Bolsonarok ideia 'komunistak' dituzten funtzionarioak kargugabetuko ditu
Jair Bolsonaro Brasilgo presidentearen Gobernuak administrazio publikoaren egitura aztertu eta ideia "komunistak" defendatzen dituzten funtzionarioak kargutik kenduko dituela jakinarazi du Onyx Lorenzoni Presidentetzako ministroak.
Erabakia Bolsonarok eta bere 22 ministroek egindako lehen bileran hartu zuten, Lorenzoniren esanetan; izan ere, "30 urteotan egungo kaosera eraman gintuzten ideia sozialistei eta komunistei nahikoa da esan zion gizarteak" urrian hautagai ultraeskuindarrak irabazitako hauteskundeetan.
Lorenzoniren hitzetan, "orain arteko Gobernua mantentzeak ez du zentzurik, beste ideia batzuk defendatzen dituzten edo gizarte antolaketa ezberdina defendatzen duten pertsonekin". Horrenbestez, bere Ministerioan aldi baterako kontratua hitzartuta duten 300 funtzionario kargugabetuko dituela jakinarazi du.
EAEko base militar bat Brasilen
Bestalde, AEBko base militar bat Brasilen ezartzeko aukera ez duela baztertzen esan du Bolsonarok. Base militar horrek, Brasilek atzerri politikan izan duen jokabidean aldaketa handia ekarriko luke.
"Nazioartean gertatzen denaren arabera, baliteke etorkizunean ideia hori eztabaidatu behar izatea", esan du Bolsnarok AEBko base militarraren harira. "Brasilek gorentasuna izan nahi du Hego Amerikan", gaineratu du.
Horrenbestez, Bolsonarok AEBrekin eta Israelekin harremanak areagotu nahi ditu. Augusto Heleno Bolsonaroren segurtasun nazionaleko aholkulariak jakinarazi duenez, Gobernu berriak Jerusalemera eraman nahi du Brasilgo enbaxada Israelen, baina arazo logistikoak direla eta, orain arte ezin izan dutela egin gaineratu du.
Erretiro-pentsioen erreforma
Datorren astean Gobernu berriko ministroek bere lehentasunak azalduko dituzte, erretiro-pentsioen harira sisteman erreforma sakona egiteko.
Bolsonaroren asmoen artean, Brasilgo ekonomiaren liberalizazioa dago, baita sozialismoa atzean uztea eta narkotrafikoarekin amaitzea. Hezkuntza mailan, esaterako, neurri kontserbadoreak bultzatu nahi ditu.
Pribatizazioak bultzatzeko, espetxeratze zigorrak gogortzeko eta indigenen lurraldeen erreklamazioen inguruko erabaitzeko boterea Nekazaritza Ministerioari emateko planak ere aurkeztu ditu Brasilgo presidente berriak.
Zure interesekoa izan daiteke
Israelek eta Estatu Batuek eraso egin diote Iranek eta Qatarrek partekatzen duten munduko gas aztarnategi handienari
Iranek ohartarazi du bere azpiegitura energetikoaren aurkako erasoek "ondorio kontrolaezinak" ekar ditzaketela, egoera are gehiago zailduko dutenak eta mundu guztiari eragin diezaioketenak.
Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"
Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste.
Irango zentral nuklear bati eraso egin diotela salatu du NBEk
Oraingoz, ez dute biktimen ezta kalteen berririk eman. Energia Atomikoaren Nazioarteko Erakundeak Ekialde Hurbileko gatazka baretzeko deia egin du, istripu nuklearrak gertatzeko arriskua saihesteko.
Iranek misilekin eraso egin du Tel Aviven aurka, Ali Larijaniren hilketaren mendeku gisa
Irango Guardia Iraultzailearen esanetan, "100 helburu militar eta segurtasun helburu baino gehiago" jo dituzte, erasoan Israelgo aireko defentsa sistemak gaindituta.
Iranek baieztatu du Ali Larijani Segurtasun Nazionaleko Kontseilu Goreneko idazkaria hil duela Israelek
Martxoaren hasieran Khamenei aiatola hil zutenetik, Larijani Irango buruzagi garrantzitsuenetakoa zen. Halaber, eraso berean Golamreza Soleimani Basij indar paramilitarreko buruzagia hil dutela baieztatu du Irango Guardia Iraultzaileak. Hilketa horien aurrean, Irango agintari politiko eta militarrek "mendekua" agindu dute.
Espainiak euskara, katalana eta galegoa Europar Batasunean hizkuntza ofizialak izan daitezen nahi du
Fernando Sampedro EBko Estatu idazkariak esan du presioa egiten jarraituko dutela, nahiz eta gaiak bederatzi hilabete daramatzan Ministerioaren agendatik kanpo.
Israelgo Armadak iragarri du "eskala handiko" beste erasoaldi bat egingo duela Teheranen aurka
Israel Katz Defentsa ministroak iragarri duenez, Ali Larijani Irango Segurtasun Nazionaleko agintaria hil dute.
Trumpek esan du "ohore handia" izango litzatekeela "Kuba hartzea"
Bere Administrazioa Kubako agintariekin hitz egiten ari dela errepikatu du agintariak, eta irla "porrot egindako nazio bat" dela azaldu du. "Ez dute dirurik, ez dute petroliorik, ez dute ezer".
Beste ontzi bati eraso egin diote Ormuztik gertu, Erresuma Batuko itsas agentziak jakinarazi duenez
Bestalde, AEBko Armadak baieztatu duenez, Irango "7.000 objektibo baino gehiago" jo ditu, eta ehun ontzi baino gehiago "kaltetu edo suntsitu" ditu, otsailaren 28an Israelekin batera erasoaldia hasi zuenetik.
EBk uko egin dio Ormuzera aktibo militarrak bidaltzeari, berea ez den gerra bat delako
Nazioarteko bazkideek itsasartea desblokeatuko duen hedapen militar batean parte hartzeko ideia berretsi du Trumpek.