Erresuma Batuak eta Europak 'brexit'aren osteko harreman politikoa adostu dute
Europar Batasunak (EB) eta Erresuma Batuak brexita gauzatu ostean izan beharko luketen harreman politikoa zehazten duen zirriborroa adostu dute ostegun honetan. Ekonomiari dagokionez, merkataritza arloan “anbizio handiko harremana” izan nahi dute, “zabala, sakona eta malgua”.
Halaber, erabakiak hartzeko orduan, Europar Batasunaren “askatasuna” bermatuta egon behar da, eta bien arteko harremana bi aldeek adostutako aduana batasunarekin eta merkatu bakarrarekin bat etorri behar da, Erresuma Batuaren burujabetza eta 2016ko erreferendumaren osteko erabakia beti ere errespetatuz.
Europar Batasunak eta Erresuma Batuak adostutako dokumentu horren arabera, bi aldeek “anbizio handiko harremana” izan behar dute, “irismenari eta sakontasunari dagokienez”. Dena dela, denboran zehar aldaketak egon daitezkeela aitortu dute Europak eta Erresuma Batuak.
“Ondasunak mugaz bestalde arazorik gabe garraiatu ahal izateko, merkataritza libreko eremu baten sorrera aurreikusten dute bi aldeek”, dio zirriborroak. Hala, aduana gaineko araudia ezartzeko orduan elkarrekin arituko dira bi aldeak.
Gauzak horrela, “herritarrei muga-zergak, tarifak edo bestelako trabak ez aplikatzea bermatu beharko luke akordio ekonomikoak”.
Halaber, 2019ko martxoaren 29an brexita gauzatu ostean, “emandako urratsak ikusi eta erronka berriak zehazteko goi-bilerak” egingo dituzte Erresuma Batuak eta Europar Batasunak; “urtean bi aldiz, gutxienez”.
Donald Tusk Europar Kontseiluaren presidenteak ostegun goizean jakinarazi du bi aldeetako ordezkariek brexita gauzatu ostean izan beharko luketen harreman politikoaren inguruko zirriborroa adostu dutela.
“Europar Batasunaren eta Erresuma Batuaren harreman politikoa zehazten duen zirriborro bat bidali berri diet EBko 27 estatu kideetako ordezkariei. Negoziatzaile gisa lortu dute akordioa, eta maila politikoan adostu dute”, azaldu du Tuskek bere Twitter kontuan idatzitako mezu batean.
Dena dela, bi aldeek hitzartu duten adierazpen politiko horretan ez dute Gibraltarri buruzko aipamenik egin. Igande honetako goi-bileran brexitaren akordioa babesteko ezinbesteko baldintzatzat jarri zuen hori Espainiako Gobernuak. Dena dela, Europar Batasuneko herrialde batzuk babesa adierazi diote Espainiari, eta irtenbide bat bilatuko dutela ziurtatu dute.
Gauzak horrela, igande honetako goi-bileran bi testu onartuko dira: brexiterako akordioa eta gaur adostutako adierazpen politikoa.
Zure interesekoa izan daiteke
Preso politikoentzako amnistia legea onartzeko lehen pausoa eman du Venezuelako Parlamentuak
Delcy Rodriguez presidente arduradunak bultzatutako eta ostegunean lehen bozketan onartutako proiektuak 1999tik preso politikoak hartzen ditu barne -chavismoa boterera iritsi zenetik honakoak-, eta giza eskubideen urraketa larriengatik auzipetuak edo zigortuak daudenak kanpo uzten ditu. Orain kontsulta prozesua zabalduko da eta, ondoren, bigarren eztabaida batean onartu beharko da.
Arma nuklearren START III tratatua iraungi den egunean, eustearen aldeko jarrera agertu dute Errusiak eta AEBk
START III itunak arma nuklear estrategikoen kopurua mugatzen zuen, gehienez 1.550 buru nuklearretara eta 700 sistema balistikotara, bi potentzietako bakoitzerako, izan lurrean, itsasoan edo airean. Start III 2010eko apirilaren 8an sinatu zuten, Pragan, Dmitri Medvedev Errusiako eta Barack Obama AEBetako orduko presidenteek, eta 2021eko otsailean berritu zuten beste bost urterako eta gaur iraungi da.
