and Fury liburua.
AEBko hainbat hedabidek zabaldutako informazioaren arabera, liburua ez argitaratzeko eskatu die Charles Harder abokatuak egileari eta argitaletxeari. Pasa den asteazkenean, liburuaren zenbait zati argitaratu zituzten New York Magazine aldizkarian.
Hala ere, Henry Holt & Company argitaletxeak liburuarekin aurrera jarraitzea erabaki du eta gaurtik aurrera liburua salgai egongo da AEBko liburu-dendetan, CNN telebista kateak eta The Wall Street Journal egunkariak jakinarazi dutenez.
Trumpek bere aldetik, liburuan gezurrak, desitxuratuko informazioak eta existitzen ez diren iturriak aipatzen direla salatu du Twitterreko bere kontuan. Gaineratu duenez, inoiz ez du Michael Wolff liburuaren egilearekin hitz egin. Are gehiago, ez diola inoiz Etxe Zurira sartzeko baimenik eman ziurtatu du.
Liburua Etxe Zuriko hainbat goi-funtzionarioekin egindako elkarrizketatan oinarrituta dago. Fire and Fury liburuan kontatzen denaren arabera, Donald Trumpen helburua ez zen Hillary Clinton garaitzea eta Etxe Zurira heltzea, bere marka indartzea baizik. Ez hori bakarrik, Trumpek kargua hartu eta lehen hilabeteetan Etxe Zuriko langileenganako tratua erabat onartezina izan zela dio.
Trumpek iradoki duenez, liburuaren argitalpenaren helburua bere kudeaketa ekonomikoa estaltzea da.
Zure interesekoa izan daiteke
Iranek Turkiari eta Omani eraso egin izana ukatu du Khameneik, eta Israelen "bandera faltsuko operazioak" direla ziurtatu du
Irango buruzagi gorenak "harreman hobeak" izateko eskatu die Afganistani eta Pakistani, "herrialde anaiak" direlako, "musulmanen zatiketa saihesteko". Helburu horrekin, bitartekari izateko borondatea agertu du Khameneik.
Ekialdi Hurbilean izandako azken erasoek petrolio azpiegiturak eta garraioa izan dituzte helburu
Azken orduetan ugaritu egin dira petrolio azpiegituren eta garraioen aurkako erasoak. Iranek eta Qatarrek partekatzen duten gas plantaren aurkako erasoa egin du Israelek. Iranek gogor erantzun du, misil oldea jaurtiz Bahrain, Saudi Arabia, AEB, Kuwait eta Jerusalem aldera.
EBk premiazko neurriak eskatu ditu Irango gerraren eragin ekonomikoa geldiarazteko
Europako buruzagiek energiaren prezioari buruzko berehalako neurriak eskatu dizkiote Batzordeari, eta gatazka arintzearen alde agertu dira; zenbait herrialde Ormuzko itsasartera laguntza bidaltzeko prest agertu dira.
Emakume bat hil da Suitzako Alpeetan, bera zegoen teleferikoko kabina maldan behera erorita
Ezbeharra izan da asteazken honetan Titliseko eski estazioan, Suitzako erdialdean. Teleferikoa lokabe geratu da, eta maldan behera erori da. Hildakoa zen kabinako bidaiari bakarra. Suitzako Meteorologia Bulego Federalaren arabera, istripuaren unean 100 eta 130 km/h arteko haize-ufadak zeuden.
Txertoak agortu dira eta farmaziak gainezka daude Erresuma Batuan, meningitis-agerraldi baten ondorioz
Kezka zabaldu da Erresuma Batuan. Unibertsitate-ikasleak biltzen diren Canterburyko diskoteka batean hasi da agerraldia. Dagoeneko bi pertsona hil dira, eta gutxienez 20 kutsatu dira.
Petrolio-upelaren prezioa 113 dolarrera igo da, eta gasa % 30 garestitu, Qatarko energia-azpiegituren aurka abiatutako erasoen ondorioz
Ekialde Hurbileko gatazkak merkatuak astintzen jarraitzen du: Asiako burtsek behera egin dute gogor, eta Europakoetan eguna negatiboan hastea aurreikusten da, Europako Kontseiluaren bileraren zain.
Israelek eta Estatu Batuek eraso egin diote Iranek eta Qatarrek duten munduko gas aztarnategi handienari
Iranek ohartarazi du bere azpiegitura energetikoaren aurkako erasoek "ondorio kontrolaezinak" ekar ditzaketela, eta egoera are gehiago zaildu eta mundu osoari kalte egin diezaioketela.
Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"
Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste.
Irango zentral nuklear bati eraso egin diotela salatu du NBEk
Oraingoz, ez dute biktimen ezta kalteen berririk eman. Energia Atomikoaren Nazioarteko Erakundeak Ekialde Hurbileko gatazka baretzeko deia egin du, istripu nuklearrak gertatzeko arriskua saihesteko.
Iranek misilekin eraso egin du Tel Aviven aurka, Ali Larijaniren hilketaren mendeku gisa
Irango Guardia Iraultzailearen esanetan, "100 helburu militar eta segurtasun helburu baino gehiago" jo dituzte, erasoan Israelgo aireko defentsa sistemak gaindituta.