Alberto Fernandez peronistak irabazi ditu Argentinako hauteskundeak, lehen itzulian
Behin-behineko zenbaketaren arabera, Alberto Fernandez Argentinako Presidentetzarako hautagai peronistak botoen % 47,42 lortu ditu igande honetan izandako hauteskunde orokorretan, eta Mauricio Macri jarduneko presidenteak botoen % 41,15 eskuratu ditu, inkestek aurreikusitakoa baino emaitza hobeak. Beraz, lehen itzulian irabazi ditu hauteskundeak Fernandezek.
Behin-behineko emaitza horiek baieztatuz gero, ez dute azaroaren 24rako aurreikusitako bigarren itzulirik egin beharko. Izan ere, hauteskundeen garaileak botoen % 45 jasoz gero (edo botoen % 40 baino gehiago jaso eta aurkariari hamar puntuko aldea ateratzen badio), ez da bigarren itzulirik egin behar, bertako legediaren arabera.
Behin-behineko zenbaketaren arabera, atzetik geratu dira Roberto Lavagna (% 6,14), Nicolas del Caño (% 2,07), Juan Jose Gomez Centurion (% 1,72) eta Jose Luis Espert (% 1,47).
Cristina Fernandez Argentinako presidente ohia bere gobernuko presidenteorde izateko proposatu du Fernandezek. Abuztuko primarioetan, 16 puntuko aldea atera zien Macriri eta bere bigarrena zen Miguel Angel Pichetto peronista disidenteari. Fernandez hauteskunde hauetarako faboritoa zen, herrialdeak gaur egun bizi duen krisi ekonomiko larriak herritarren haserrea eragin ostean. Argentinako demokraziaren bederatzigarren hauteskundeak izan dira honakoak, eta % 80,81eko parte-hartzea izan dute.
Testuinguru horretan, Argentinako Barne Ministerioak zabaldu dituen behin-behineko zenbaketaren datuek ez dute legezko baliorik, baina hauteskunde-egunean bertan hauteskundeak nork irabazi dituen jakiteko balio dute.
Hauteskunde Batzordeak asteartetik aurrera jakinaraziko ditu behin betiko emaitzak, legearen arabera balio dutenak.
Albiste gehiago mundua
Ipar Irlandako Kneecap taldeko raperoek Kobetamendiko musikazaleen arreta bereganatu dute
Belfasteko taldea Bilbao BBK Live jaialdiko karteleko izen handietako bat izan da. Irlandera erabiltzeaz gain, arazorik gabe hitz egiten dute politikaz eta gizarte arazoez, eta agertokiaren gainean jaia pizten iaioak dira.
PKK gerrilla kurduak Irak iparraldean hasi du bere desarmea
Ekitaldian, gerrillako 30 kidek, 15 gizonek eta 15 emakumek hartu dute parte, horien artean Bese Hozat, PKK-ko buruzagi gorenetako bat. Gerrillako kideek euren armak erre dituzte metalezko ontzi handi batean.
PKK gerrilla kurduak armagabetzea hasi du Irakeko iparraldean
Maiatzean iragarri zuen armak alde batera uzteko borondatea, Abdullah Ocalan buruzagi espetxeratuak, gutun baten bidez, 1984an hasitako borroka armatua amaitzeko eskatu ostean.
Su-etena egun gutxitan lortzea espero du Netanyahuk
“Bahitu guztiak atera nahi” dituela esan du Israelgo lehen ministroak. Sarraskia "bihar amaitu liteke, gaur Hamasek armak uzten baditu”, gaineratu du.
Zelenskik bere aliatuen 10.000 milioi baino gehiago lortu ditu "gatazka amaitu ondoren Ukraina berreraikitzeko"
Ukraina Berreraikitzeko IV. Biltzarrak ia 5.000 parte-hartzaile bildu ditu Erroman. Errusiak "zinikotzat eta gezurtitzat" jo ditu bildutako estatuak eta erakundeak.
Brasilen eta AEBren arteko krisi diplomatikoa areagotu egin da, Trumpek % 50eko muga-zergak ezarriko dituela iragarri berritan
Jair Bolsonaro Brasilgo estatuburu ohi eta presidente estatubatuarraren kontra Gorte Gorenean egingo duten epaiketa da azken gatazka honen abiapuntua. 2022ko hauteskundeak galdu ostean, Lula da Silvaren aurkako estatu-kolpe saiakera egitea leporatuta epaituko dute.
Hamas hamar gatibu askatzeko prest agertu da, eta Israelgo Armada Gazatik ateratzea eskatu du berriro
Palestinako erresistentziak "orain arteko funtsezko gaietan negoziazioen zailtasuna" azpimarratu du, "Israelen irmokeria dela eta".
Marseillako aireportua itxi eta hiriaren iparraldea eta hainbat herri konfinatu dituzte, suaren ondorioz
Haize zakarrak, 30 gradutik gorako tenperaturek eta landarediaren lehortasunak, joan den asteko bero-bolada areagotuta, asko zailtzen ari da suhiltzaileen lana.
Netanyahuk Trump proposatu du 2025eko Bakearen Nobel Saria jasotzeko hautagai gisa
Hirugarren aldiz proposatu dute Trump Bakearen Nobel Saria jasotzeko. Lehenengoan, joan den ekainaren 21ean, Pakistango Gobernuak aurkeztu zuen, eta hiru egun geroago Buddy Carter kongresista errepublikanoak beste izendapen gutun bat bidali zuen Oslora.
Israelek Gazako biztanle guztiak Rafahko hondakinetan biltzeko asmoa du; bi milioi pertsona baino gehiago
Israel Katz Israelgo Defentsa ministroak iragarri duenez, "eremu humanitario berri horretan" Mawasiko kostaldean nekez bizi diren 600.000 palestinar inguru pilatuko dituzte.