Trumpek ez du bere ondorengoaz hitz egin nahi izan, eta nabarmendu du Vance eta Rubio "zoragarriak" direla
Donald Trump Ameriketako Estatu Batuetako presidenteak Etxe Zurian bere ordezkoari buruz ez du iritzirik eman nahi izan, eta JD Vancen eta Marco Rubioren lana goraipatu ditu.
AEBk eta Ukrainak produktibotzat jo dituzte Errusiarekin izan dituzten negoziazioak
Ukraina eta Errusiako ordezkariak Arabiar Emirerri Batuetako hiriburuan bildu dira, Estatu Batuetako ordezkariekin batera, gerrari amaiera ematea duen bigarren bilera sorta batean. Elkarrizketek ostegunean jarraituko dute.
21 palestinar hil ditu Israelek Gazan, tartean sei haur, gauez egindako erasoetan
Erasoen biktimetako bat Hussein Hassan Hussein Al Samiri da, Palestinako Ilargi Gorriko paramediko bat. Israelek atzo gauetik jaurtitako bonbardaketa ugarietako batetik zaurituak zeramatzala eraso diote. Su-etenaz geroztik Israelek egindako erasoen ondorioz hildako gazatarren kopurua 556ra igo da, horien artean 115 adingabe baino gehiago.
Trumpek eta Petrok bakeak egin dituzte, urtebetez irainka aritu ostean
Donald Trump AEBko presidenteak eta Gustavo Petro kolonbiar homologoak astearte honetan bakeak egin dituzte, tonu atsegineko bilera batekin, Etxe Zurian, desadostasunek eta irain gurutzatuek markatutako urte baten ondoren.
Elon Muskek eduki esplizitua sustatu zuen Grok AArekin, Xn erabiltzaileak irabazteko
Aktibo egon zen hamaika egunetan, Groken irudi sortzaileak hiru milioi irudi sexualizatu baino gehiago sortu zituen; horietatik 23.000k haurrak irudikatzen zituzten eta 1,8 milioik inguru, emakumeak. Elon Muskek xAIko langileei eskatu zien eduki esplizituarekin lan egiteko trebatzeko, sexuala barne, eta langileei ohartarazi zien "eduki sentikorra, bortitza, sexuala eta/edo beste eduki iraingarri edo asaldatzaileak" ikusteko prestatu zitezela, "estres psikologikoa" eragin ziezaiekeen eta.
Nobel Institutuak adierazi du Machadoren sariaren berri filtratu zela, baina ez du zehaztu nola
"Iragarpena egin baino ordu batzuk lehenago hainbat pertsonak dirutza jokatu zuten apustu-webguneetan, eta, hortaz, ziur esan dezakegu batzuk gai izan zirela iazko erabakiari buruzko informazioa legez kanpo eskuratzeko", adierazi du Institutuak ohar batean.
X sare sozialak Frantzian dituen lokalak miatu dituzte eta Elon Musk deitu dute galdeketa egiteko
Frantziako Fiskaltza X sare soziala (lehen, Twitter) ikertzen ari da, bere bulegoetan egindako miaketa baten ondoren, eta enpresaren jabea deklaratzera deitu du, duela urtebete irekitako ikerketaren ondorioz.
Ilargirako misio tripulatua martxora arte atzeratu da, gaurko probetan erregai-ihesa izan eta bertan behera utzi behar izan dutelako
"Misio historiko honi ekiteko prest gaudela uste dugunean egingo dugu jaurtiketa", esan du Jared Isaacman NASAren buruak, eta gaineratu du taldeak datuak "sakon" berrikusiko dituela, "atzemandako arazo guzti-guztiak konponduko" dituela, beharrezko konponketak egingo dituela eta berriz egingo dituela saiakerak.