Boris Johnson, Erresuma Batuko lehen ministro berria
Boris Johnson Erresuma Batuko lehen ministro berria da jada. Buckingham Jauregian egindako ekitaldi xume batean hartu du kargua eta Isabel II.ena erreginak Gobernua osatzeko eskatu dio.
Alderdi Kontserbadorearen primarioetan gailenduta, joan den asteartean baieztatu zen Johnsonek hartuko zuela Theresa Mayren lekua eta gaur ofizialki bilakatu da Erresuma Batuko lehen ministro.
Kargua hartu ostean, Johnson Downing Street kaleko egoitza ofizialera joan da eta han bere lehen agerraldia egin du lehen ministro gisa.
Johnsonek agindu du Erresuma Batua urriaren 31an aterako dela Europar Batasunetik eta brexit-a gauzatzeko "akordio berria eta hobea" negoziatuko duela Bruselarekin.
Orain arte Europar Batasunak uko egin dio Theresa Mayrekin 2018an adostu zuen ituna berriro negoziatzeari, baina Johnsonek azpimarratu du itun berri bat lortzeko gai izango dela.
Datozen orduetan izendatuko ditu bere Gobernuko ministroak eta, batez ere, brexit gogorraren aldeko politikariak hautatuko dituela espero da.
Isabel II.ena erregina denetik, 1952tik, Erresuma Batuak 13 lehen ministro izan ditu eta Johnson 14.ena izango da.
Mayk ekainaren 7an eman zuen dimisioa, brexit-a gauzatzeko prozesuan porrot egin eta gero; izan ere, Erresuma Batuko Parlamentuak hiru aldiz bota zuen atzera Mayk Europar Batasunarekin negoziatutako ituna.
Alderdi Kontserbadorearen primarioetako kanpainan, Johnsonek agindu zuen Erresuma Batua aurreikusitako datan -urriaren 31n- aterako dela Europar Batasunetik.
Zure interesekoa izan daiteke
'MV Hondius' gurutzaontzian hantavirus agerraldiak izan duen bilakaera: lehen kasuetatik, kontaktuen jarraipenera
Munduko Osasun Erakundeak jakinarazi du geldialdietan gurutzaontzitik atera ziren bidaiarien eta haien kontaktuen jarraipena egingo duela. Dagoeneko jarri dira harremanetan geldialdi horiek egin ziren herrialdeetako agintariekin.
Iranen aurkako erasoaldia amaitu dela eta Ormuzko itsasartean fase berria abian dela iragarri du Marco Rubiok
Bestalde, Donald Trump Ameriketako Estatu Batuetako presidenteak bertan behera utzi du Ormuzen blokeatuta dauden ontziei laguntza emateko Askatasuna proiektua. Horrez gain, Estatu Batuek Ormuzen nabigazioa eta segurtasuna bermatzeko ebazpena aurkeztuko du NBEko Segurtasun Kontseiluan.
Irango erasoen aurrean defentsa indartuko duela esan du Arabiar Emirerri Batuetako presidenteak
Defentsa Ministerioak astearte honetan jakitera eman duenez, "Iranek jaurtitako" misilak eta droneak atzeman dituzte; hala ere, Teheranek ez du onartu eraso horien erantzulea denik.
Sei jendarme zauritu dira joan den ostegunean hasitako "rave" jendetsuan izandako liskarretan
Egunotan lege-prozesu bat dute martxan Frantzian, horrelako jai klandestinoak saihesteko legea gogortzeko.
Global Sumud ontzidiko bost euskal ekintzaile itzuli dira
Global Sumud flotillako bost euskal ekintzaile itzuli dira astelehen honetan. Goizean, Salim Malla Gutierrez Gasteizko unibertsitateko irakaslea Loiuko aireportuan lurreratu da, eta publikoki salatu du "kontzentrazio eremu flotatzaile batean bahitu" izana, bai eta jasan zituzten "tratu txar fisiko eta psikikoak" ere.
Ormuz zeharkatzen saiatzen diren ontziei eraso egingo diela ohartarazi du Iranek
Bien bitartean, Ameriketako Estatu Batuek iragarri dute gaurtik aurrera Ormuzko itsasartean harrapatuta dauden itsasontziak "askatzeko" operazioa egingo dutela.
Polymarket: apustuen eta gerraren jokoa
Polymarket kriptotxanponetan eta anonimatuan oinarritutako apustu-plataforma bat da, gertaera geopolitikoen inguruan apustu egiteko aukera ematen duena; Eric Trump, Donald Trumpen semea, da horren bazkide eta inbertitzaileetako bat. Borja Macias EHUko irakasleak ohartarazi du informazio pribilegiatua darabiltela; eta adibide moduan jarri du Maduro noiz bahituko zuten zehatz-mehatz asmatu zuen apustu bat.
Melenchon ezkertiarra 2027ko Frantziako presidentetzarako hautagai izango da
"Pribilegioek eta arrazakeriak egiten diote min gehien gure herrialdeari", salatu du politikari ezkertiarrak, eta Frantziako presidentetza lortzen badu, Espainiarekin eta "Latinoamerikako herrialde batzuekin" aliatuko dela ziurtatu du, Donald Trumpen eta Israelen AEBei aurre egiteko.
Flotillako bi aktibisten atxiloaldia bi egunez luzatu dute
Thiago Avila brasildarra eta Saif Abukeshek palestinar-espainiarra dira Global Sumud Flotillan parte hartzeagatik Israelgo indarrek atxilotuta dituztenak. Tratu txarrak jaso diuztela salatu dute euren abokatuek. Ekintzaileak "segurtasunez eta duintasunez" tratatzeko eskatu du Anitta Hipper Europar Batasuneko (EB) Kanpo Arazoetako bozeramaileak.
Estatu Batuetako bi soldadu desagertu dira Marokon, maniobra militarretan ari zirela
"African Lion 2026" izeneko ariketa militarretan parte hartzen ari ziren bi militar estatubatuar desagertu ziren larunbat gauean Cap Draa-ko entrenamendu-gune batean, Tan-Tan hiritik gertu, Maroko hegoaldean. Indar estatubatuarrak, marokoarrak eta African Lioni lotutako beste militar batzuk buru-belarri ari dira bilaketa-lanetan, lurreko zein aireko baliabideak erabiliz.