Cristina Fernandez Argentinako presidente ohia auzipetu dute, eroskeriagatik
Epaile batek Cristina Fernandez Argentinako presidente ohia auzipetu du, 2003tik 2015era arteko agintaldietan kontratu publikoak ematearen truke enpresariengatik dirutza jasotzea egotzita.
Halaber, epaileak Fernandez eta haren gobernuko beste zenbait kide kartzelan sartzeko agindua eman du, prebentziozko neurri gisa. Alabaina, oraingoz ez dute atxilotuko, senataria delako eta immunitatea daukalako. Senatuaren bi herenaren botoak beharrezkoak dira Fernandezek forupeko izateari uzteko eta, ondorioz, atxilotua eta espetxeratua izateko.
Claudio Bonadio magistratuak eroskeria sare bat osatzea leporatzen die Fernandezi, haren gobernuko zenbait kideri eta hainbat enpresariri. Kontratu publikoak lortzeko, enpresari horiek diru kantitate handiak ordaindu zituztela uste du epaileak.
Enpresari horietako bat Angelo Calcaterra da, Mauricio Macri egungo presidente argentinarraren lehengusua. Nestor Kirchnerren nahiz Cristina Fernandezen hauteskunde-kanpainak finantzatzeko legez kanpoko ordainketak egin izana aitortu du, baina presiopean egin zuela erantsi du.
Eskandalua joan den abuztuan eman zen argitara, eta orduz geroztik, auzipetutako hainbat enpresarik eta politikarik "damua" agertu dute eta Justiziarekin kolaboratzeko prest azaldu dira, balizko zigorrak arintzeko asmoz. Guztiek onartu dute eroskeria sare bat egon zela eta Fernandezek nahiz haren alargunak, Nestor Kirchner presidente ohiak, parte hartu zutela.
Epaileak egindako ikerketaren arabera, agintean egon ziren urteetan, Kirchner, Fernandez eta Julio de Vido lan publikoen alorreko ministroa izan ziren eroskeria sare horretako "benetako onuradunak".
Zure interesekoa izan daiteke
Israelek eta Estatu Batuek eraso egin diote Iranek eta Qatarrek partekatzen duten munduko gas aztarnategi handienari
Iranek ohartarazi du bere azpiegitura energetikoaren aurkako erasoek "ondorio kontrolaezinak" ekar ditzaketela, egoera are gehiago zailduko dutenak eta mundu guztiari eragin diezaioketenak.
Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"
Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste.
Irango zentral nuklear bati eraso egin diotela salatu du NBEk
Oraingoz, ez dute biktimen ezta kalteen berririk eman. Energia Atomikoaren Nazioarteko Erakundeak Ekialde Hurbileko gatazka baretzeko deia egin du, istripu nuklearrak gertatzeko arriskua saihesteko.
Iranek misilekin eraso egin du Tel Aviven aurka, Ali Larijaniren hilketaren mendeku gisa
Irango Guardia Iraultzailearen esanetan, "100 helburu militar eta segurtasun helburu baino gehiago" jo dituzte, erasoan Israelgo aireko defentsa sistemak gaindituta.
Iranek baieztatu du Ali Larijani Segurtasun Nazionaleko Kontseilu Goreneko idazkaria hil duela Israelek
Martxoaren hasieran Khamenei aiatola hil zutenetik, Larijani Irango buruzagi garrantzitsuenetakoa zen. Halaber, eraso berean Golamreza Soleimani Basij indar paramilitarreko buruzagia hil dutela baieztatu du Irango Guardia Iraultzaileak. Hilketa horien aurrean, Irango agintari politiko eta militarrek "mendekua" agindu dute.
Espainiak euskara, katalana eta galegoa Europar Batasunean hizkuntza ofizialak izan daitezen nahi du
Fernando Sampedro EBko Estatu idazkariak esan du presioa egiten jarraituko dutela, nahiz eta gaiak bederatzi hilabete daramatzan Ministerioaren agendatik kanpo.
Israelgo Armadak iragarri du "eskala handiko" beste erasoaldi bat egingo duela Teheranen aurka
Israel Katz Defentsa ministroak iragarri duenez, Ali Larijani Irango Segurtasun Nazionaleko agintaria hil dute.
Trumpek esan du "ohore handia" izango litzatekeela "Kuba hartzea"
Bere Administrazioa Kubako agintariekin hitz egiten ari dela errepikatu du agintariak, eta irla "porrot egindako nazio bat" dela azaldu du. "Ez dute dirurik, ez dute petroliorik, ez dute ezer".
Beste ontzi bati eraso egin diote Ormuztik gertu, Erresuma Batuko itsas agentziak jakinarazi duenez
Bestalde, AEBko Armadak baieztatu duenez, Irango "7.000 objektibo baino gehiago" jo ditu, eta ehun ontzi baino gehiago "kaltetu edo suntsitu" ditu, otsailaren 28an Israelekin batera erasoaldia hasi zuenetik.
EBk uko egin dio Ormuzera aktibo militarrak bidaltzeari, berea ez den gerra bat delako
Nazioarteko bazkideek itsasartea desblokeatuko duen hedapen militar batean parte hartzeko ideia berretsi du Trumpek.