Erresuma Batuak hauteskunde orokorrak egingo ditu abenduaren 12an
Erresuma Batuak hauteskunde orokorrak egingo ditu abenduaren 12an, Boris Johnson lehen ministroak nahi bezala. Astearte honetan, Komunen Ganberak onartu egin du agintariari bozak aurreratzea ahalbidetzen dion lege bat, atzo hauteskunde deialdia errefusatu eta gero.
Hain zuzen ere, Johnsonen proposamenak 438 boto alde jaso ditu, eta 20 aurka. Alderdi Laboristak ere oniritzia eman dio.
Lorden Ganberak ere babestu behar du orain legea, azaroaren 6a baino lehen (egun horretan desegingo dira Ganberak), baina ia segurutzat jotzen da baiezkoa.
Europar Batasunarekin adostu zuen ituna bide azkarretik tramitatzen saiatu zen Johnson, baina Parlamentuak aukera hori baztertu zuen. Harrezkero, bere helburu nagusia hauteskundeak aurreratzea izan da eta azkenean Alderdi Laboristaren babesari esker lortu du hala izatea.
Jeremy Corbynek esana zeukan bere alderdia hauteskundeen aurreratzea onartzeko prest egongo litzatekeela, Gobernuak akordiorik gabeko brexit-aren aukera baztertuko balu. Eta baldintza hori joan den astelehenean bete zen, Europar Batasunetik ateratzeko epea urriaren 31tik 2020ko urtarrilaren 31ra arte luzatzea onartu baitzuen Bruselak.
"Gure herrialdea eraldatzeko aukera aparta izango dugu hauteskunde hauetan", adierazi du Corbynek. Alderdi Laboristak "anbizio handiko kanpaina erradikala" egingo duela iragarri du, "Erresuma Batuan benetako aldaketa lortzeko".
Bestalde, Johnson txalo artean hartu dute Alderdi Kontserbadoreko ordezkariek Parlamentuan. "Hauteskunde gogorrak izango dira", adierazi du gobernuburuak BBC telebista-katean.
Abenduaren 12an hauteskundeak izango direla ziurtzat ematen bada ere, Lorden Ganberak berretsi behar du orain deialdi hori. Tramite hori gauzatuta, Parlamentua azaroaren 6an desegingo dute.
Johnsonen asmoa ez da soilik hauteskundeak irabaztea, Parlamentu berrian kontserbadoreek gehiengoa izatea nahi du, brexit-aren ituna onartu eta urtarrilaren 31an Europar Batasunetik ateratzeko. "Herria batzeko eta brexit-a lortzeko unea da", azpimarratu du bere alderdikideen aurrean.
Zure interesekoa izan daiteke
Iranek AEBren azken bake proposamenari erantzun dio
Bertako hedabideen arabera, Irango Islamiar Errepublikak eskatu du negoziazioen lehen fasean gatazkaren amaiera bideratzeko, xehetasun gehiagorik eman ez badu ere.
Abukeshek eta Avila deportatu dituztela baieztatu du Flotillak, Israelen atxilotuta "sei egun gogor" igaro ostean
Israelgo Atzerri Gaietarako Ministerioak iragarri du Abukeshek eta Avila deportatu dituztela, eta "probokatzaile profesional" deitu die.
Israelek Thiago Avila eta Saif Abukeshek aktibistak gaur bertan askatu, eta deportatu egingo dituzte
Israelgo inteligentzia zerbitzuak Adalah giza eskubideen aldeko erakunde eta laguntza legala ematen duen taldeari jakinarazi dionez, bi ekintzaileak "gaur bertan" askatuko dituzte, eta zaintzapean jarraituko dute, deportatuak izan arte. Adalahk egoera gertutik jarraitzen ari dela esan du, "askatzea gauzatzen dela, eta datozen egunetan deportazioa gertatzen dela ziurtatzeko".
Laboristen gainbehera Ingalaterran, Eskozian eta Galesen; populistak eta independentistak nagusi
Ingalaterran, Nigel Farageren Reform UK alderdia nagusitu da iparraldean eta erdialdean; Eskozian, SNP bosgarren agintaldia lortzeko moduan geratu da, eta Galesen, Plaid Cymruk aurrekaririk gabeko garaipena lortu du.
Europar Batasuna, nazioartean ahots bakarraren bila
Gerra hain gertu dauden eta aliantzak aldatzen ari diren honetan, Europak bere ingurura begiratzen du baina baita bere barrura ere. Izan ere, munduan izango duen lekua besteen baitan baino gehiago, bere esku dagoelako.
Putinek eta Zelenskik su-etena adostu dute maiatzaren 9tik 11rako
Era berean, herrialde bakoitzak 1.000 preso askatuko ditu.
EBren berrarmatzea: Alemaniak Europako armadarik handiena izan nahi du
Europar Batasuna berrarmatzeko moduaz eztabaidatzen ari da, AEBk kontinentean duen presentzia militarra murrizteko mehatxua egin ostean. Ane Irazabal EITBk Berlinen duen korrespontsalak egoeraren gakoak aztertu ditu EITBk ekoitzitako “Europa norabide bila” erreportaje sortako atal honetan.
AEBk eta Iranek elkarri eraso egin dioten arren, su-etenak indarrean jarraitzen duela ziurtatu du Trumpek
AEBko presidentearen arabera, bere Administrazioak Iranekin "negoziatzen" jarraitzen du Ekialde Hurbileko gatazkari amaiera emango dion akordioa lortzeko. Iranek, bere aldetik, "garaipena laster" ospatuko duela iragarri du, eta, aldi berean, Ormuzko itsasartearen "jabetza" aldarrikatu du.
Su-etena urratuta, Israelek Libano bonbardatu eta gutxienez hiru pertsona hil ditu
Israelgo eta Libanoko ordezkariek bake elkarrizketen hirugarren txanda egingo dute Washingtonen (AEB) maiatzaren 14an eta 15ean, AEBko Estatu Departamentuko funtzionario batek ostegun honetan jakitera eman duenez.
Energia nuklearra, berriztagarriak… Europa norabide bila ari da, energia-mendekotasunari aurre egiteko
Energia-mendekotasuna da Europar Batasunak aurrean duen erronka nagusietako bat. Kontsumitzen duen energiaren % 57 kanpotik dator, eta % 43 baino ez da Europan ekoizten. Frantzian, energia nuklearraren auzia eztabaida handia sortzen ari da, eta iritzi kontrajarriak eragin ditu. EITB ekoitzitako "Europa norabide bila" erreportaje-sortak aztertu duen gaietako bat da.