Maduroren aurkako erasoaren egile guztiak identifikatu dituzte
Nicolas Maduro estatuburuaren aurkako erasoaren egile guztiak identifikatu dituztela iragarri du gaur Tarek Saab Venezuelako fiskal nagusiak. Atentatua iragan larunbatean gertatu zen, eta erasoaren erantzukizuna Juan Manuel Santos Kolonbiako presidenteari egotzi dio Madurok.
“Egile guztiak eta kolaboratzaileak identifikatu dituzte”, esan du Saabek prentsaurrekoan. Era berean, “magnizidio saiakeraren bezperan egileen ostatu izan zen tokia zehaztu dute”, adierazi du fiskalburuak.
“Lehergailuak armatu zituzten pertsonak” identifikatu dituztela gaineratu du fiskal nagusiak, “eta pertsona horien nazioarteko loturak zehaztu dira”, inolako izenik aipatu gabe.
Sei pertsona atxilotu dituzte Nicolas Maduro presidentearen aurkako atentatuan parte hartu dutelakoan, eta egile material zein intelektualak identifikatuta daude, Venezuelako Gobernuak atzo, igandea, jakinarazi zuenez. Atentatuan zazpi pertsona zauritu ziren, eta horietako hiru larri daude.
"Orain arte, sei terrorista eta sikario daude atxikita, hainbat ibilgailu konfiskatu, gure herrialdeko hiriburuko zenbait hoteletan miaketak egin, eta zantzu garrantzitsuak atzeman ditugu", esan zuen Nestor Reverol Barne ministroak VTV telebistan.
Maduro Guardia Nazional Bolivartarraren 81. urteurrena dela eta antolatutako ekitaldi batean parte hartzen ari zela, halako batean, "lehergailuak zeramatzaten droneak erabiliz" atentatua egin zuten haren aurka, baina ez zuten zauritu.
Presidentea hitz egiten ari zela egin zuten atentatua. Maduroren hitzaldia telebista eta irrati bidez ematen ari ziren une horretan, eta berak gidatzen duen gobernuak hartutako azken erabakiak azaltzen ari zen.
Venezuelako Barne ministroaren esanetan, ikerketari esker ondorioztatu dutenez, erasoa "terrorismo eta magnizidio saiakera" izan da.
"Argi dago terrorista eta sikario horiek maila igo dutela, indarkerian sakonduta", gaineratu zuen.
Madurok Juan Manuel Santos Kolonbiako presidenteari eta herrialde horretako zein Venezuelako "ultraeskuinari" egotzi die atentatuaren ardura.
Venezuelako militarrek, bestalde, "leialtasun mugagabea" agertu diote Madurori. Oposizioak, bere aldetik, "demokrazia" aldarrikatu du krisialditik ateratzeko.
Zure interesekoa izan daiteke
21 palestinar hil ditu Israelek Gazan, tartean sei haur, gauez egindako erasoetan
Erasoen biktimetako bat Hussein Hassan Hussein Al Samiri da, Palestinako Ilargi Gorriko paramediko bat. Israelek atzo gauetik jaurtitako bonbardaketa ugarietako batetik zaurituak zeramatzala eraso diote. Su-etenaz geroztik Israelek egindako erasoen ondorioz hildako gazatarren kopurua 556ra igo da, horien artean 115 adingabe baino gehiago.
Trumpek eta Petrok bakeak egin dituzte, urtebetez irainka aritu ostean
Donald Trump AEBko presidenteak eta Gustavo Petro kolonbiar homologoak astearte honetan bakeak egin dituzte, tonu atsegineko bilera batekin, Etxe Zurian, desadostasunek eta irain gurutzatuek markatutako urte baten ondoren.
Elon Muskek eduki esplizitua sustatu zuen Grok AArekin, Xn erabiltzaileak irabazteko
Aktibo egon zen hamaika egunetan, Groken irudi sortzaileak hiru milioi irudi sexualizatu baino gehiago sortu zituen; horietatik 23.000k haurrak irudikatzen zituzten eta 1,8 milioik inguru, emakumeak. Elon Muskek xAIko langileei eskatu zien eduki esplizituarekin lan egiteko trebatzeko, sexuala barne, eta langileei ohartarazi zien "eduki sentikorra, bortitza, sexuala eta/edo beste eduki iraingarri edo asaldatzaileak" ikusteko prestatu zitezela, "estres psikologikoa" eragin ziezaiekeen eta.
Nobel Institutuak adierazi du Machadoren sariaren berri filtratu zela, baina ez du zehaztu nola
"Iragarpena egin baino ordu batzuk lehenago hainbat pertsonak dirutza jokatu zuten apustu-webguneetan, eta, hortaz, ziur esan dezakegu batzuk gai izan zirela iazko erabakiari buruzko informazioa legez kanpo eskuratzeko", adierazi du Institutuak ohar batean.
X sare sozialak Frantzian dituen lokalak miatu dituzte eta Elon Musk deitu dute galdeketa egiteko
Frantziako Fiskaltza X sare soziala (lehen, Twitter) ikertzen ari da, bere bulegoetan egindako miaketa baten ondoren, eta enpresaren jabea deklaratzera deitu du, duela urtebete irekitako ikerketaren ondorioz.
Ilargirako misio tripulatua martxora arte atzeratu da, gaurko probetan erregai-ihesa izan eta bertan behera utzi behar izan dutelako
"Misio historiko honi ekiteko prest gaudela uste dugunean egingo dugu jaurtiketa", esan du Jared Isaacman NASAren buruak, eta gaineratu du taldeak datuak "sakon" berrikusiko dituela, "atzemandako arazo guzti-guztiak konponduko" dituela, beharrezko konponketak egingo dituela eta berriz egingo dituela saiakerak.
Mikel Reparazek egungo egoera geopolitikoari buruz egindako dokumentala proiektatuko dute gaur Bilbon
EITBren nazioarteko arduradunak lehia geopolitikoaren eremu liskartsuenetan grabatutako bideoak ikusentzunezko lan batean bildu dituzte. Dokumentala BBK Aretoan izango da ikusgai, eta ondoren, solasaldia antolatu dute.
Mila eraikin baino gehiago berkuntzarik gabe geratu dira Kieven, Errusiak egindako bonbardaketa baten ondorioz, -20 gradurainoko tenperaturak direnean
Darnitsia eta Dniprovski auzoetako etxeak dira. Energia-instalazioen aurka Errusiak egindako lehen erasoa da, joan den ostegunean energiaren aurkako bonbardaketetan aldi baterako su-etena ezarri zuenetik.
Petro eta Trump Etxe Zurian bilduko dira gaur, tentsioa baretzeko ahaleginean
Kolonbiako presidenteak kafez eta txokolatez betetako saskia eramango du AEBko presidentearekin egingo duen bilerara. Trumpek bilera "ona" izatea espero du, AEBk Maduro preso hartu zuenetik agintari kolonbiarra "oso atsegin" jokatzen ari dela esanda.
Libano hegoaldean "substantzia kimiko ezezagun bat" botatzea leporatu dio UNFILek Israeli
Nazio Batuen Libanoko Bitarteko Indarrak adierazi du kezkatuta dagoela kimiko horiek osasunerako kaltegarriak izan daitezkeelako, baita nekazaritza-lurretan eta zibilak beren etxeetara itzultzeko izan dezaketen eraginagatik ere.