Erresuma Batuko Gobernuak uste du ez duela akordio berririk lortuko EBrekin
Erresuma Batuko Gobernuak uste du ez duela brexit-aren inguruko akordio berririk lortuko Europako Batasunarekin (EB), Michael Gove Ingurumen ministroak igande honetan zabaldutako artikulu batean esan duenez. Bera arduratzen ari da itunik gabeko irteera bat prestatzeaz.
"Lehen ministro berri batekin, Gobernu berri batekin eta helburu argiago batekin, urriaren 31n aterako gara Europar Batasunetik. Baldintzarik eta aitzakiarik gabe. Atzerapen gehiagorik gabe. Brexit-a gertatuko da", idatzi du Govek The Sunday Times egunkarian.
Ingurumen ministroak ohartarazi duenez, badakite EBko agintariek ez dutela berriz negoziatu nahi Theresa May lehen ministro ohiarekin sinatu zuten ituna.
"Iritziz aldatuko duten itxaropena daukagu oraindik, baina berdin jarraituko dutela pentsatuz egin behar dugu lan", gaineratu du Govek.
Bestalde, Boris Johnson Erresuma Batuko lehen ministroak kabinete berri bat osatu du konfiantza handiko sei ministrorekin. "Beharrezkoak diren bitartekoak" erabilita bada ere, aurreikusitako egunean herrialdea EBtik ateratzen dela bermatzea izango da horren egitekoa.
Era berean, Sajid Javid Ekonomia ministroak adierazi du "diru-ekarpen esanguratsua" erabiliko duela herrialdearen irteera errazteko, akordioa lortuta edo itun berririk sinatu gabe bada ere. Halaber, herritarrei zuzendutako informazio kanpaina finantzatzeko ere erabiliko dute ekarpen ekonomiko hori.
Besteak beste, aduanetako aparteko 500 agente kontratatuko dituzte, eta portuetan azpiegitura gehiago jarriko dituzte, merkantzien kontroletan izan daitezkeen atzerapenak ahalik eta gehien murriztu daitezen.
Zure interesekoa izan daiteke
Ukrainak Errusiarekin hitz egin nahi izatearen "seinale batzuk" jaso dituela azpimarratu du Putinek
Errusia "gatazka bide baketsuan amaitzeko" prest dagoela azpimarratu du, "joan den ekainean Atzerri Ministerioaren aurrean azaldu nituen printzipioetan oinarrituta" eta "gatazka eragin zuten jatorrizko arrazoiak ezabatuz gero".
AEBko Gobernuak Epstein pederastaren artxibo klasifikatuak argitaratuko ditu ostiral honetan, partzialki bada ere
Pasa den azaroan, AEBko Ordezkarien Ganberak Trumpen gobernua Jeffrey Epstein pederastaren artxiboak sekretupetik ateratzea behartzen duen legea onartu zuen. Lege-testuaren arabera, material hori "kontsultatzeko eta deskargatzeko" moduan egon beharko da.
Europar Batasunak 90.000 milioi euroko mailegua emango dio Ukrainari, zor bateratuaren bidez finantzatuta
Momentuz, 27 herrialdeetako agintariek ez dituzte aktibo errusiarrak erabiliko Ukraina finantzatzeko.
EBk akordioa iragarri du asilo-eskatzaileak "hirugarren herrialde seguruetara" deportatzea errazteko
Europako Kontseiluaren eta Europako Parlamentuaren arteko behin-behineko akordioak babes-eskaerak ez onartzeko kasuistikak zabalduko ditu.
Ospea minimoetan duela, Trumpek bere lorpenak puztu ditu nazioari egindako diskurtso batean
Ia egunero egiten dituen agerraldi publikoetan esaten dituen gauza asko errepikatuz hasi du hitzaldia agintariak: etorkinei eta Joe Biden bere aurrekoaren gobernuari eraso egin die, eta hilabete gutxi batzuetan AEBk "okerrenetik onenera" egin dutela ziurtatu du, deportazioak egin dituelako, mugaetako kontrolak zorroztu dituelako eta beste herrialde batzuen aurka muga-zergak ezarri dituelako.
Venezuelak, AEBri: "Ez duzue gure petroliorik izango, ez oparituta, ezta lapurtuta ere"
Etxe Zuriak atzo adierazi zuenez, AEBk sortu zuen Venezuelako petrolio-industria, eta Caracasen 1976an industria hori nazionalizatzea, estatubatuarrei inoiz egindako "lapurretarik handiena" izan zen.
Alemaniak umeei hilean 10 euro ematea onartu du, erretiro-pentsioetan aurrezteko
"Goiz hasteko pentsioa" delakoa Alemaniako Gobernuak abian jarri duen pentsio sistema pribatuaren erreforma sorta zabalago baten parte da.
Frantziako Barne Ministerioaren aurkako zibererasoa egin eta dozenaka artxibo konfidentzial lortu dituzte
Laurent Nuñez Barne ministroak adierazi duenez, aurrekari penalen (TAJ) eta pertsona bilatuen (FPR) fitxategietara sartu dira hackerrak. Pariseko Fiskaltzak ikerketa abiatu du gertaturikoa argitzeko.
Venezuelan sartu eta irteten diren petrolio-ontziak erabat blokeatzeko agindu du Trumpek
AEBko presidenteak nabarmendu duenez, "Maduroren erregimen ez-legitimoa lapurtutako petrolioa erabiltzen ari da narkoterrorismoa, pertsonen trafikoa, hilketak eta bahiketak finantzatzeko, besteak beste".
Bondiko atentatuaren ostean, armen gaineko legeak gogortu egingo dituztela iragarri du Australiak
Australiako Gobernuak erantzun dio igandean Bondi hondartzan izandako erasoari, eta iragarri du aldaketak egingo dituztela armei buruzko legedian, kontrolak indartzeko. Sydneyn 16 pertsona hil zituzten.