Cambridge Analyticak Mark Zuckerbergen datu pertsonalak eskuratu zituen
Mark Zuckerberg Facebooken sortzaile eta presidenteak asteazken honetan Ameriketako Estatu Batuetako Ordezkarien Ganberan egindako agerraldian onartu zuenez, Cambridge Analytica enpresak bere datu pertsonalak eskuratu zituen bere baimenik gabe. Cambridge Analytica enpresak Facebookeko 87 milioi erabiltzaileren datuetara sarbidea izan zuen.
Asteartean senatarien galderei erantzun ostean, atzo Ordezkarien Ganberan eman behar izan zituen azalpenak.
Zuckerbergek agerraldian azpimarratu zuenez, erabiltzaileek beren datuen erabateko kontrola dute. Hala ere, bere datu pertsonalak ere Cambridge Analytica enpresaren eskuetara iritsi zirela onartu zuen. Cambridge Analyticak Facebookeko informazioa baliatu zuen erabiltzaileen profil psikologikoak egiteko eta horien erabakietan eragina izaten saiatzeko.
Zehatz-mehatz esanda, Anna Eshoo demokratak Facebookeko sortzaileari galdetu zion ea bere informazio pertsonala "hirugarren bati" saldu zioten, eta baietz erantzun zion.
Zuckerbergek iragarri zuenez, Facebook dagoeneko hasi da datuen filtrazioagatik kaltetutako erabiltzaileei horren berri ematen, baina ez zuen zehaztu zenbat jakinarazpen bidali dituen. Guztira, datuen filtrazioak 87 milioi erabiltzaileri eragin omen die, eta gehienak Ameriketako Estatu Batuetakoak dira.
Facebooken sortzaile eta presidenteak barkamena eskatu zuen asteartean AEBko Senatuko Merkataritza eta Justizia batzordeen aurrean egindako agerraldian, Cambridge Analytica enpresak hartu eta manipulatutako datuen filtrazioagatik, eta bere "hanka-sartzea" izan zela onartu zuen. Erantzukizuna bere gain hartu zuen berriro, eta halakorik berriro ez gertatzeko eta "albiste faltsuak" ez zabaltzeko neurriak hartzen ari direla azpimarratu zuen.
Bestalde, bere enpresak Facebookeko zerbitzuak erabiltzen ez dituzten pertsonen informazioa biltzen duela onartu zuen, "segurtasun arrazoiak" argudiatuta.
Albiste gehiago mundua
Ukrainako Odesa hiriari eraso dio Errusiak, eta 29.000 etxebizitza argindarrik gabe utzi ditu
Halaber, azken 24 ordutan gutxienez hiru zibil hil eta beste sei zauritu ditu Donetsk eskualdearen aurka egindako erasoetan
Global Sumud Flotilla Bartzelonako portuan da, janari eta sendagaiekin Gazara abiatzeko prest
15:00etan aterako dira hogei ontzi inguru, gutxienez 44 herrialdetako ordezkariekin, lau euskal herritar tartean, genozidioa eta blokeoa salatzeko helburuarekin.
Arratsaldean abiatuko da Bartzelonatik Gazara janaria eta sendagaiak eramango dituen flotilla
15:00etan aterako dira hogei ontzi inguru, gutxienez 44 herrialdetako ordezkariekin, lau euskal herritar tartean, genozidioa eta blokeoa salatzeko helburuarekin. Albares ministroak ziurtatu duenez, Espainiako Gobernuak "babes diplomatiko eta kontsular osoa" eskainiko die Bartzelonatik Gazara abiatuko den ontzidi humanitarioan parte hartzen duten Espainiako herritarrei.
Israelek 100 gazatar baino gehiago hil ditu larunbatetik, eta Gaza hiria suntsitzen jarraitzen du
2023ko urriaren 7an Hamasek egindako erasoari erantzunez Israelek Gazan erasoaldia hasi zuenetik, 63.000 pertsona hil eta 159.000 baino gehiago zauritu ditu.
SCOren goi-bilera Txinan, Putinen eta Indiaren parte-hartzearekin
Errusiako presidenteak Shanghaiko Elkarlan Erakundearen goi-bileran hasiko du Txinara egingo duen lau eguneko bisita ofiziala. Hainbat urtetako liskarren eta tentsioaren ostean, Txina eta India "lagunak eta bizilagun onak" izan behar direla esan dio Xi Jinping Txinako presidenteak Narendra Modi Indiako lehen ministroari igande honetan.
Ehunka lagun joan dira Euskal Herritik Bartzelonara igande honetan Gazara abiatuko den flotillari babesa ematera
Bart gauean autobusak atera dira euskal hiriburuetatik Gazako Zerrendara janaria eta sendagaiak eramateko eta Israelen blokeoa eta genozidioa salatzeko abiatuko den flotillari babesa ematera.
Abbasek eta palestinar kargudunek NBEren Batzar Nagusian parte hartzeko debekua berriro aztertzeko eskatu dio EBk AEBri
NBEren goi bilera irailaren 9an abiatuko da New Yorken, eta eztabaida orokorra 23tik 27ra bitartean egingo da. Bestalde, Kaja Kallas Europako Batasuneko Kanpo Politikako buruak onartu du Israeli jarri ahal dizkioten zigorren inguruan EBko kideen artean ikusten den zatiketak sinesgarritasun galera eragin duela Europako herritarren aurrean.
Bi gizon atxilotu dituzte Indonesian, Espainiako emakume bat hil dutelakoan
Indonesian, uztailaren biaz geroztik desagertuta zegoen 72 urteko emakume espainiar bat hilda aurkitu zuen gaur bertako poliziak. Matilde Muñoz, jatorri galiziarra zuen emakumea, Lombok uhartean desagertu zen, eta hango hondartza batean aurkitu zuten gaur beren gorpua. Heriotzarekin lotuta bi pertsona atxilotu ditu poliziak, eta lapurreta eta hilketa leporatu dizkiete. Indonesiako Poliziak ziurtatu duenez, espainiarraren hilketa planifikatu zuten aitortu dituzten bi atxilotuek. Senggigi herrian bizi diren 34 eta 30 urteko bi gizon dira. Kontakizunaren arabera, Balitik gertu dagoen herri bateko hotel batean zegoen emakumea, lapurreta egin asmoz leihotik bere gelara sartu zirenean.
Palestinaren aldeko manifestazio jendetsua egin dute Veneziako Mostran
"Palestina libre" oihukatuz, Veneziako Mostraren inguruko kaleak hartu dituzte milaka lagunek arratsaldean. Palestinako banderak eta koloreak nonahi, eta genozidioa gelditzea eskatzeko pankarta ugari zeramatzatela, Israelek Gazan duen jokabidea salatzeko manifestazio jendetsua egin dute.
Israelek Yemengo huthien lehen ministroa hil du Sana hiriburuaren aurkako eraso batean
Israelgo Armadak ostegunean Sana hiriburuaren aurka egindako erasoan hil zen. Erasoaren unean Defentsa ministroa eta Estatu Nagusiko buruarekin bilera egiten ari zen, baina momentuz ez dute horien egoeraren berri eman.