Peruko Gobernuak hauteskundeak deitu ditu eta Kongresuak presidentea kargugabetu du
Krisi politikoan murgildu da Peru, botere betearazlearen (Gobernua) eta botere legegilearen (Kongresua) arteko azken aurrez aurrekoa tarteko. Martin Vizcarra herrialdeko presidenteak Kongresua desegin eta hauteskunde legegileak deitu ditu 2020ko urtarrilaren 26rako. Fujimori zaleen eta haren eskuineko eta eskuin muturreko aliatuen esku dagoen Kongresuak, ostera, Martin Vizcarra presidentea kargugabetu du eta Mercedes Araoz jarduneko presidente izendatu du.
Martin Vizcarra presidenteak Kongresuaren desegitea iragarri zuen astelehenean, oposizioarekin (Fujimori zaleak) abiatutako krisi politikoari amaiera eman nahian. "Kongresua desegin eta hauteskunde legegileak deitzea erabaki du. Ekintza konstituzionala da", adierazi zuen telebistan eskainitako hitzaldian.
Dena dela, oposizioa buru duen Kongresuak entzungor egin zion Vizcarraren iragarpenari eta Mercedes Araoz izendatu du jarduneko presidente. Aurrez, Kongresuak Vizcarra presidentea kargugabetu du datozen 12 hilabetetarako, ezgaitasun morala argudiatuta.
"Behin-behinean nire gain hartu dut Errepublikako presidente kargua", adierazi zuen Araozek. Haren hitzetan, Vizcarrak Konstituzioa urratu du Kongresuaren desegitea aginduta.
Auzitegi Konstituzionaleko kideen aukeraketa, eztabaidaren erdian
Auzitegi Konstituzionalerako hautagaiak izendatzeko prozesuan aldaketak egin nahi zituen Gobernuak orain artekoak gardenak ez direla iritzita. Gobernuak Kongresuan gehiengorik ez duenez, ordea, Vizcarraren kabinete buruak (Salvador Del Solar lehen ministroa) konfiantza mozioa aurkeztu zuen erreforma aurrera atera ahal izateko. Aitzitik, oposizioak kontra egin zion eta, konfiantza mozio hori eztabaidatu ere egin gabe, Auzitegi Konstituzionalerako kide berri bat hautatu zuen.
Horren aurrean, Vizcarrak parlamentua desegitea erabaki zuen, herrialdeko Konstituzioan oinarrituta, eta hauteskunde legegileak deitu zituen.
Kongresuaren erabakia konfiantza mozioa galdu izan balu bezala hartu zuen Salvador Del Solar lehen ministroak eta dimisioa eman zuen. Horren ondotik, Martin Vizcarra presidenteak Vicente Zeballos lehen ministro izendatu zuen.
Zure interesekoa izan daiteke
Iranek misilak jaurti ditu 4.000 kilometrora, Indiako ozeanoan dagoen base militar baten kontra
Batek ere ez du jo AEBk eta Erresuma Batuak bertan duten basea. Izan ere, batek hegan zihoala huts egin du, eta bestea AEBko Armadako ontzi batek geldiarazi du. Hala ere, erasoak kezka sortu du Iranek irismen handiko jaurtigaiak dituela erakutsi baitu.
Ekialde Hurbila gerraren laugarren astean sartu da, eraso artean eta Ormuzko itsasarteari begira
Israelek eta Iranek bonbardaketak areagotu dituzte, munduko energia garraioari buruzko ziurgabetasuna handitzen ari den bitartean. AEBk merkatua ireki dio, aldi baterako, Irango petrolio gordinari, eta ez du argitu Ormuzen esku hartuko duen ala ez.
Israelgo Poliziak gas negar-eragilea erabiliz sakabanatu ditu Al Aksa meskitara hurbildu diren palestinarrak
Meskita hori musulmanentzat hirugarren garrantzitsuena da. Israelek sarbidea mugatuta dauka 2023ko urriaren 7an Hamasek erasoak egin zituenetik, baina Irango gerra hasi zenetik blokeoa nabarmenagoa da; beraz, fededun asko Jerusalemgo Hiri Zaharreko harresitik kanpo elkartu dira ramadanaren amaierako otoitzak elkarrekin egiteko.
Iranek Turkiari eta Omani eraso egin izana ukatu du Khameneik, eta Israelen "bandera faltsuko operazioak" direla ziurtatu du
Irango buruzagi gorenak "harreman hobeak" izateko eskatu die Afganistani eta Pakistani "musulmanen zatiketa saihesteko", "herrialde anaiak" direlako, eta bitartekari izateko prest agertu da.
Ekialdi Hurbilean izandako azken erasoek petrolio azpiegiturak eta garraioa izan dituzte helburu
Azken orduetan ugaritu egin dira petrolio azpiegituren eta garraioen aurkako erasoak. Iranek eta Qatarrek partekatzen duten gas plantaren aurkako erasoa egin du Israelek. Iranek gogor erantzun du, misil oldea jaurtiz Bahrain, Saudi Arabia, AEB, Kuwait eta Jerusalem aldera.
EBk premiazko neurriak eskatu ditu Irango gerraren eragin ekonomikoa geldiarazteko
Europako buruzagiek energiaren prezioari buruzko berehalako neurriak eskatu dizkiote Batzordeari, eta gatazka arintzearen alde agertu dira; zenbait herrialde Ormuzko itsasartera laguntza bidaltzeko prest agertu dira.
Emakume bat hil da Suitzako Alpeetan, bera zegoen teleferikoko kabina maldan behera erorita
Ezbeharra izan da asteazken honetan Titliseko eski estazioan, Suitzako erdialdean. Teleferikoa lokabe geratu da, eta maldan behera erori da. Hildakoa zen kabinako bidaiari bakarra. Suitzako Meteorologia Bulego Federalaren arabera, istripuaren unean 100 eta 130 km/h arteko haize-ufadak zeuden.
Txertoak agortu dira eta farmaziak gainezka daude Erresuma Batuan, meningitis-agerraldi baten ondorioz
Kezka zabaldu da Erresuma Batuan. Unibertsitate-ikasleak biltzen diren Canterburyko diskoteka batean hasi da agerraldia. Dagoeneko bi pertsona hil dira, eta gutxienez 20 kutsatu dira.
Petrolio-upelaren prezioa 113 dolarrera igo da, eta gasa % 30 garestitu, Qatarko energia-azpiegituren aurka abiatutako erasoen ondorioz
Ekialde Hurbileko gatazkak merkatuak astintzen jarraitzen du: Asiako burtsek behera egin dute gogor, eta Europakoetan eguna negatiboan hastea aurreikusten da, Europako Kontseiluaren bileraren zain.
Israelek eta Estatu Batuek eraso egin diote Iranek eta Qatarrek duten munduko gas aztarnategi handienari
Iranek ohartarazi du bere azpiegitura energetikoaren aurkako erasoek "ondorio kontrolaezinak" ekar ditzaketela, eta egoera are gehiago zaildu eta mundu osoari kalte egin diezaioketela.