'Brexit' gogor batek elikagai eta botika falta eta prezioen igoera ekarriko ditu
Boris Johnson lehen ministro britainiarrak nahi duen akordiorik gabeko brexita gauzatuz gero, elikagai eta botika falta izango da, prezioak igo egingo dira eta argindarra garestitu egingo da. Hala aurreikusi du Erresuma Batuko Gobernuak egindako barne txosten batek.
Orain arte sekretupean izan dute dokumentua —'Mailu Horia Operazioa' izenekoa—, baina Gobernuak kaleratu behar izan du, astelehenean oposizioak Parlamentuan irabazitako bozketaren harira.
Urriaren 31n akordiorik gabe Europar Batasuna itxi behar izatekotan, aurreikusi daitezkeen "ondorio txarrenak" deskribatzen ditu bost orrialdeko dokumentuak.
Botikarik gabe geratzea eta elikagai eskasia
Hala, Mantxako Kanalaren bitartez egindako merkantzia-trukeak % 40 egingo luke behera lehen egunetik, eta portuen artean sor daitezkeen tirabirak "sei hilabetez" luza daitezke. Egoera horrek "botiken hornidurari eragingo dio", irakur daiteke dokumentuan.
Erresuma Batura heltzen diren botika gehienak Mantxako Kanaleko portuen bitartez heltzen dira, eta hortaz, brexit gogor batek "bereziki produktu horiei" egingo diete kalte.
Elikagaiei dagokienez, jaki fresko jakin batzuen falta igarriko da, eta horien artean industriarentzat oinarrizkoak izan daitezkeen batzuk, hala nola, oinarrizko osagaiak, kimikoak eta ontziak.
Dokumentuaren arabera, falta horrek ez du hornidurarik eza ekarriko. Dena dela, onartzen du prezioetan eragina izango duela horrek guztiak.
Horrez gain, argindarraren faktura igoko dela aurreikusi du Gobernu britainiarrak.
Protestak
Akordiorik gabeko brexit batek "protestak eta kontraprotestak eragingo ditu Erresuma Batu osoan, eta horren ondorioz, baliabide polizial asko bideratu beharko ditugu".
Agente britainiarrak, manifestarien aurrean, Londresen egindako protesta batean. Argazkia: EFE
Erresuma Batuan bizi diren europarrei dagokienez, euren "eskubide guztiei eutsi egingo diete, estatu kide guztiekin akordioak itxi ez badira ere".
Europar Batasunean bizi diren herritar britainiarren egoera, ordea, bestelakoa da. "Eskubide galera eduki dezakete. Besteak beste, osasun arretan arazoak izan ditzakete, baita kontrol migratzaile gehiago pairatu ere", aitortzen dute dokumentuan.
Horrez gain, Erresuma Batura sartu edo irten nahi duten herritarrentzat ere zailtasunak iragarri ditu Johnsonen gobernuak: "Aduanetan kontrol gehiago izango dira".
Gibraltar
Gibraltarreko haitzari aparteko atala eskaintzen dio dokumentuak. Horren arabera, "mugan atzerapen luzeak egongo dira, luzaroan, gainera. Horrek ekonomiari eragingo dio".
"Espainiak muga-kontrolak ezarriko ditu, eta gorabeherak eragingo elikagai, botika eta zaborren horniduran. Langile, bizilagun eta turistek ere zailtasunak izango dituzte muga zeharkatzeko; lau ordu baino gehiagoko atzerapenak aurreikusten ditugu".
Zure interesekoa izan daiteke
Preso politikoentzako amnistia legea onartzeko lehen pausoa eman du Venezuelako Parlamentuak
Delcy Rodriguez presidente arduradunak bultzatutako eta ostegunean lehen bozketan onartutako proiektuak 1999tik preso politikoak hartzen ditu barne -chavismoa boterera iritsi zenetik honakoak-, eta giza eskubideen urraketa larriengatik auzipetuak edo zigortuak daudenak kanpo uzten ditu. Orain kontsulta prozesua zabalduko da eta, ondoren, bigarren eztabaida batean onartu beharko da.
