AEBko erdi-mendebaldean hotzaldi polarrerako prestatzen hasi da
AEBko erdi-mendebaldea hotzaldi polarrerako prestatzen hasi da asteazken honetan, 40 gradu zero azpitik espero baitituzte gaur eta bihar. Hori dela eta, agintariek larrialdi-egoera ezarri dute hainbat estatutan eta hamaika hegaldi bertan behera gelditu dira.
J.B. Pritzker Illinoiseko Gobernadoreak hondamendi egoera aurreikusi du, hotzak "osasunerako mehatxu larria" ekarriko baitu.
"Tenperatura historikoak jasango ditugu", esan du Gobernadoreak. Hortaz, herritarrei babesteko eskatu die.
Eguraldi iragarpenen arabera, datozen 48 orduetan baliteke tenperaturek 32 gradu jaistea; Illinoisen, esaterako, sentsazio termikoa 48 gradu zero azpikoa izango da.
Chris Miller Meteorologia Zerbitzu Nazionaleko adituaren esanetan, tenperatura horiek pertsona bat izoztu dezakete hamar minututan. Illinoisen ez ezik, Indianako ipar-mendebaldean eta Wisconsineko hegoaldean ere nabarituko da hotzaldi pollarra.
Chicagon, esaterako, agintariek bertan behera utzi dituzte eskolak; baita, inguruko distrituetako beste hiri batzuetan ere.
O'Hare eta Midway aireportu internazionaletan 1.400 hegaldi bertan behera gelditu dira, eta baliteke kopuru hori handitzea baldintza klimatikoak okerragotu ahala.
Halaber, jarduera ekonomiko eta enpresarial eskasa espero dute gaur hotzak bete-betean joko dituen estatuetan, enpresa askok langileei etxean gelditzeko eta kalera ez ateratzeko gomendatu baitiete.
Zure interesekoa izan daiteke
Emakume bat hil da Suitzako Alpeetan, bera zegoen teleferikoko kabina maldan behera erorita
Ezbeharra izan da asteazken honetan Titliseko eski estazioan, Suitzako erdialdean. Teleferikoa lokabe geratu da, eta maldan behera erori da. Hildakoa zen kabinako bidaiari bakarra. Suitzako Meteorologia Bulego Federalaren arabera, istripuaren unean 100 eta 130 km/h arteko haize-ufadak zeuden.
Txertoak agortu dira eta farmaziak gainezka daude Erresuma Batuan, meningitis-agerraldi baten ondorioz
Kezka zabaldu da Erresuma Batuan. Unibertsitate-ikasleak biltzen diren Canterburyko diskoteka batean hasi da agerraldia. Dagoeneko bi pertsona hil dira, eta gutxienez 20 kutsatu dira.
Petrolio-upelaren prezioa 113 dolarrera igo da, eta gasa % 30 garestitu, Qatarko energia-azpiegituren aurka abiatutako erasoen ondorioz
Ekialde Hurbileko gatazkak merkatuak astintzen jarraitzen du: Asiako burtsek behera egin dute gogor, eta Europakoetan eguna negatiboan hastea aurreikusten da, Europako Kontseiluaren bileraren zain.
Israelek eta Estatu Batuek eraso egin diote Iranek eta Qatarrek duten munduko gas aztarnategi handienari
Iranek ohartarazi du bere azpiegitura energetikoaren aurkako erasoek "ondorio kontrolaezinak" ekar ditzaketela, eta egoera are gehiago zaildu eta mundu osoari kalte egin diezaioketela.
Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"
Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste.
Irango zentral nuklear bati eraso egin diotela salatu du NBEk
Oraingoz, ez dute biktimen ezta kalteen berririk eman. Energia Atomikoaren Nazioarteko Erakundeak Ekialde Hurbileko gatazka baretzeko deia egin du, istripu nuklearrak gertatzeko arriskua saihesteko.
Iranek misilekin eraso egin du Tel Aviven aurka, Ali Larijaniren hilketaren mendeku gisa
Irango Guardia Iraultzailearen esanetan, "100 helburu militar eta segurtasun helburu baino gehiago" jo dituzte, erasoan Israelgo aireko defentsa sistemak gaindituta.
Iranek baieztatu du Ali Larijani Segurtasun Nazionaleko Kontseilu Goreneko idazkaria hil duela Israelek
Martxoaren hasieran Khamenei aiatola hil zutenetik, Larijani Irango buruzagi garrantzitsuenetakoa zen. Halaber, eraso berean Golamreza Soleimani Basij indar paramilitarreko buruzagia hil dutela baieztatu du Irango Guardia Iraultzaileak. Hilketa horien aurrean, Irango agintari politiko eta militarrek "mendekua" agindu dute.
Espainiak euskara, katalana eta galegoa Europar Batasunean hizkuntza ofizialak izan daitezen nahi du
Fernando Sampedro EBko Estatu idazkariak esan du presioa egiten jarraituko dutela, nahiz eta gaiak bederatzi hilabete daramatzan Ministerioaren agendatik kanpo.
Israelgo Armadak iragarri du "eskala handiko" beste erasoaldi bat egingo duela Teheranen aurka
Israel Katz Defentsa ministroak iragarri duenez, Ali Larijani Irango Segurtasun Nazionaleko agintaria hil dute.