EBk ez du akordiorik lortu eta 150 migratzaileek 'Diciotti' ontzian jarraitzen dute
Europar Batasuneko hamabi herrialdetako gobernuek bilera egin dute gaur Bruselan migrazioaren arazoari buruz, baina ez dute inolako akordiorik lortu Italiako Armadaren 'Diciotti' ontzian dauden 150 migratzaileei buruz. Horrenbestez, etorkinen ontzian jarraitzen dute, Italiako Gobernuak lehorreratzeko baimena noiz emango zain.
Europako Batzordeak deitutako bileran parte hartu duten herrialdeak hauek izan dira: Espainia, Italia, Frantzia, Alemania, Malta, Luxenburgo, Grezia, Herbehereak, Belgika, Austria, Portugal eta Irlanda.
Batzarraren helburua Mediterraneoan erreskatatu ohi dituzten migratzaileekin zer egin eta pertsona horiek Europar Batasuneko herrialde ezberdinetan banatzeko irizpideei buruz hitz egitea zen. Hau da, bileraren zioa ez zen 'Diciotti' ontziaren kasu zehatza eztabaidatzea, Italiako Gobernuak hala nahi bazuen ere.
Atzo, Luigi Di Maio Italiako Lan ministroak ohartarazpen argia egin zuen: Europar Batasuna finantzatzeari utziko zion Italiak, 'Diciotti' ontziarentzat konponbide bat eman ezean.
Europar Batasuneko iturriek esan dute ezinezkoa zela gaurko bileratik Italiak exijitutako soluzioa ateratzea, migrazioa bezalako gai zabal bati buruzko batzar informala egin dutelako. Hala ere, migratzaile horien banaketa ahalik eta azkarren hartzeko asmoa dutela zehaztu dute, "arrazoi humanitarioengatik".
Migratzaileak, gose-greban
Bien bitartean, Italiako Gobernuak migratzaileak lehorreratzeko baimena ukatzen segitzen du eta hainbat etorkinek gose-grebari ekin diote gaur, protesta gisa.
Migratzaileak abuztuaren 16an erreskatatu zituzten Mediterrraneoan eta orduz geroztik 'Diciotti' ontzian daude. Azken lau egunak Cataniako portuan egin dituzte, barkutik irten ezinik, Italiako Gobernuak lehorreratzeko baimena noiz emango zain.
Zure interesekoa izan daiteke
AEBk eta Iranek bi asteko su-etena adostu dute, Ormuzen irekiera bermatu ostean
Pakistanen bitartekaritzak su-eten akordio bat ixtea ahalbidetu du. Akordioa berehala sartuko da indarrean eta Islamabadeko bake negoziazioei ateak irekiko dizkie.
Irandarrek giza-kateak osatu dituzte zentral elektriko eta zubietan, Trumpen mehatxuen aurrean
Donald Trump AEBko presidenteak Ormuzeko itsasartea irekitzeko emandako epea amaitu baino ordu batzuk lehenago, Irango herritarrak kalera irten dira eta giza-kateak osatu dituzte zentral elektriko eta zubietan. Irango banderak, erresistentziarako deia egiten duten kartelak edota liderren argazkiak hartuta, azpiegitura publikoak erasotzea gerra-krimena dela salatu dute.
Trumpen azken mehatxua: "Gaur gauean zibilizazio oso bat hilko da"
Irani emandako ultimatuma amaitzeko ordu gutxiren faltan, agintari estatubatuarrak iragarri du gaur "munduaren historia luze eta konplexuko unerik garrantzitsuenetako bat" biziko dela.
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.