Gutxienez bost hildako eta 31 zauritu Zeelanda Berrian, sumendi baten erupzioagatik
Gutxienez bost pertsona hil dira astelehen honetan Zeelanda Berrian, Whakaari sumendiaren erupzioaren ondorioz. Zeelanda Berriaren ipar-ekialdeko White Island uhartean dago sumendia, Ipar Uhartetik 48 kilometro ekialdera. Erupzioaren ondorioz, 31 bat lagun zauritu eta zortzi desagertu dira. 50 bat turista omen zeuden bertan erupzioa gertatu denean.
Erupzioa Zeelanda Berrian astelehen arratsaldeko lehen ordua zenean (goizeko lehen ordua Euskal Herrian) gertatu da, ezustean, eta sumendiak harriak eta errautsak bota ditu zerura.
"Une honetan, oso arriskutsua da Poliziarentzat eta erreskate-taldeetako kideentzat uhartera joatea; bertan, errautsa eta sumendi-materiala daude; badakigu premiazkoa dela bueltatzea", esan du John Tims Poliziaren Operazio Nazionalen buruordeak.
Timsek baztertu egin du irlan oraindik bizirik dagoen inor egotea, eta 31 ospitaleratu daudela baieztatu du. Guztira 47 pertsona zeuden irlan erupzioa izan den unean.
"Ez da bizitza zantzurik ikusi", adierazi du Timsek, Poliziaren, erreskate zerbitzuen eta Armadaren helikopteroek irlaren ingurua aztertu ostean.
"Lehentasuna pertsonak bilatzen eta erreskatatzen jarraitzea da", adierazi du Jacinda Ardern Zeelanda Berriko lehen ministroak. Horren arabera, zaurituetako askok erredurak dituzte.
Ardernek azaldu duenez, zaurituen artean Zeelanda Berriko herritarrak badaude, baina baita turista australiarrak, estatubatuarrak, Erresuma Batukoak, Txinakoak eta Malaysiakoak, New Zealand Herald-en agertzen denez.
Kaltetuetako batzuk kraterretik gertu zeuden, erupzioa hasi baino pixka bat lehenago, sumendian jarrita dagoen kamera batek erakutsi duenez.
Larrialdiei Aurre Egiteko Agentzia Nazionalak alerta deitu du; izan ere, baliteke erupzio gehiago egotea edo lurrikararen bat gertatzea. Agintariek segurtasun-perimetro bat ezarri dute, eta bertan behera utzi dituzte uhartearen inguruko txango guztiak, ontzi turistikoena barne. Urtero 10.000 bat turistak bisitatzen dute White Island.
Albiste gehiago mundua
UEFA, Israelen aurka: "Utzi haurrak hiltzeari, utzi zibilak hiltzeari"
Bi haur errefuxiatu palestinar Paris Saint-Germain eta Tottenham taldeen arteko UEFAko Superkopako finalean izan dira, Aleksander Ceferin UEFAko presidentearekin batera.
Trump Putinengana hurbiltzen saiatuko da Alaskan, Ukrainari buruzko konpromiso irmorik hartu gabe
Ostiraleko bilera zalantzaz inguratuta dator: Volodimir Zelenski Ukrainako presidenteak ez du parte hartuko eta su-eten edo bake-prozesu baterako aurrerapauso gutxi espero dira.
Aitor Zabalgogeazkoa (MSF): "Gazako janari banaketa sistema berria basakeria bat da"
Aitor Zabalgogeazkoak zortzi aste egin ditu Gazan Mugarik Gabeko Medikuak erakundearen larrialdietako koordinatzaile bezala lan eginez. Bere hitzetan, 22 hilabeteren ostean, "jendeak esperantza galdu du eta gosetea gero eta handiagoa da". Zabalgogeaskoak gertutik bizi izan du Israelek eta AEBk babesten duten janari banaketa puntuetan gertatzen dena. "Egunero egoten dira hildakoak eta zaurituak" eta askok buruan eta bularrean jasotzen dituztela tiroak adierazi du "Gaur Egun" albistegian egindako elkarrizketan.
Hogeita hamar bat kazetarik protesta egin dute Tel Aviven kazetari gazatarren hilketaren aurka
"Utzi Gazan kazetariak hiltzeari", irakur zitekeen, ingelesez, arabieraz eta hebreeraz idatzitako pankarta batean. Kazetariak ordu erdiz egon dira bilduta Israelgo Kazetarien Elkarte Nazionalaren egoitzaren atarian isiltasunean.
Gutxienez 26 pertsona hil dira Lampedusako kostaldean, ontzi bat hondoratuta
Desagertuen bila jarraitzen dute; izan ere, 95 bat migratzaile zihoazen goizaldean Tripolitik (Libia) abiatu diren bi ontzitan. Horietako batean ura sartzen hasi da, eta, ondorioz, pertsonak bestean ontziratu dira. 60 inguru erreskatatu dituzte.
Aitor Zabalgogeazkoa Gazatik itzuli berri da eta Zerrendako egoera "inoiz baino okerragoa" dela uste du
Bilbon komunikabideekin egindako topaketa batean, 2012ra arte Mugarik Gabeko Medikuak erakundeko zuzendari nagusi izan denak eta gaur egun larrialdietako koordinatzailea den Aitor Zabalgogeazkoak Gazan eman dituen azken zortzi asteak deskribatu ditu. Gaur gauean, "Gaur Egun" albistegian elkarrizketa egingo diote, Gazako Zerrendan bizi den egoera azaldu dezan.
Europako buruzagiek su-etena eskatu diote Trumpi, ostiralean Putinekin Alaskan egingo duen bileraren abiapuntu gisa
Macronen arabera, AEBko presidenteak bideokonferentziaz baieztatu die NATO ez dela Ukrainaren segurtasun bermeetan inplikatuta egongo. Gainera, Frantziako presidenteak azaldu du Trumpek bermatu diela Zelenskik bakarrik negoziatuko dituela Ukrainak Errusiari lagako omen dizkion lurraldeak.
Netanyahuren aurkako epaiketari azaroaren 2an helduko diote berriro, hainbat saio bertan behera geratu ostean
Israelgo lehen ministroak, funtzionario-eroskeria, iruzur eta konfiantza-abusu delituak leporatuta, astean hiru aldiz agerraldia beharko du data horretatik aurrera. Netanyahu Israelen historian jardunean dagoela epaitzen duten lehen gobernuburua da.
EBk negoziazioetan Ukrainak duen papera aldarrikatu du eta Errusia ohartarazi du, Hungariak sinatu ez duen mezu batean
"Ukrainako herritarrek beren etorkizuna erabakitzeko askatasuna izan behar dute. Ukrainako bake-bidea ezin da Ukraina gabe erabaki", ohartarazi dute, eta su-etena ezinbestekoa dela edozein aurrerapauso egiteko.
Trumpek beste 90 egunez luzatu ditu Txinarako muga-zergak
Txinako Merkataritza Ministerioak baieztatu duenez, Trumpen agindu exekutiboa baino apur bat lehenago, AEBren "ahaleginak" espero zituen "berdintasunean, errespetuan eta elkarrekiko onuran oinarritutako emaitza positiboa" lortzeko.