Ehunka mila lagunek 'brexit'ari buruzko beste erreferendum bat eskatu dute
Ehunka mila pertsona kalera atera dira gaur Londresen brexit-ari buruzko beste erreferendum bat eskatzeko manifestazioan, "People’s Vote" plataformak deituta.
Antolatzaileen arabera, "Put it to the people" ("jendearen eskuetan jarri") lelopean egindako manifestazioak milioi batetik gora pertsona bildu ditu hiriburuko erdigunean.
Manifestazioa Parlamentuaren parean amaitu da. Datorren astean Theresa May lehen ministroaren brexit akordioari buruzko hirugarren eztabaida egingo dute bertan, hain zuzen ere.
Hainbat politikarik ere egin dute bat protestarekin, tartean Tom Watson Alderdi Laboristaren "bigarrenak"; Nicola Sturgeon Esoziako ministro nagusi eta SNP eskoziarraren buruak; Michael Heseltine lehen ministro orde ohiak; eta Sadiq Khan Londresko alkate laboristak.
Parlamentuko Talde Independente berriko kideek ere parte hartu dute, Alderdi Laboristako eta Kontserbadoreko disidenteek, alegia.
Deialdi horrekin batera, lau milioi sinaduratik gora jaso dituzte brexit-a eta Lisboako Itunaren 50. Artikulua bertan behera gera daitezela exijitzeko.
Historian Internetez egin den sinadura bilketa handiena da, eta orain Gobernuaren eta Parlamentuaren erantzunaren zain daude.
Europako Kontseiluak ohartarazi zuen Westminsterrek ituna martxoaren 29a baino lehenago onartzen badu, prozesua maiatzaren 22ra arte soilik luzatuko zuela asko jota. May norabide horretan ari da lanean.
Egitasmo horrek porrot eginez gero, apirilaren 12a baino lehen erabaki beharko dute 50. Artikulua bertan behera utzi, erreferenduma deitu, edo atzerapen luzeago bat eskatu. Azken kasu hori ematen bada, Erresuma Batuak Europako hauteskundeetan parte hartu beharko du.
Zure interesekoa izan daiteke
Trumpek ez du bere ondorengoaz hitz egin nahi izan, eta nabarmendu du Vance eta Rubio "zoragarriak" direla
Donald Trump Ameriketako Estatu Batuetako presidenteak Etxe Zurian bere ordezkoari buruz ez du iritzirik eman nahi izan, eta JD Vancen eta Marco Rubioren lana goraipatu ditu.
AEBk eta Ukrainak produktibotzat jo dituzte Errusiarekin izan dituzten negoziazioak
Ukraina eta Errusiako ordezkariak Arabiar Emirerri Batuetako hiriburuan bildu dira, Estatu Batuetako ordezkariekin batera, gerrari amaiera ematea duen bigarren bilera sorta batean. Elkarrizketek ostegunean jarraituko dute.
21 palestinar hil ditu Israelek Gazan, tartean sei haur, gauez egindako erasoetan
Erasoen biktimetako bat Hussein Hassan Hussein Al Samiri da, Palestinako Ilargi Gorriko paramediko bat. Israelek atzo gauetik jaurtitako bonbardaketa ugarietako batetik zaurituak zeramatzala eraso diote. Su-etenaz geroztik Israelek egindako erasoen ondorioz hildako gazatarren kopurua 556ra igo da, horien artean 115 adingabe baino gehiago.
Trumpek eta Petrok bakeak egin dituzte, urtebetez irainka aritu ostean
Donald Trump AEBko presidenteak eta Gustavo Petro kolonbiar homologoak astearte honetan bakeak egin dituzte, tonu atsegineko bilera batekin, Etxe Zurian, desadostasunek eta irain gurutzatuek markatutako urte baten ondoren.
Elon Muskek eduki esplizitua sustatu zuen Grok AArekin, Xn erabiltzaileak irabazteko
Aktibo egon zen hamaika egunetan, Groken irudi sortzaileak hiru milioi irudi sexualizatu baino gehiago sortu zituen; horietatik 23.000k haurrak irudikatzen zituzten eta 1,8 milioik inguru, emakumeak. Elon Muskek xAIko langileei eskatu zien eduki esplizituarekin lan egiteko trebatzeko, sexuala barne, eta langileei ohartarazi zien "eduki sentikorra, bortitza, sexuala eta/edo beste eduki iraingarri edo asaldatzaileak" ikusteko prestatu zitezela, "estres psikologikoa" eragin ziezaiekeen eta.
Nobel Institutuak adierazi du Machadoren sariaren berri filtratu zela, baina ez du zehaztu nola
"Iragarpena egin baino ordu batzuk lehenago hainbat pertsonak dirutza jokatu zuten apustu-webguneetan, eta, hortaz, ziur esan dezakegu batzuk gai izan zirela iazko erabakiari buruzko informazioa legez kanpo eskuratzeko", adierazi du Institutuak ohar batean.
X sare sozialak Frantzian dituen lokalak miatu dituzte eta Elon Musk deitu dute galdeketa egiteko
Frantziako Fiskaltza X sare soziala (lehen, Twitter) ikertzen ari da, bere bulegoetan egindako miaketa baten ondoren, eta enpresaren jabea deklaratzera deitu du, duela urtebete irekitako ikerketaren ondorioz.
Ilargirako misio tripulatua martxora arte atzeratu da, gaurko probetan erregai-ihesa izan eta bertan behera utzi behar izan dutelako
"Misio historiko honi ekiteko prest gaudela uste dugunean egingo dugu jaurtiketa", esan du Jared Isaacman NASAren buruak, eta gaineratu du taldeak datuak "sakon" berrikusiko dituela, "atzemandako arazo guzti-guztiak konponduko" dituela, beharrezko konponketak egingo dituela eta berriz egingo dituela saiakerak.
Mikel Reparazek egungo egoera geopolitikoari buruz egindako dokumentala proiektatuko dute gaur Bilbon
EITBren nazioarteko arduradunak lehia geopolitikoaren eremu liskartsuenetan grabatutako bideoak ikusentzunezko lan batean bildu dituzte. Dokumentala BBK Aretoan izango da ikusgai, eta ondoren, solasaldia antolatu dute.
Mila eraikin baino gehiago berkuntzarik gabe geratu dira Kieven, Errusiak egindako bonbardaketa baten ondorioz, -20 gradurainoko tenperaturak direnean
Darnitsia eta Dniprovski auzoetako etxeak dira. Energia-instalazioen aurka Errusiak egindako lehen erasoa da, joan den ostegunean energiaren aurkako bonbardaketetan aldi baterako su-etena ezarri zuenetik.