Cristina Fernandezen etxeak miatzeko baimena eman dio Argentinako Senatuak Justiziari
Cristina Fernandez de Kirchner presidente ohiak Buenos Aires hiriburuan eta Argentina hegoaldean dituen etxeak miatzeko baimena aho batez eman dio Argentinako Senatuak Claudio Bonadio epaileari.
2007 eta 2015 bitartean izan zen presidente, eta ustelkeriarekin lotutako hainbat auzitan auzipetuta dago, besteak beste, obra publikoen esleipenetan ustez egindako irregulartasunengatik.
Cristina Fernandez foruduna denez, Argentinako Justiziak haren aurka har dezakeen edozein neurrik Argentinako Senatuaren oniritzia behar du.
Estatuko buruzagi ohia bere etxeetan miaketak egiten uzteko prest agertu zen asteartean, ustezko eroskeria kasuaren inguruan sortutako "ikuskizuna" amaitzea nahi zuela esan zienean bere alderdikideei.
"Ez dut inolako arazorik Bonadio epaileak egindako eskaera baimentzeko", esan zuen Fernandezek senatariei igorritako gutun ireki batean.
Alabaina, Fernandezek baldintza batzuk jarri ditu miaketa horiek baimentzeko. Besteak beste, kamerarik ez erabiltzeko eskatu dio epaileari, etorkizunean irudi horiek "umiliatzeko eta zirikatzeko asmoarekin" erabil ez ditzaten. Halaber, miaketak egiten dituzten unean bere abokatuak eta senatariren bat bertan izatea eskatu du.
Gainera, Buenos Aires hiriburuan eta Argentina hegoaldean dituen etxeetan sartzen direnean, "ezer ez apurtzeko" eskatu dio Bonadiori, eta hormak edo sabaiak eskaneatu nahi izanez gero, horretarako behar dituzten tresna guztiak eramateko esan dio.
Azkenik, bere "objektu pertsonal guztiak" babesteko deia egin dio epaileari. "Urrezko lingoteak, milioika dolar edota harri bitxiak dituzten poltsak aurkitzen badituzte, bertatik eraman ditzakete, baina argi dago eraztun bat edo lepoko bat egunerokoan erabiltzen ditudan objektu pertsonalak direla", esan du presidente ohiak, ironia erabiliz.
Zure interesekoa izan daiteke
Netanyahuk eta Merzek lankidetza militarraz eta teknologikoaz hitz egin dute gaurko batzarrean
Israelgo lehen ministroak Alemaniak Israelekiko duen jarrera goraipatu du, eta herrialdea "Israelen defentsarekin konprometituta" dagoela esan du.
Gutxienez 25 pertsona hil dira diskoteka batean izandako sutean, Indian
Sutea Goa estatuko Arpora udalerriko eremu turistiko batean gertatu da. Poliziak ikerketa abiatu du gertatutakoa argitzeko.
Ehun bat lagun kalera atera dira Bilbon Maduroren kontra eta Machadoren alde
Mundu osoko 130 hiritan protestak deitu dituzte Venezuelako Gobernuaren aurka, eta asteazkenean Bakearen Nobel saria oposizioaren ordezkariari emango diotela ospatzeko.
Lau ekintzaile atxilotu dituzte Londresko Dorreko bitxien aurka janaria jaurtitzeagatik
Ekintza horrekin, Erresuma Batua “muturreko aberastasuna zergapetu eta konpontzeko” herritarren batzar bat ezartzeko eskatu nahi izan dio Take Back Power taldeak Erresuma Batuko Gobernuari. Sare sozialetan zabaldu dituzte horren irudiak, eta aretoa itxi dute, kalteak ikertu arte.
Migrazio politikak Europako zibilizazioa "ezabatzen" ari direla esan du Trumpek
Segurtasun Nazionalari buruzko txosten batean, bere egin ditu Europako eskuin-muturreko mugimenduen diskurtsoak.
Alemaniako Parlamentuak argi berdea eman dio soldadutzaren lege berriari
Legearen zirriborroan jasotakoaren arabera, nahitaezko errekrutamendua aktibatuko da, egoerak hala eskatzen badu eta nahikoa boluntario erakartzea lortzen ez bada.
Israelek 366 palestinar hil ditu su-etena indarrean sartu zenetik
Israelgo armadak palestinarrei tiro egiten jarraitzen du "lerro horia" deituriko mugatik, gehiegi hurbiltzen direla argudiatuz. Herritar gehienek ez dituzte muga horiek ezagutzen.
AEB eta Txina, Hego Pazifikoko uharteak kontrolatzeko lehia bizian. Zergatik?
Ozeano Barea Asia eta Amerika arteko itsaso handi-handia da. Han zehar itsasbideak, urpeko kableak eta era guztietako merkataritza trafikoa daude, etengabe. Horregatik, bide horiek bereganatu nahi dituzten potentziek ezinbestekoa dute ozeano erraldoi horretan dauden irlak kontrolatzea, base logistikoak, eta, kasu askotan, militarrak direlako. Hain zuzen, Estatu Batuek eta Txinak Pazifikoko 14 herrialde horiek kontrolatzeko sokatiran ari dira. Papua Ginea Berria milioi bat biztanle duen uharte bakarra da; txikiena, Niuee izeneko uhartea, ez da 2.000 biztanlera ere iristen. 14 horietatik 11 Txinarekin daude lerratuta. Hiruk baino ez dute Taiwanen subiranotasuna aitortzen. Batzuek, Papua Ginea Berria kasu, Estatu Batuekiko segurtasun akordioei eusten diete, beste batzuek, ordea, Txinarekin defentsa akordioak sinatu dituzte. Horren adibide da Salomon Uhartea. Mikel Reparaz, EITBren nazioarteko burua, han izan da.
Epsteinen uharte pribatuko irudi argitaragabeak, hemen
Estatu Batuetako Ordezkarien Ganberako demokratek Jeffrey Epstein pederastaren Birjina uharteetako irla pribatuko argazki eta bideo argitaragabeak kaleratu dituzte. Irudietan etxeko logelak eta komunak agertzen dira, baita dentista-aulki bat duen gela bat ere, hormetan maskarak eskegita dituela. "Pedofiliaren uhartea" 90eko hamarkadan erosi zuen Epsteinek, eta egoitza pribatu gisa erabiltzen zuen.
Madurok konfirmatu egin du Trumpekin hitz egin duela: "Azkenaldian, askotan nabil ingelesez hitz egiten"
Nicolas Maduro Venezuelako presidenteak baieztatu egin du Donald Trump AEBko gobernuburuarekin hitz egin duela, herrialde horrek Kariben duen hedapen militarrak eragindako tentsioen eta nazio pretroliogilearen aire-konektibitatearen krisiaren erdian. Maduroren arabera, Etxe Zuria Miraflores jauregiarekin harremanetan jarri zen duela "hamar bat egun"; azaroaren 23an beharbada, baina ez du data zehatzik eman.