Evo Moralesek dimisioa aurkeztu du
Evo Morales Boliviako presidenteak karguari uko egin dio igande honetan, Amerikako Estatuen Erakundeak urriaren 20ko hauteskundeak errepikatzea eskatu ondoren.
"Bake soziala itzultzea nahi dugu, mundu guztiak jakin dezala nola talde oligarkikoek demokraziaren aurka egiten duten", adierazi du karguari uko egiteko egin duen hitzaldian.
Moralesek Carlos Mesa eta Fernando Camacho oposizioaren buruzagiak ere hartu ditu hizpide. "Espero dut Mesak, Camachok eta beste batzorde zibikok ez diezaiotela herriari kalte egin eta gezurrik esan", esan du.
Orain arte Boliviako presidente izan denak bere alderdikide batzuk emandako dimisioei buruz esan du mehatxuak eta bahiketak izan direla tarteko. "Karguari uko egin diot ez ditzaten nire anai-arrebak gehiago jazarri eta mehatxatu", argudiatu du.
"Kolpe hau salatu nahi dut. Borroka ez da hemen amaituko. Berdintasunaren eta bakearen alde borrokan jarraituko dugu", adierazi du Evo Moralesek.
Moralesek dimisioa aurkeztu eta berehala, karguari uko egin dio Alvaro Garcia Linera Boliviako presidenteordeak. "Indigena baten, nekazari baten presidenteordea izan naiz, eta beti izango natzaio leial", esan du telebista bidez zabaldu den mezu batean. "Bere ondoan egongo naiz beti, txarrean eta onean", nabarmendu du.
Boliviako zenbait egunkariren arabera, Morales eta Garcia Linera batera atera joan dira hegazkin presidentzialean.
Bera atxilotzeko agindua dagoela salatu du Moralesek
Karguari uko egin eta gutxira, bera atxilotzeko "legez kanpoko" agindu bat dagoela salatu du Moralesek eta "kolpistei" Zuzenbide Estatua suntsitzea egotzi die.
Twitterren duen kontuan iragarri duenez, "mundu guztiaren eta Boliviako herriaren aurrean honakoa salatu nahi dut: Polizia batek publikoki iragarri duela ni atxilotzeko legez kanpoko agindu bat duela; horrez gain, indarkeria darabilen talde bat nire etxean sartu da. Kolpistek Zuzenbide Estatua suntsitu dute".
Fernando Camacho Moralesen dimisioa ekarri duen protesten sustatzaile nagusiak atxilotze agindu hori baieztatu du: "Baieztatuta! Evo Morales atxilotzeko agindua!! Polizia eta militarrak haren bila ari dira Chaparen, ezkutatu den lekuan", bota du Twitterren.
Boliviako Poliziak, bestalde, Morales atxilotzeko agindua dagoela ukatu du.
Zure interesekoa izan daiteke
?fmt=webp-alpha&qlt=80)
Artemis II misioak Lurrera itzultzeko bidaia hasi du Ilargiaren aurpegi ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekin komunikazioa galdu dute 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu ahal izan dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.
Artemis II misioak Ilargiaren alderdi ezkutuari ateratako argazkia argitaratu dute
Misioa helmugara iristetik gertu dago, bost hamarkadatan lehenengo aldiz satelite naturalaren orbitara iristetik ordu gutxira, alegia.
Trumpek mehatxu larriak egin ditu Iranen kontra, baina astelehenerako akordioa lortzea ere "posible" dela esan du
"Uste dut aukera asko daudela akordio batera iristeko. Oraintxe ari dira negoziatzen", adierazi du, eta akordiorik lortu ezean, "dena lehertu eta petrolioaz jabetzea" pentsatzen ari dela esan du. Ormuz irekitzeko ultimatuma asteartera atzeratu du.
Artemis II misioko astronautek ikusi dute dagoeneko Ilargiaren alderdi ezkutua
"Bart ikusi dugu lehen aldiz Ilargiaren alderdi ezkutua, eta ikusgarria izan da oso. Ikustean, Ilargia ez denaren nolabaiteko sentsazio bat sortu zaigu, ez baitu ikustera ohituta gauden Ilargiarekin zerikusirik", azaldu dute.