Arma nuklearren START III tratatua iraungi den egunean, eustearen aldeko jarrera agertu dute Errusiak eta AEBk
START III itunak arma nuklear estrategikoen kopurua mugatzen zuen, gehienez 1.550 buru nuklearretara eta 700 sistema balistikotara, bi potentzietako bakoitzerako, izan lurrean, itsasoan edo airean. Start III 2010eko apirilaren 8an sinatu zuten, Pragan, Dmitri Medvedev Errusiako eta Barack Obama AEBetako orduko presidenteek, eta 2021eko otsailean berritu zuten beste bost urterako eta gaur iraungi da.
Trumpek ez du bere ondorengoaz hitz egin nahi izan, eta nabarmendu du Vance eta Rubio "zoragarriak" direla
Donald Trump Ameriketako Estatu Batuetako presidenteak Etxe Zurian bere ordezkoari buruz ez du iritzirik eman nahi izan, eta JD Vancen eta Marco Rubioren lana goraipatu ditu.
AEBk eta Ukrainak produktibotzat jo dituzte Errusiarekin izan dituzten negoziazioak
Ukraina eta Errusiako ordezkariak Arabiar Emirerri Batuetako hiriburuan bildu dira, Estatu Batuetako ordezkariekin batera, gerrari amaiera ematea duen bigarren bilera sorta batean. Elkarrizketek ostegunean jarraituko dute.
21 palestinar hil ditu Israelek Gazan, tartean sei haur, gauez egindako erasoetan
Erasoen biktimetako bat Hussein Hassan Hussein Al Samiri da, Palestinako Ilargi Gorriko paramediko bat. Israelek atzo gauetik jaurtitako bonbardaketa ugarietako batetik zaurituak zeramatzala eraso diote. Su-etenaz geroztik Israelek egindako erasoen ondorioz hildako gazatarren kopurua 556ra igo da, horien artean 115 adingabe baino gehiago.
Trumpek eta Petrok bakeak egin dituzte, urtebetez irainka aritu ostean
Donald Trump AEBko presidenteak eta Gustavo Petro kolonbiar homologoak astearte honetan bakeak egin dituzte, tonu atsegineko bilera batekin, Etxe Zurian, desadostasunek eta irain gurutzatuek markatutako urte baten ondoren.
Elon Muskek eduki esplizitua sustatu zuen Grok AArekin, Xn erabiltzaileak irabazteko
Aktibo egon zen hamaika egunetan, Groken irudi sortzaileak hiru milioi irudi sexualizatu baino gehiago sortu zituen; horietatik 23.000k haurrak irudikatzen zituzten eta 1,8 milioik inguru, emakumeak. Elon Muskek xAIko langileei eskatu zien eduki esplizituarekin lan egiteko trebatzeko, sexuala barne, eta langileei ohartarazi zien "eduki sentikorra, bortitza, sexuala eta/edo beste eduki iraingarri edo asaldatzaileak" ikusteko prestatu zitezela, "estres psikologikoa" eragin ziezaiekeen eta.
Nobel Institutuak adierazi du Machadoren sariaren berri filtratu zela, baina ez du zehaztu nola
"Iragarpena egin baino ordu batzuk lehenago hainbat pertsonak dirutza jokatu zuten apustu-webguneetan, eta, hortaz, ziur esan dezakegu batzuk gai izan zirela iazko erabakiari buruzko informazioa legez kanpo eskuratzeko", adierazi du Institutuak ohar batean.
X sare sozialak Frantzian dituen lokalak miatu dituzte eta Elon Musk deitu dute galdeketa egiteko
Frantziako Fiskaltza X sare soziala (lehen, Twitter) ikertzen ari da, bere bulegoetan egindako miaketa baten ondoren, eta enpresaren jabea deklaratzera deitu du, duela urtebete irekitako ikerketaren ondorioz.
Ilargirako misio tripulatua martxora arte atzeratu da, gaurko probetan erregai-ihesa izan eta bertan behera utzi behar izan dutelako
"Misio historiko honi ekiteko prest gaudela uste dugunean egingo dugu jaurtiketa", esan du Jared Isaacman NASAren buruak, eta gaineratu du taldeak datuak "sakon" berrikusiko dituela, "atzemandako arazo guzti-guztiak konponduko" dituela, beharrezko konponketak egingo dituela eta berriz egingo dituela saiakerak.