Jamal Khashoggi kazetariaren heriotza baieztatu du Saudi Arabiak
Jamal Khashoggi kazetaria hilda dagoela baieztatu du gaur Saudi Arabiak. Fiskaltzak zabaldutako informazioaren arabera, Saudi Arabiak Istanbulen duen kontsulatuan hil zen kazetari saudiarabiarra, "hainbat pertsonekin izandako liskar baten ondorioz". Ez dute gertaerari buruzko datu gehiago jakinarazi.
Urriaren 2an ikusi zuten azkenekoz Khashoggi, aipatutako kontsulatuan sartzen, dokumentazioa berritzeko asmoz. Bere emaztegaia kanpoan geratu zen, zain, baina ez zen inoiz atera. The Whasington Posteko zutabegilea zen, eta bere artikuluetan oso kritiko agertu izan zen beti Saudi Arabiako monarkiarekin.
Orain arte Saudi Arabiak ukatu egin izan du Khashoggiren desagerketarekin zerikusirik eduki izana, eta hasiera batean kontsulatutik irten egin zela ere esan zuen. Orain, baina, Saudi Arabiak Turkian duen kontsulatu barruan hil zela aitortu du.
Turkiako Fiskaltzak jakitera eman dutenez, 18 pertsona atxilotu dituzte behin-behinean, eta ikerketak aurrera jarraitzen du. "Egia osoa argituko" dutela eta "kasu honetan nahastutako guztiak justiziaren aurrera eramango" dituztela gaineratu du Fiskaltzak.
Urriaren 2an desagertu zenetik, Turkiako hainbat komunikabidek filtrazioak argitaratu dituzte. Horiek hasieratik argitaratu dute Khashoggi hil egin zutela, eta horretarako, Mohamed bin Salman printze oinordekoaren inguko hainbat pertsona joan zirela Istanbulera.
Donald Trump AEBetako presidenteak "sinesgarri" jo du Arabia Saudik eman duen bertsioa, eta 18 lagun atxilotu izana "lehen pauso ona" dela esan du.
Estatu Batuetako presidenteak ez du uste buruzagi saudiek gezurrik esan diotenik azken egunotan, eta horregatik, Saudi Arabiari zigorren bat jartzen bazaio "nahiago lukeela" arma-kontratutak ez etetea esan du.
Albiste gehiago mundua
Paristarrak eta turistak Sena ibaian bainatzen hasi dira berriro
Mende bat geroago, paristarrak eta turistak Sena ibaian bainatzen hasi dira, berriro, Eiffel dorretik gertu. Uztailaren 5a eta abuztuaren 31 bitartean izango da bertan bainatzeko aukera, eta hiru gune egokitu dituzte horretarako: hirigune historikoaren parean (udaletxe ondoan), mendebaldean Eiffel dorrera begira eta hego-ekialdean, Bercyn. Parisko Olinpiar Jokoak eta Paralinpiar Jokoak izan eta urtebetera heldu da albistea, duela urtebete, hainbat gorabeheraren ondorioz, uraren kalitatea zalantzan jarri ostean.
Uholdeek gutxienez 25 hildako eta dozenaka desagertu utzi dituzte Texasen
Guadalupe ibaiak gainez egin du, Texas erdigune-hegoaldean, eta 25 heriotzaz gain, ugari dira desagertutako pertsonak, neskentzako udaleko kristau batean parte hartzen ari ziren 23 adingabe tartean. Hondamendia handia da Bandera, Cope, Comal, Concho, Gillespie, Kendall, Kerr, Kimble, Llano, Mason, McCullouch, Menard, San Saba eta Tom Green eskualdeetan.
Hamasek erantzun "positiboa" eman dio AEBren Gazarako su-eten proposamenari
"Hamasen erantzuna positiboa da, eta uste dut lagungarria izan beharko litzatekeela akordio batera iristeko", adierazi du Reutersek aipatutako ofizial palestinar batek. Donald Trumpen proposamenak 60 eguneko su-etena planteatzen du, 21 hilabetean Israelek 57.200 palestinar hil ostean.
Ukrainaren aireko gaitasunak indartzeko akordioa itxi du Zelenskik Trumpekin, AEBk Patriot misilen bidalketa bertan behera utzi ostean
"Elkarrekin lan egingo dugu gure zeruaren babesa indartzeko", esan du Ukrainako presidenteak AEBkoarekin telefonoz hitz egin ostean.
45 pertsona zauritu dira, horietako bi larri, Erromako gasolindegi batean izandako leherketan
Eztanda Casilino inguruan izan da, zisterna-kamioi batetik petrolio-gas likidotua deskargatzen ari zirenean. Italiako agintariek zehaztu dutenez, zaurituak 24 zibil, hamaika polizia, sei suhiltzaile, larrialdietako hiru langile eta karabinero bat dira.
Ipar Koreak Wonsan hiriko gune turistiko erraldoia inauguratu du
Kim Jong-un liderrak Asiako herrialde hermetikoan turismoa sustatzeko hainbat urtez bultzatutako funtsezko proiektua da. Uztailaren 1ean ateak ireki zituen gune turistikoak 20.000 bisitari hartzeko gaitasuna du.
Hamasek gaur erantzungo dio Gazarako su-eten proposamenari
Erresistentzia Islamikorako Mugimendua "pozik" agertu da Gazarako azken su-eten proposamenarekin, besteak beste, negoziazioek irauten duten bitartean borrokara ez itzultzeko "bermeak" jasotzen dituelakoan.
AEBko kongresuak Trumpen zerga-plan "handi eta ederra" onartu du
Zerga-plan berriak azken urteetako zerga-murrizketarik handienetakoa egingo du AEBn. Gizarte-programetan murrizketa handiak aurreikusten ditu, eta defizit federala nabarmen handituko da hurrengo hamarkadan.
Iranek IAEAren ikuskapenak eragotziko ditu, Israelek eta AEBk bere instalazio nuklearren aurka egindako erasoen ostean
Erabakia Teheranek NBEren agentziari Israelek eta AEBek bere instalazio atomiko nagusien aurka egindako erasoak "bultzatu" izana egotzi ostean etorri da. Adituen arabera, neurria eraso israeldarrek eta estatubatuarrek utzitako ondorio garrantzitsuena da.
Gazako genozidioa negozio biribila da herrialde askotako enpresentzat, NBEren txosten batek erakusten duenez
Francesca Albanesek armen, teknilogiaren, azpiegituren eta turismoaren industroako 50 bat konpainia aztertu ditu. Israelen okupazio-politikei etekina ateratzen dieten enpresen zerrendan CAF euskal enpresa dago.