Europak AEBra egindako auto salmentak murriztu beharko ditu
Amerikako Estatu Batuek ez die igoko oraingoz autoei inportazio zergak. Iturri batzuen arabera, ordea, horren truke Donald Trumpek eskaera gogor bat egin die europarrei eta japoniarrei: AEBn autoen salmentak murriztu beharko dituzte.
Estatu Batuek beren segurtasunerako mehatxu moduan ikusten dituzte autoen inportazioak, inportazio horiek teknologia berrien garapena oztopatzen dietelako Ipar Amerikako enpresei. Altzairuaren inportazioaren aurka muga zergak igotzean ere "segurtasun nazionala" erabili zuen argudio bezala AEBko Gobernuak.
Trumpek behin eta berriz kritikatu du Europako herrialdeek Estatu Batuekiko merkataritza harremanetan duten gehiegizko desoreka. Aurtengo lehen hiru hilabetetan Europar Batasunak 33.900 milioi euro gehiago saldu du AEBra, bertan erositakoa baino gehiago. Eta iaz baino gutxiago. 2018. urteko epe berean izandako aldea 36.200 milioi eurokoa izan zen.
Europarekin merkataritza auzia sei hilabeterako etenda geratu da. Txinarekin, ostera, aurrera dirau. Huawei telekomunikazio arloko erraldoi txinatarri Estatu Batuetan aritzea debekatu dio Donald Trumpek. Dekretu baten bidez ezarri du "Telekomunikazioetan emergentzia egoera" eta ateak itxi dizkio.
Huawei telekomunikazioen arloan munduko hornitzailerik handienetariko da. Estatu Batuetako agintariek duten susmoen arabera, merkataritza erabiltzen du Txinaren aldeko espioitza lana egiteko. Hala ere, salaketa horren frogarik ez dute oraingoz aurkeztu.
Txinak gogor erantzun dio erabakiari. "Estatu Batuei gezur horiekin amaitzeko eskatzen diogu".
Huaweik salatu duenez, erabakiak enpresaren eskubideak urratzen ditu. 5G teknikaren garapenari oztopoa jartzea omen da, eta hori Estatu Batuetako enpresen eta kontsumitzaileen kaltean doa.
Zure interesekoa izan daiteke
Preso politikoentzako amnistia legea onartzeko lehen pausoa eman du Venezuelako Parlamentuak
Delcy Rodriguez presidente arduradunak bultzatutako eta ostegunean lehen bozketan onartutako proiektuak 1999tik (chavismoa boterera iritsi zenetik) gaur egunera arte atxilotutako preso politikoak hartzen ditu barne, eta kanpoan uzten ditu giza eskubideen urraketa larriengatik auzipetuak edo zigortuak. Kontsulta prozesua zabalduko da orain, eta bigarren eztabaida batean onartu beharko da gero.
Arma nuklearren START III tratatua iraungi den egunean, eustearen aldeko jarrera agertu dute Errusiak eta AEBk
START III itunak arma nuklear estrategikoen kopurua mugatzen zuen, gehienez 1.550 buru nuklearretara eta 700 sistema balistikotara, bi potentzietako bakoitzerako, izan lurrean, itsasoan edo airean. Start III 2010eko apirilaren 8an sinatu zuten, Pragan, Dmitri Medvedev Errusiako eta Barack Obama AEBetako orduko presidenteek, eta 2021eko otsailean berritu zuten beste bost urterako eta gaur iraungi da.
Trumpek ez du bere ondorengoaz hitz egin nahi izan, eta nabarmendu du Vance eta Rubio "zoragarriak" direla
Donald Trump Ameriketako Estatu Batuetako presidenteak Etxe Zurian bere ordezkoari buruz ez du iritzirik eman nahi izan, eta JD Vancen eta Marco Rubioren lana goraipatu ditu.
AEBk eta Ukrainak produktibotzat jo dituzte Errusiarekin izan dituzten negoziazioak
Ukraina eta Errusiako ordezkariak Arabiar Emirerri Batuetako hiriburuan bildu dira, Estatu Batuetako ordezkariekin batera, gerrari amaiera ematea duen bigarren bilera sorta batean. Elkarrizketek ostegunean jarraituko dute.
21 palestinar hil ditu Israelek Gazan, tartean sei haur, gauez egindako erasoetan
Erasoen biktimetako bat Hussein Hassan Hussein Al Samiri da, Palestinako Ilargi Gorriko paramediko bat. Israelek atzo gauetik jaurtitako bonbardaketa ugarietako batetik zaurituak zeramatzala eraso diote. Su-etenaz geroztik Israelek egindako erasoen ondorioz hildako gazatarren kopurua 556ra igo da, horien artean 115 adingabe baino gehiago.
Trumpek eta Petrok bakeak egin dituzte, urtebetez irainka aritu ostean
Donald Trump AEBko presidenteak eta Gustavo Petro kolonbiar homologoak astearte honetan bakeak egin dituzte, tonu atsegineko bilera batekin, Etxe Zurian, desadostasunek eta irain gurutzatuek markatutako urte baten ondoren.
Elon Muskek eduki esplizitua sustatu zuen Grok AArekin, Xn erabiltzaileak irabazteko
Aktibo egon zen hamaika egunetan, Groken irudi sortzaileak hiru milioi irudi sexualizatu baino gehiago sortu zituen; horietatik 23.000k haurrak irudikatzen zituzten eta 1,8 milioik inguru, emakumeak. Elon Muskek xAIko langileei eskatu zien eduki esplizituarekin lan egiteko trebatzeko, sexuala barne, eta langileei ohartarazi zien "eduki sentikorra, bortitza, sexuala eta/edo beste eduki iraingarri edo asaldatzaileak" ikusteko prestatu zitezela, "estres psikologikoa" eragin ziezaiekeen eta.
Nobel Institutuak adierazi du Machadoren sariaren berri filtratu zela, baina ez du zehaztu nola
"Iragarpena egin baino ordu batzuk lehenago hainbat pertsonak dirutza jokatu zuten apustu-webguneetan, eta, hortaz, ziur esan dezakegu batzuk gai izan zirela iazko erabakiari buruzko informazioa legez kanpo eskuratzeko", adierazi du Institutuak ohar batean.
X sare sozialak Frantzian dituen lokalak miatu dituzte eta Elon Musk deitu dute galdeketa egiteko
Frantziako Fiskaltza X sare soziala (lehen, Twitter) ikertzen ari da, bere bulegoetan egindako miaketa baten ondoren, eta enpresaren jabea deklaratzera deitu du, duela urtebete irekitako ikerketaren ondorioz.
Ilargirako misio tripulatua martxora arte atzeratu da, gaurko probetan erregai-ihesa izan eta bertan behera utzi behar izan dutelako
"Misio historiko honi ekiteko prest gaudela uste dugunean egingo dugu jaurtiketa", esan du Jared Isaacman NASAren buruak, eta gaineratu du taldeak datuak "sakon" berrikusiko dituela, "atzemandako arazo guzti-guztiak konponduko" dituela, beharrezko konponketak egingo dituela eta berriz egingo dituela saiakerak.